Библейские рассказы
Выбрать язык
Выбрать рассказ Ветхого Завета
Выбрать рассказ Нового Завета
СОЛОМОН ДА САВАСА ÖКСЫ-АНЬ
Сава муöн веськöдлысь öксы-ань кывлiс ыджыд мывкыда Соломонлöн нималöм йылысь. Сiйö кöсйис тöдмавны, збыль-ö тайö тадз. Аслас кесйöгъяслы сiйö тшöктiс сöвтны верб людъяс вылö дона козинъяс: чöскыд дука выйяс, зарни да дона изъяс, сэсся мöдöдчис туйö, Ерусалимö.
Кутшöмкö кад мысти саваса öксы-ань локтiс аслас йöзкöд Соломон ордö. Сiйö унатор йылысь юасис Соломонлысь. Мöдыслы эз вöв сьöкыд вочавидзны аньлöн юалöмъяс вылö. Öксы-аньöс шензьöдiс Соломонлöн сюсь мывкыдыс, тшöтш сылöн став озырлуныс. Сiйö шуис Соломонлы: «Дзик збыль тай вöлöма, мый ме кывлi аслам муын тэ йылысь да тэнад сюсь мывкыд йылысь. Но ме эг эскы, кытчöдз эг аддзы аслам синмöн. Тэнад мывкыдлуныд да озырлуныд ёна унджык вöлöма менам кывлöм дорысь. Шудаöсь тэнад йöзыд да тэнад кесйöгъясыд, кодъяс кылöны тэнсьыд мывкыд сёрнитö! Ошкöм Господьлы, тэнад Енлы! Сiйö пуктiс тэнö Израиль войтырлы öксыö, öд тэ воин Сылы сьöлöм вылас. Господь помтöг радейтö Израильöс, та вöсна Сiйö индiс тэнö öксыöн, медым тэ видзин Енлысь Индöдсö да мыждiн йöзсö веськыда».
Öксы-ань козьналiс Соломонлы зэв уна зарни, унасьыс-уна чöскыд дука вый да дона из. А Соломон сетiс öксы-аньлы ставсö, мый сiйö корис, да нöшта унджык на.
Öксыяслöн коймöд небöг 10:1-13
182 
