Выбрать язык
Выбрать рассказ Ветхого Завета
Выбрать рассказ Нового Завета
Моисей израиль хумы̄г о̄лыс, тав Египет ма̄ныл мо̄тма̄н, Мадиан ма̄н ояс. Тот тав сав тал паля урнэ хумы̄г о̄лыс. Аквнакт Моисей паля анятэ Хорев нёр ватанвантластэ. Илттыг касалас, хумус нирсяхыл найин пеламлавес ос нирсяхыл найин ат хораяве. Моисей ла̄выс: "Минэгум, сунсэгум, манрыг нирсяхыл найин ат хораяве".
Хунь Моисей ляпаннув ёхтыс, тав турсуй хунтамлас:"Моисей, Моисей! Ляпаннув ул йиен! Ла̄гыл маснутанынхот-аӈвхен! Ты ма̄, хот наӈ люлегын, ялпыӈ ма̄. Ам — Авраам То̄руме, Исаак То̄руме ос Яков То̄руме". Моисей пилыстаимагыс вильтэ ла̄п-пантыстэ. То̄рум тавен ла̄выс: "Амсунсэгум, хумус ма̄хманум Египет ма̄т са̄валэгыт. Ос Амтананыл нётнэ ма̄гыс, ёмас ма̄н тотнэ ма̄гыс ос египет ма̄хумныл ве̄стуӈкве минэгум. Минэн! Ам наӈын фараон палткетылум. Наӈ Ам ма̄хманум, израиль ма̄хум, Египет ма̄нылкон-тотыянын". Моисей таквинатэ такем ёрыӈ хотпаг ат ловыньтастэ, тамле яныг ва̄рмаль ва̄рнэ ма̄гыс. То̄нт То̄румтаве̄н ла̄выс: "Ам наӈ ётын о̄лэгум".
Тох Моисей Египет ма̄н минас. Тот тав А̄рон нампа каӈкеёт хонтхатас, тэн аквъёт фараон палт минасыг. Тэн таве̄нла̄всыг: "Израиль То̄рум тох ла̄ви: ‛Ам ма̄хманум Египетма̄ныл тартэн'". Ос фараон ты ма̄хум ат тартыс. Сав сёсМоисей каӈке ёт фараон палт ялыс кос, ос фараон израильма̄хум тартуӈкве ат касасяс. Фараон сымталэ-майтталэ ма̄гыс, То̄рум египет ма̄хум люль накын паттысанэ. Онтоловпилисьмаӈ нак египет ма̄хум та̄рмыл патыс. Моисей тылюль нак урыл фараонын манах сёс ла̄выглас, фараон таве̄нагтуӈкве ат таӈхыс.
Исход 3:1-10:29
36 