Выбрать язык
Выбрать рассказ Ветхого Завета
Выбрать рассказ Нового Завета
Каӈкыт Египет ма̄н ёхтысыт, Осип палт минасыт ос тавэ̄лы-палт санспуӈкын ёл-унтсыт. Тан Осипаныл атхасьсаныл, а тав каӈканэ тара хасьсанэ, кос ты урыл ат ла̄выс. Тав каӈканэ нупыл ла̄выс: "Нан шпионыт". "Ати, кусяюв", — каӈканэ ювле-ла̄всыт, — "ман веськат ма̄хум, акватяныл олнэ пыгыт. Ма̄н ос акв апси оньсев, тав юн хультыс". То̄нт Осип ла̄выс: "Вос акв каӈкын тыт хульты, мо̄таныт ос вос нянь юв тотэгыт. Тувыл мань апсин ам палтумтотэлын. То̄нт усь ам нанан агтэгум, соль ман ати нан ла̄вегын".
Каӈкыт юв-миннэ лёӈхын сёпитахтасыт, Симеон каӈканылн туп Египет ма̄т хультуӈкве эрыс. Юв-ёхтуманыл порат тан асянылн потыртасыт, маныр тан ётаныл е̄мталас.То̄нт Яков касталы̄г е̄мтыс ос ла̄выс: "Осип атим, ань Симеон ос тыт атим! Вениамин пыгум ат тартылум!" Тав сакахоса Вениаминэ тартуӈкве ат таӈхыстэ. Хунь нянь холас,то̄нт усь та тартыстэ.
Каӈкыт Египет ма̄н ёхтуманыл порат хот-рохтысыт,хунь Осип тананыл такви колэн во̄всанэ. Осип луситан ма̄хманэн ла̄выс сав савсыр тэнут тотуӈкве. Каӈканэ сака осьятахтыгласыт: манрыг тананылн тамле янытлап ва̄раве.Осип илттыг люнсьялтахтас ос каӈканэн ла̄выс: "Ам —Осип! Асюм иӈ о̄лы ман ати?" Каӈканэ тыи хулсыт, сакарохтысыт. Осип ос тананылн ла̄выс: "Нан анум Египет ма̄нтыналаслын, ань тах ты урыл ул салитэн. То̄рум анум тыглекетыстэ нанан нётнэ ма̄гыс, хунь нуса, тэтал пора ёхты". Тувыл Осип каӈканэ сынумтасанэ ос сягтым люньсис. Фараонын ты ля̄ххал сака мустыс, хунь тав Осип каӈканэ урылхулыс. Тав тананылн сав савсыр муйлупса мис ос асяныл ётЕгипет ма̄н о̄луӈкве во̄всанэ.
Каӈкыт муйлупса тагыл юв-ёхтысыт. Хунь Яков Осипеурыл хулыс, то̄нт сака сягтыс ос семьятэ ёт Египет ма̄нминас. Осип асентыл сака ёмас, со̄тыӈысь хонтхатсыг! Осипрутанэ тав палтэ, Египет ма̄т, о̄луӈкве хультсыт.
Бытие 42:5-50:26
32 