Выбрать язык
Выбрать рассказ Ветхого Завета
Выбрать рассказ Нового Завета
Сав пора минас. Яков ос пыганэ хотталь-сялтсыт. Тансав ня̄врам осьсыт, ос тох акв яныг (еврей) мир нэглыс.Ты ма̄хум израиль ма̄хмы̄г намаявес. Яков Месопотамияма̄ныл Ханаан ма̄н ёмнэтэ сыс То̄румн йильпи Израиль намыл намаявес. Таимагыс Яков апганэ еврей ма̄хум, мотсирыл ос иудей ма̄хум, ань мус иӈ израиль ма̄хмы̄г ла̄вавет.
Осип холме юи-палт сав пора минас. Египет тармыл мо̄ткусяй фараоны̄г е̄мтыс. Тав Осип урыл нэматыр ат хулыглас, таимагыс тав ва̄рмалянэ урыл нэматыр ат вас. Тав ла̄выс: "Израиль ма̄хум сака сав мир оньси. Хонтлан нак-кее̄мты, тан нуртотнэ ма̄хманув ёт ма̄н ляльтув йиӈкве вермегыт!" Фараонын тан сака тарвитыӈ рупата ва̄руӈкве ла̄ввесыт. Тан савнувег ул вос е̄мтэгыт, таимагыс израиль ма̄хумос усьпылнув савнувег е̄мтыс. Египет ма̄хмыт такем та израиль ма̄хум лавыл нэглуӈкве патсыт, таимагыс тананылметма̄хмы̄г ва̄рсаныл. Израиль ма̄хум олупсаныл сака тарвитыӈы̄г е̄мтыс. Хунь акв фараон сорумн патыс, мо̄т тананыл усьпылнув саватас. Израиль ма̄хум нас саваласыт осТо̄румн нётмилэ ма̄гыс поиксясыт. То̄рум пойкилананылхулсанэ ос Тав такви ма̄хманэ ве̄стуӈкве номылматас. Тыма̄гыс То̄рум Моисей-хум перияс.
Исход 1:16-2:25
34 