Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
АМОРОНЬ ЛОМАТТНЕНЬ МАРХТА ТЮРЕМАСЬ
Весть израиленнетнень и аморонь ломаньтналть ёткса лиссь оцю тюрема. Азорсь мярьгсь Исусонди: «Тят пеле эздост, мон максыне синь кядезт; ёткстост кивок аф кирди каршезт». Исус веньберьф мольсь Гилгалста и апак учсек врьгятсь амороннетнень лангс. Сятнень Азорсь абонгофтозень, и синь ворьгодсть. Тяфта израиленнетне сяськозь амороннетнень Гаваонца и кармасть панема мельгаст.
Аньцек тюремасна таргавсь куватьс. Навинонь Исус озондсь Азорти: тяза валга шись, кувалгодоза шиське. Сон мярьгсь израилень ломаттнень ингольде: «Ащек, ши, Гаваонть вельхксса, и тонга, ков, Аиалононь лаймоть вельхксса!» Азорсь кулезе эняльдеманц. Лоткась шись, ковське ащесь вастсонза, мзярс ломаньтналсь пандсь кяж каршек вийхненди...
Ашель тянь кодяма ши аф тяда инголе, аф тяда меле, мзярда Азорсь тяфта кулелезе и пяшкоделезе ломанень эняльдемать. Ся шиня Сонць Шкайсь тюрсь эсь ломаньтналонц инкса.
Тюремать аделавомда меле Навинонь Исусть ушмовиец*а сяськикс мрдась эсь лоткама вастозонза.
Шкайсь мярьгсь Навинонь Исусонди: «Вов мон кошаряте: ульхть кеме, отькорь, тят пеле и тят таяскоткшне, сяс мес мархтот Азорсь, Шкайце, сембе вастса, коза афолеть моле».
НАВИНОНЬ ИСУС 10:6-15; 1:9
*а Ушмовий – рузкс войска.
134 
