Выбрать язык
Выбрать рассказ Ветхого Завета
Выбрать рассказ Нового Завета
Израиль ма̄хум Выгыр ся̄рысь хульсаныл ос хоса лёӈханыл о̄вылтахтас, тан ла̄вим ма̄н, Ханаан ма̄н, минмыгтасыт. То̄рум туп ты лёӈх тара-паттым оньсяс, таимагыс Тав тан э̄лы-паланылт йис. То̄рум тананыл Сина сэиӈ ма̄хосыт тотсанэ. Тот тан касталы̄г е̄мтыма Моисейин ос А̄ронын ла̄всыт: "Египет ма̄т ма̄н нянь сакати осьсув, нэн ос манав тыгле тэтал сюӈкырлаӈкве тотыслы̄н!"
Моисей ос А̄рон ла̄всы̄г: "Тыгле Tо̄румн нан Египет ма̄ныл тотвесын. Нан мен ляльтмен хунь ла̄вегын — нан То̄румляльт ла̄вегын. Тав ань хунтамлы, маныр нан ла̄вегын оснан тах касалэгын, маныр То̄рум тах ва̄ри: Тав нанан нёвыльос нянь кеты".
Э̄типалаг израиль ма̄хум хулум ма̄н яныг *блось аня исыс.Та сирыл тан нёвыль осьсыт. А̄лпыл тан ма̄ тармыл соль хурип, матырмат утыт касаласыт. Ты ати туйт о̄лыс, ты То̄рмыл кетым нянь о̄лыс. Израиль ма̄хум ты нянь "манна" намыл намаясаныл. Атэ маг няньлюшка хурип о̄лыс.
То̄рум тасавит манна атуӈкве ла̄выс, мансавит акв хо̄талолне ма̄гыс эри. Хотъют савнув атыглас-ке, таи хультум тэ̄нутанэ э̄т сыс сакыглас. *вСат хотыт хо̄талт То̄рум туп китхо̄тал ма̄гыс манна атуӈкве ла̄выс, сат сатыт хо̄тал сабатхо̄талы̄г о̄лыс, ты услахтын хо̄тал, таимагыс ты хо̄талт нэмхотъют нэматыр ат ва̄рыс. Ос сат хотыт хо̄талт атум сыртэпаныл кит хо̄тал сыс ат сакыглас.
Израиль ма̄хум сэиӈ ма̄т налыман (40) тал яласасыт, тыпора сыс То̄рум тананыл маннал тыттысанэ. Тан ос тамлема̄н ёхтысыт, хот вит атим о̄лыс. Тот То̄рум ке̄рас пунсыс,тӯвыл сыстам вит сосхатас. Тох То̄рум ма̄хманэ ургаласанэ.
Исход 15:22-17:16
*а Манна — ты тамле тэнут, сыртэп хурип.
*б Лось — ты русь ла̄тӈыл перепел.
*в Ты потрэт сат хотыт хо̄тал ос сат сатыт хо̄тал — сабат-хо̄тал — еврей календарь сирыл о̄лэг. Ма̄н календарювт ты хо̄талыг сат атыт xо̄тал ос сат хотыт хо̄тал (русь ла̄тӈыл пятница и суббота).
40 