Выбрать язык
Книги Ветхого Завета
Книги Нового Завета
с русским текстом1 Исус Кристослӧн ордпуыс петӧ Ӧвраамсянь, сэсся Давидсянь. Сылӧн чужанвужйыс татшӧм.
2 Ӧвраамлӧн чужӧма Исаак, Исааклӧн – Яков, Яковлӧн чужӧмаӧсь Иуда да сылӧн вокъясыс.3 Иудалӧн чужӧмаӧсь Парес да Зерах, налӧн мамныс вӧлӧма Фамар. Пареслӧн чужӧма Хецрон, Хецронлӧн – Рам,4 Рамлӧн – Аминадав, Аминадавлӧн – Наашон, Наашонлӧн – Салмон.5 Салмонлӧн чужӧма Вооз, сылӧн мамыс вӧлӧма Раав. Воозлӧн чужӧма Овид, сылӧн мамыс вӧлӧма Руфа. Овидлӧн чужӧма Ессей,6 Ессейлӧн чужӧма Давид ӧксы.
Давид ӧксылӧн чужӧма Соломон, сылӧн мамыс вӧлӧма Урийлӧн гӧтыр.7 Соломонлӧн чужӧма Ровоам, Ровоамлӧн – Авий, Авийлӧн – Аса,8 Асалӧн – Иосафат, Иосафатлӧн – Иорам, Иорамлӧн – Озей.9 Озейлӧн чужӧма Иотам, Иотамлӧн – Ахаз, Ахазлӧн – Езекей.10 Езекейлӧн чужӧма Манассей, Манассейлӧн – Амон, Амонлӧн – Иосей.11 Иосейлӧн чужӧма Ехояким, Ехоякимлӧн чужӧмаӧсь Еконей да сылӧн вокъясыс. Тайӧ вӧлӧма Израиль войтырӧс Вавилон муӧ вӧтлытӧдз на.
12 Вавилонӧ вӧтлӧм бӧрын Еконейлӧн чужӧма Шеалтиэл, Шеалтиэллӧн – Зоровавель,13 Зоровавельлӧн – Авиуд, Авиудлӧн – Эляким, Элякимлӧн – Азор.14 Азорлӧн чужӧма Садок, Садоклӧн – Аким, Акимлӧн – Элиуд,15 Элиудлӧн – Элазар, Элазарлӧн – Маттан, Маттанлӧн – Яков.16 Яковлӧн чужис Ӧсип. Сылӧн Мария гӧтырыс чужтіс Исусӧс, кодӧс шуисны Кристосӧн*а.
17 Тадзи Ӧвраамсянь Давидӧдз ставнас вӧлі дас нёль чужанвуж. Вавилонӧ вӧтлытӧдз Давидсянь – дас нёль чужанвуж. Вавилонӧ вӧтлӧмсянь Кристосӧдз – бара дас нёль чужанвуж.
18 Исус Кристос чужис тадзи.
Исуслӧн Мария мамыс вӧлі кикутӧма Ӧсипкӧд. Налӧн ӧтлаасьтӧдз на Мария, вӧлӧмкӧ, сьӧктӧма Вежа Ловсянь*б.19 Ӧсип вӧлі веськыда олысь морт. Сійӧ эз кӧсйы йӧзӧдны Марияӧс, та вӧсна шуис гусьӧн лэдзны сійӧс.
20 Кор Ӧсип мӧвпаліс тадзи, Господьлӧн андел петкӧдчис сылы вӧтас да шуис: «Ӧсип, Давид пи, эн пов босьтны Мариятӧ гӧтырӧ. Сьӧлӧм улас сылӧн кагаыс Вежа Ловсянь.21 Марияыд чужтас пи, пуктан Сылы Исус*в ним, Сійӧ мездас Ассьыс войтырсӧ мыжъяссьыныс».
22 Ставыс тадзи лои, медым иніс пророк пыр Господьлӧн шуӧмыс:
23 – Ныв сьӧктас, сэсся пи чужтас.
Эммануил ним Сылы пуктасны.
Нимыс висьталӧ: миянкӧд Ен.
24 Садьмӧм бӧрас Ӧсип вӧчис Господьлӧн андел тшӧктӧм серти: босьтіс Марияӧс гӧтырӧ,25 но эз узьлы сыкӧд. Мария чужтіс пи, ассьыс медводдза кагасӧ. Ӧсип пуктіс Сылы Исус ним.
*а 16 1:16 Кристос – Енлӧн Мавтыштӧмаыс
*б 18 1:18 Вежа Лов – Святой Дух
*в 21 1:21 Исус – нимыслӧн вежӧртасыс ”Господь мездӧ”.
Глава 1