Выбрать язык
Выбрать рассказ Ветхого Завета
Выбрать рассказ Нового Завета
Израиль ма̄хум сэиӈ ма̄т ялыманыл Синай ур ватан ёхтысыт. Моисей ур алан но̄х-хаӈхыс, тот То̄рум таве̄нлов са̄ккон хӯлтыс. Вос тав ма̄хманэ э̄лаль олнэ сирыл ханисьтыянэ. То̄рум кит ахвтас парт тармыл тыи лов са̄кконэхансанэ ос ты ахвтас партыг Моисейин мисаге. То̄рум тыса̄кконыт э̄лмхо̄ласын хультуптасанэ, вос тан ты са̄кконытургалым ёмсякве э̄лаль о̄лэгыт.
Ам — Кусяй, наӈ То̄рмын. Египет ма̄ныл, хот олупсантарвитыӈ о̄лыс, наӈын кон-тотыслум. Ам коны-па̄лумт мо̄тто̄рмытн наӈ пуӈк ул пинэн.
Наӈкинанын нэматыр *aпупы̄г ул ва̄рен, то̄румт, ма̄ тармыл, ма̄ ёлы-палт, ма̄н о̄с вит халт олнэ утыт тан хуриянылул ва̄рен. Тан э̄лы-паланылт пуӈк ул пинэн ос тананылн улпоиксен.
Кусяйин наме, То̄рмын наме наскассыг ул ля̄галэлын.Хотъют Кусяй нам наскассыг ля̄галы, Тав тананылн люльнак тоты.
Усьлахтын хо̄тал ва̄руӈкве ул ёрувлэн, То̄рум янытланма̄гыс. Хот хо̄тал рупитэ̄н, сатыт хо̄талт усьлахтэ̄н. Ты хо̄тал Кӯсяй, То̄рум, ялпыӈ усьлахтын хо̄талы̄г намаястэ.То̄рмыл маим ма̄т хоса олнэн ма̄гыс асин ос сянин янытлэ̄лын.
Э̄лмхо̄лас ул алэн.
Ойка такви э̄кватэ ёт туп вос о̄лы, ос э̄ква такви ойкатэ ётвос о̄лы. Мотсирыл, мори. Мо̄т ойка ёт ос мо̄т э̄ква ёт о̄луӈкве ат ро̄ви.
Ул тӯлмантэн.
Ул урккен ос мо̄т э̄лмхо̄лас урыл люль ла̄тыӈ ул ла̄вен.
Мо̄т э̄лмхо̄лас колэ сым сяргим наӈкинанын ул таӈхен.Ос тав э̄кватэ, метхуме, метнэ̄тэ, осёлэ ос маныр мо̄т утыт,тав пормасанэ, наӈкинанын сым сяргим ул таӈхен.
Исход 20
*a Пупы̄г — ты русь ла̄тӈыл идол.
42 