Выбрать язык
Выбрать рассказ Ветхого Завета
Выбрать рассказ Нового Завета
Азор – менельхнень-масторхнень тиисна и азорсна; Господь. Од Сотксса тяфта лемневи Шкайсь и Цёрац Исус.
азорксши – киньге и мезтьке лангса азорондама, кядяла кирдема; власть, воля.
алтарь – губор пряса тиф васта, конань лангс путневсть Шкайти озказнетне.
альфа и омега – греконь алфавитста васенце и мекольце букватне.
аминь – "видекс тяфта", "улеза тяфта", сась евреень кяльста.
апостол – греконь вал, мокшекс "кучф". Тяфта лемневсь ломанць, кона кучевсь корхтама и тевонь тиема кучить лемста. Евангелиятнень эса тяфта лемневихть Исус Кристосонь 12 тонафниенза.
ареопаг – тяфта Афинаса лемнезь менельть ала вастть, коса ётафневсть судендамань и лия пуромкст.
афару ваймопожф – идемевозь, шяйтан; нечистый дух. Ванк Сатана.
ваймама ши – еврейхнень ваймама шисноль ёткшись. Недялять сисемце шиц лемневсь Шкайти, покодемс тя шиня афоль мярьгондев. "Шаббат" евреень валсь ётафтови "ваймама".
Ватьф – Шкаень кучф, Мессия, Кристос; Помазанник.
видешистонь ломань – видевайме, Шкайть инголе видешиса эряй ломань; праведник.
виде шкайфтома – аф виде шкаенди сюконякшни; язычник.
Гавриил – Шкайть оцю ангелонзон эзда фкясь.
Галилея – Израильть кельмоширдень аймакоц, коса шачсь и эрясь Исус Кристос.
Голгота – Ерусалимть кельме-шимадомань шире панда; Голгофа.
динария – римонь ярмак. Исусонь пингста пандсть тняра фкя шинь покодеманкса.
евангелия – тиевсь "евангелион" греконь валста, ётафневи кода "пара (кеняртьфти) куля".
идемевозь – ванк афару ваймопожф.
иневалда – пяк вии вандолф, конань вельде Библияса сидеста няфневи Шкайть ломаттнень ёткса улемац али тейст маладомац; слава Божия.
иняру – святой. 1) Мезе лемтьф Шкайти – мода, васта, ломань и ст. т. 2) Шкайть колга: инь оцю, инь ару... аш эсонза кодамовок афсатыкс и пежеть.
Иняру Ваймопожф – Святой Дух. Шкайсь колма ликса: Шкай Алясь, Шкай Цёрась (Исус Кристос) и Шкай Иняру Ваймопожфсь. Иняру Ваймопожфсь – Шкаень колма ликнень эзда фкясь.
Иняру Сёрматф – Шкаень Вал. Библиянь сембе тексттне – тя Иняру Сёрматф.
Иудея – Израильть (Римть кядяла улемста) лямбе ширдень аймакоц, конанди сувсесть Идумеянь, Самариянь модатне и Иудань панда лангонь модась.
каяфксонь кочкай – Од Сотксса римоннетненди налогонь кочкай ломань, конань иудейхне пяк афолезь кельге; мытарь.
киськопень керома – евреень кой, мзярда керови кафкса шиса цёранять киськопец. Тяфта тяшкснесазь Израилень ломаньтналть Шкайть мархта ладяманц, сотксть.
Кой – еврейхненди Моисеень вельде максф Шкаень кошардомвалхт и койхть, конат эрявихть пяшкотькшнемс эрь еврейти; Закон (Моисея).
койти тонафты – Моисеень Коенц и Шкайть эзда лия Сёрматфонь лац содай еврей, кона тонафтсь лиятнень, кода эряма и тиендема Шкаень мяльть коряс.
койфтомаши – коень аф ванфтома, пежетьса эряма; беззаконие.
кошардомвал – кошардома, кона эрявсь пяшкодемс. Шкаень кошардомвал – Божья заповедь. Кемонь кошардомвалхт – Десять заповедей.
крёз, эськодемс крёзти – крёзти вачкодезь римоннетне шавондозь сятнень, кит ульсть судендафт куломас. Тяфта шавондозь аньцек уретнень и сятнень, кит ульсть афримонь эряйхть. Судендафсь сонць эсь лангсонза каннезе крёзть кулофтома вастти. Тяфта ваймонь сявомась лувондовсь эста инь визьксокс. Евреень арьсемать коряс крёзти эськотьфне лувондовсть Шкаень сюдофокс. Исус Кристос эськотьфоль крёзти и кулось. Сембе ломаттнень пежетьсна ульсть сонь лангсонза. Тяфта сон ладясь соткс Шкайть и ломаттнень ёткса.
Кристос – греконь кяльса Христос, евреень кяльса Мессия валхнень фкя мяльёжесна: "Шкаень Ватьф" (Помазанник), Шкаень Кочкаф, Шкаень надияфтф и кучф Оцязор-Иди.
Кстиндай Иоанн – Иоанн Креститель. Иоанн кучфоль Мессияти, Исус Кристосонди, кинь аноклама. Сон кстиндазень ломаттнень ведьса.
кстиндама – ведьс навамать вельде аруяфтомань и Шкайти шарфтомань кой; крещение.кяльге шкаймаряй – аф виде шкаймаряй; лжепророк. Ванк шкаймаряй.
ладан – танцти шине вай.
левиеннетне – левиеннетне ульсть Левиень, Яковонь кемгафтува цёранзон эзда фкять, уноконь уноконза. Шкайсь синь кочказень шкайкудса покодикс.
Ломанень Цёрась – тяфта лемневсь Исус Кристос. Тя лемть вельде азондовсь – сон ломань и сяка пингть Шкаень Цёра, Мессия, конань колга инголькиге азондсть Ташта сотксонь шкаймаряйхне. Сын Человеческий.
манна – ярхцамбяль, конань Шкайсь макссезе израилень ломаттненди шавмодаса.
Масторкирди – менельхнень-масторхнень Кирдисна, Шкайсь.
Менелень Оцязорксши (Шкаень Оцязорксши) – тя стама улема-ащема, мзярда сембось и сембе эряйхть Шкайть мяленц коряс, макссазь пряснон Шкайть оцязорксшинц кядялу. Царство небесное, Царство Божие.
Мессия – ванк Кристос.
Мяньфтись – Избавитель. Идись, кона мяньфтьсыне ломаттнень пежетьта, Исус Кристос.
назорей – Шкайти явф (максф) ломань. Макссевсь сон марнек эряфонц пингс али мзярошка пингс. Назорейти ашезь мярьгондев ярхцамс и симомс мезьдонга стамода, мезе тиф виноградста, ашезь мярьгондев нарсемс шяярьснон и сакалснон и нинге ашезь мярьгондев токсемс кулофнень.
озондома, озондомвал – валхт, конатнень вельде ломаттне пшкятькшнихть Шкайти. Озондомста виденцякшнихть тиф пежетьснон колга и анцихть пежетень нолдама, шнакшнесазь Шкайть и азондыхть тейнза сюкпря.
озказне – Шкайти али аф виде шкаенди максф казне.
озкс – озондомань ила; моление, служба.озксвяти – поп. Тя текстса: евреень озксонь вяти, шкайкудса покоди, Шкайти озказнень канни.
озксвятиень оцюня – шкайкудса озондома тевонь, сембе озксвятихнень и Оцю пуромксонь вяти; архиерей.
озкскура – кемаень кура; община верующих.
озксмора – шнама мора, псалма; псалом, гимн.
озксонь прявятихне – евреень Оцю пуромксонь сембода оцюнятне, синь вятезь Оцю пуромксонь тефнень; первосвященники.
осанна – евреень вал "идемак", "лезтт", нинге азондови кода Шкайти шнама.
Оцю пуромкс – еврейхнень вятиснон пуромкссна, кона ётафнесь судендамань тефтка. Сон ащесь сизьгемонь ломаньцта, ётксост озксвятиень оцюнят, пряатят, койти тонафтыхть, фарисейхть, саддукейхть и лият; синедрион.
очижи – тя шиня еврейхне тяшкснезь Египетонь урешиста мянемаснон. Ярхцамс аноклакшнельхть очижинь вероз. Тяни кристиаттне тя шить сотнесазь Исусонь, Шкаень Верозть, муцендаманц, куломанц и вельмаманц мархта.
панжемвал – ингольпяли няйфть панжемац; откровение. Иоаннонь панжемвалонза – Откровение Иоанна.
паромяль – седимаряма; милость.
пежеть – грех. Шкайть мяленц каршес моли тефт и мяльхть.
пелькс тазурма – киськонь педи урма. Израильса тяфтама урмаса сярядись лувондовсь афарукс и сон панцевсь ломань ёткста.
плхтамань озказне – озказне, кона плхневсь толса.
рабби – тяфта еврейхне пшкятькшнесть эсь тонафтыснонды.
рай – Эдемонь иможбересь. Нинге тяфта лемневи ся вастсь, конаса кармайхтьучендома вельмама сят, кит эрясть Шкаень мяльть коряс.
ракша ваны – Израильса лама кирдевсь учада и ракша ваныень тевсь путневсь пара лувксс. 22-це псалмаса Менелень Аляньке латцеви ракша ваны вастс, а сят, кит кемайхть тейнза – уча вастс. Пежетю ломаттне шарыхть эрьгаскотф уча лангс. Исус лемдезе эсь прянц ляпе вайме ракша ваныкс, кона макссы эсь эряфонц эсь ракшанзон инкса.
Рим – 1. Мастор, империя. Кристосонь шачемада инголи 63 кизоня сявозе Израильть эсь кядялонза и ладязень тоза вятикс эсь ломанензон.
2. Римонь империять пряошец.
Саваоф Азорсь – тяфта лемнезь Шкайть. Ётафневи кода "Виень Азорсь", "Ушмовиень Азорсь".
саддукей – Шкайс кемай еврей, кона ашезь кема ваймопожфти, ангелхненди и кулофста вельмамати. Ламотне ёткстост ульсть озксвятихть и козя ломатть.
Самария – тяфта лемневсть масторське и пряошське. Самариясь ащесь Иудеять и Галилеять ёткса. Самариянь эряйхне лиссть лама ломаньтналонь ёткста и шорявстьфкя-фкянь мархта. Еврейхне и самариянь эряйхне фкя-фкянь афольхть няе.
Сатана – афару ваймопожфнень азорсна, кона сембе вийса най моли Шкайтькаршес. Ломань ваймонь юмафни душман, идемевозь; главный дьявол.
сатрап – кунардонь Персиянь масторса тяфта лемнезь вятить путфонц.синагога – евреень озондомань и Койти тонафтомань и судендамань куд, конаса ётафневсть пуромкстка.
синедрион – ванк Оцю пуромкс.
смирна – танцти шине шуфтовай.
смоква шуфта – касы Палестинаса, тарадонза касыхть келиста, лопанза оцюфт, иможенза танцтихть.
соткс – фкямялень ванфтома, ломаттнень мархта Шкайть сотксоц; завет, союз.
талант – Исусонь пингонь Израильса инь питни ярмак. Питнец 6600 динария.
фараон – тяфта лемнезь ётмелянь Египетса оцязорхнень.
фарисей – тонафнеф еврей, кона ащесь Моисеень Коенц кемоста ванфтоманкса.
шарфтомс Шкайти – явомс пежетьта, тиевомс лия ломанькс и ушедомс эряма Шкайть мяленц коряс; покаятьса.
Шкаень оцязорксшись – ванк Менелень Оцязорксшись.
шкайкуд – Библиянь пинкнень Ерусалимса оцю мазы куд, коза еврейхне пуромкшнесть озондома и Шкайти озказнень максома.
шкаймаряй – Шкайть эзда корхтай ломань; пророк.
эськодемс крёзти – вачкодемс эськса крёзти. Ванк крёз.
БИБЛИЯНЬ ВАЛКСКЯ ИДЕНЬ БИБЛИЯТИ 