Выбрать язык
Книги Ветхого Завета
Книги Нового Завета
без русского текстаJOANNAN NÄGUDEZ | ОТКРОВЕНИЕ ИОАННА |
Глава 18 | Глава 18 |
| 1Jäl'ghe sidä minä nägištin: völ üks' angel tuli alahaks taivhaspäi. Hänel oli sur' vald, i hänen taivhaline hoštotez vaugištoiti kaiken man. | 1После сего я увидел иного Ангела, сходящего с неба и имеющего власть великую; земля осветилась от славы его. |
| 2Hän kirgouzi komedal änel: — Lanksi, lanksi Vavilon, sur' vedeluznaine, i tegihe kaikiden pahoiden hengiden eländsijaks, kaikiden paganoiden hengiden olendtahoks, kaikiden puhthatomiden da paganoiden linduiden pezaks. Ičeze vedeluzelol hän om jotnu kaikid rahvahid Jumalan vihan vinal. | 2И воскликнул он сильно, громким голосом говоря: пал, пал Вавилон, великая блудница, сделался жилищем бесов и пристанищем всякому нечистому духу, пристанищем всякой нечистой и отвратительной птице; ибо яростным вином блудодеяния своего она напоила все народы, |
| 3Kaik man kunigahad oma vedelnus hänenke, kaik man möndmehed oma bohattunuded hänen bohatusespäi, hänen tahtospäi ülimäraižehe eloho. | 3и цари земные любодействовали с нею, и купцы земные разбогатели от великой роскоши ее. |
| 4Minä kulištin taivhaspäi toižen änen, kudamb sanui: — Minun rahvaz, lähtkat hänespäi, jätkat händast, miše et oliži ühtes hänenke hänen grähkiš da et saiži hänen vuiččid pahusid. | 4И услышал я иной голос с неба, говорящий: выйди от нее, народ Мой, чтобы не участвовать вам в грехах ее и не подвергнуться язвам ее; |
| 5Hänen grähkäd oma jo libunuded taivhazesai, i Jumal muštab kaik hänen pahad tegod. | 5ибо грехи ее дошли до неба, и Бог воспомянул неправды ее. |
| 6Tehkat hänele muga, kut hän om tehnu toižile, makskat kaksin märin hänen tegoiš. Sihe mal'l'aha, kudambaha hän tegi toižile jomišt, tehkat hänele kahthe kerdha karktemb jomine. | 6Воздайте ей так, как и она воздала вам, и вдвое воздайте ей по делам ее; в чаше, в которой она приготовляла вам вино, приготовьте ей вдвое. |
| 7Severdan antkat hänele tuskad da pahad mel't, kuverdan hän oli otnu ičeleze korktust da ülimärašt elod. Hän kitäse ičeze südäimes: «Minä olen kunigaz-naine. En ole mitte-se leskiak, nikonz en lankte opalaha.» | 7Сколько славилась она и роскошествовала, столько воздайте ей мучений и горестей. Ибо она говорит в сердце своем: `сижу царицею, я не вдова и не увижу горести!' |
| 8Sen tagut lankteba hänen päle ühtes päiväs kaik nene pahad: surm, voik da näl'g, i händast polttas tuhkale. Vägev om Ižand Jumal, ken händast om sudinu! | 8За то в один день придут на нее казни, смерть и плач и голод, и будет сожжена огнем, потому что силен Господь Бог, судящий ее. |
| 9Mirun kunigahad, ked hänenke ühtes oma vedelnus da elänuded ülimärašt elod, voikaškandeba da tuskičeškandeba, konz nägištaba savun lämoišpäi, kudamb poltab Vavilonad. | 9И восплачут и возрыдают о ней цари земные, блудодействовавшие и роскошествовавшие с нею, когда увидят дым от пожара ее, |
| 10Seištes edahan i varaites, kut händast mokitas, hö sanuba: — Voi sindai, sur' lidn! Voi sindai, Vavilon, vägev lidn — kut teravas tuli sinun sud! | 10стоя издали от страха мучений ее и говоря: горе, горе тебе, великий город Вавилон, город крепкий! ибо в один час пришел суд твой. |
| 11Mirun möndmehed voikaba sen täht, miše enamb niken ei osta heiden tavaroid: | 11И купцы земные восплачут и возрыдают о ней, потому что товаров их никто уже не покупает, |
| 12ei kuldad da hobedad, ei kal'hid kivid da hel'mid; ei hoikad pautnad da purpurad, ei šuukud da rusktoid kanghid; nimittušt pud čoman haiškenke da kal'hiš puišpäi da slonan luišpäi tehtuid satusid, ei bronzad, raudad da mramorad; | 12товаров золотых и серебряных, и камней драгоценных и жемчуга, и виссона и порфиры, и шелка и багряницы, и всякого благовонного дерева, и всяких изделий из слоновой кости, и всяких изделий из дорогих дерев, из меди и железа и мрамора, |
| 13ei koricad da toižid magedusid, ei fimiampihkad, mirrad da ladanad; ei vinad da pühävoid, ei henod jauhod da villäd; ei lehmid da lambhid, ei heboid da kezrajamid, ei orjid da mehiden hengid. | 13корицы и фимиама, и мира и ладана, и вина и елея, и муки и пшеницы, и скота и овец, и коней и колесниц, и тел и душ человеческих. |
| 14— Elon ploduid, kudambid sinä tahtoid kaikel südäimel, sinai nügüd' ei ole, kaik sinun bohatuz' da sinun kül'düz' oma männuded, i sinä enamb nikonz ed löudaškande niid! | 14И плодов, угодных для души твоей, не стало у тебя, и все тучное и блистательное удалилось от тебя; ты уже не найдешь его. |
| 15Möndmehed, ked möiba nenid tavaroid i bohattuiba necen möndan tagut, seižuba loitos, varaites, kut händast mokitas. Hö voikaba da itkeba: | 15Торговавшие всем сим, обогатившиеся от нее, станут вдали от страха мучений ее, плача и рыдая |
| 16— Voi, voi sindai, sur' lidn! Sinä säditoi hoikihe pölvazsädoihe, purpuraha da kumačuhu, sinun päl hoštiba kuld, kal'hed kived da hel'med. | 16и говоря: горе, горе тебе, великий город, одетый в виссон и порфиру и багряницу, украшенный золотом и камнями драгоценными и жемчугом, |
| 17Penes pordos om kadonu mugoine bohatuz'! I kaik laivanpämehed i merimatknikad, kaik merimehed i toižed meren satusil eläjad seižuiba loitos, | 17ибо в один час погибло такое богатство! И все кормчие, и все плывущие на кораблях, и все корабельщики, и все торгующие на море стали вдали |
| 18i konz hö nägištiba savun lämoišpäi, kudamb polti Vavilonad, ka kidastiba: «Oli-k völ mugoine čomakulu lidn konz-ni?» | 18и, видя дым от пожара ее, возопили, говоря: какой город подобен городу великому! |
| 19Hö pudištiba pölüd ičeze pähä i voikiba kidoid laskten: — Voi, voi sindai, sur' lidn, kudamban kal'husil bohattuiba kaik, kenel oma laivad merel! Penes pordos se om kadonu! | 19И посыпали пеплом головы свои, и вопили, плача и рыдая: горе, горе тебе, город великий, драгоценностями которого обогатились все, имеющие корабли на море, ибо опустел в один час! |
| 20No sinä, taivaz, ole hüväs meles, ilostugat kaik jumalanuskojad, kaik apostolad da sanankandajad! Jumal om sudinu lidnan siš, midä se tegi teile! | 20Веселись о сем, небо и святые Апостолы и пророки; ибо совершил Бог суд ваш над ним. |
| 21Üks' lujas vägev angel oti suren kiven, mellickiven surččen, lükäiži sen merhe i sanui: — Ningoižel vägel lükäitas täspäi Vavilon-ki, se sur' lidn, i sidä ei löutkoi enambad nikonz! | 21И один сильный Ангел взял камень, подобный большому жернову, и поверг в море, говоря: с таким стремлением повержен будет Вавилон, великий город, и уже не будет его. |
| 22Ei kulištagoi sinun irdoil enambad arfan vändod, pajoid, fleitan da torven än't. Ei nägištagoi sinus enambad nimiččen radon tegijad, ei kulištagoi sinus enambad jauhondkiven judud. | 22И голоса играющих на гуслях, и поющих, и играющих на свирелях, и трубящих трубами в тебе уже не слышно будет; не будет уже в тебе никакого художника, никакого художества, и шума от жерновов не слышно уже будет в тебе; |
| 23Ei nägištagoi sinus enambad lampan lämoid, ei kulištagoi sinus enambad ženihon da nevestan iloänid. Sinun möndmehed oliba man kaikiš vägevambad, sinun noidund maniti kaikid man rahvahid. | 23и свет светильника уже не появится в тебе; и голоса жениха и невесты не будет уже слышно в тебе: ибо купцы твои были вельможи земли, и волшебством твоим введены в заблуждение все народы. |
| 24Sinun käded oma sanankandajiden da jumalanuskojiden veres, mirun kaikiden surmitud mehiden veres. | 24И в нем найдена кровь пророков и святых и всех убитых на земле. |
Глава 18