Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
ИОРДАНТЬ ТУРКС ЁТАМАСЬ
Ерихону молемста Израилень ломаньтналти эрявсь ётамс Иордан ляйть туркс. Азорсь мярьгсь Исусонди: "Тя шиня мон карман кеподемонза лемцень Израилень сембе ломаттнень инголе, содазазь – кода Моисеень мархтолень, стане улян тоньге мархтот. Тон мярьк озксвятихненди, сотксонь арзять кандыензонды: кодак суватада Иорданонь ведти, лоткада... "
Исус мярьгсь ломаттненди: "Тинь мархтонт эрек Шкайсь... Кодак аньцек шятяйхть Иорданонь ведти озксвятихне, модань Кирди Азорть арзянц кандыенза, Иорданонь ведсь машты, вярде шуди ведсь арай перяфксокс."
И виде, аньцек арзять кандыензон пильгсна вельхтявсть Иорданонь ведьса (а Иорданць лисенди эсь трвастонза сёронь нума сембе шитнень), вярде шуди ведсь лоткась и тиевсь перяфксокс оцю вастонь кувалмос, Адам ошти самс. А алгак вастова шудись тусь Салу оцюведти и маштсь.
Эста Израилень марнек ломаньтналсь кармась ётама Иорданть коське потмаксованза. Сонь ётамстонза озксвятихне ащесть коське ляйть кучкаса и кирдезь кядьсост сотксонь арзять. Ся вастста, коса синь ащесть, Навинонь Исус мярьгсь кемгафтува ломаненди сявомс кемгафтува кев тя ацермать колга лятфнембяленди. Мзярда марнек ломаньтналсь ётась Иорданть туркс, Азорсь мярьгсь Навинонь Исусонди: "Кошардыть озксвятихнень, сотксонь арзять кандыензон, лисест Иорданцта". Озксвятихне лиссть ляйста, ведсь эстокиге тусь шудема эсь трваванза.
Иорданцта сявф кемгафтува кефнень Навинонь Исус путозень ся вастти, конанди мярьгихть Гилгал.
НАВИНОНЬ ИСУС 3:7-17; 4:1-24
130 
