Выбрать язык
Книги Ветхого Завета
Книги Нового Завета
без русского текстаJOANNAN NÄGUDEZ | ОТКРОВЕНИЕ ИОАННА |
Глава 1 | Глава 1 |
| 1Iisusan Hristosan nägudez, kudamban andoi hänele Jumal, miše ozutada ičeze käskabunikoile, mille teravas tarbiž tehtas. Jumal oigenzi angelan i hänen kal't avaiži necen kaiken ičeze käskabunikale Joannale, | 1Откровение Иисуса Христа, которое дал Ему Бог, чтобы показать рабам Своим, чему надлежит быть вскоре. И Он показал, послав оное через Ангела Своего рабу Своему Иоанну, |
| 2kudamb täs vahvištoitab Jumalan sanan i Iisusan Hristosan todištusen — kaiken sen, midä hän om nägištanu. | 2который свидетельствовал слово Божие и свидетельство Иисуса Христа и что он видел. |
| 3Ozakaz om se, ken lugeb nene endustuzsanad, ozakahad oma ned, ked kundleba da tegeba sen mödhe, miš om sid' kirjutadud, sikš ku se aig om läz. | 3Блажен читающий и слушающие слова пророчества сего и соблюдающие написанное в нем; ибо время близко. |
| 4Joan oigendab tervhensanoid Azian seičemele uskondkundale. Armoid da mirud teile hänespäi, ken om, ken oli i ken tuleb, i neniš seičemes hengespäi, ked oma hänen valdištmen edes, | 4Иоанн семи церквам, находящимся в Асии: благодать вам и мир от Того, Который есть и был и грядет, и от семи духов, находящихся перед престолом Его, |
| 5i Iisusas Hristosaspäi, uskoližes todištajaspäi, kudamb om ezmäižen eläbzunu kollijoišpäi i om mirun kunigahiden pämez'!Hänele, ken armastab meid i ičeze verel om peznu meid meiden grähkišpäi, | 5и от Иисуса Христа, Который есть свидетель верный, первенец из мертвых и владыка царей земных. Ему, возлюбившему нас и омывшему нас от грехов наших Кровию Своею |
| 6hänele, ken om tehnu meid kunigahikš i papikš Jumalale, ičeze Tatale, hänele korged arv da vald kaiken i igäks! Amin'. | 6и соделавшему нас царями и священниками Богу и Отцу Своему, слава и держава во веки веков, аминь. |
| 7— Kacu, hän tuleb pil'viš! Kaik mehed nägeba händast, ned-ki, ked nagloičiba händast, i hänen edes voikaškandeba kaik mirun rahvahad. Muga linneb. Amin'. | 7Се, грядет с облаками, и узрит Его всякое око и те, которые пронзили Его; и возрыдают пред Ним все племена земные. Ей, аминь. |
| 8«Minä olen Alfa i Omega, augotiž da lop», sanub Ižand Iisus, hän, kudamb om, kudamb oli i kudamb tuleb, Kaikenvaldaine. | 8Я есмь Альфа и Омега, начало и конец, говорит Господь, Который есть и был и грядет, Вседержитель. |
| 9Minä, teiden vel'l' Joan, kenel om ühthine teidenke ahtištuz, valdkund i Iisusas Hristosaspäi sadud tirpand, olin Patmos-sarel, sen tagut miše sanelin Jumalan sanad i todištin Iisusas Hristosas. | 9Я, Иоанн, брат ваш и соучастник в скорби и в царствии и в терпении Иисуса Христа, был на острове, называемом Патмос, за слово Божие и за свидетельство Иисуса Христа. |
| 10Ižandan päivän minä olin Hengen valdas i kulištin tagana kovan änen, kuti puhutihe torvehe. Se än' sanui: «Minä olen Alfa i Omega, Ezmäine i Jäl'gmäine. | 10Я был в духе в день воскресный, и слышал позади себя громкий голос, как бы трубный, который говорил: Я есмь Альфа и Омега, Первый и Последний; |
| 11Kirjuta, midä näged, i oigenda seičemele uskondkundale: Efesaha, Smirnaha, Pergamaha, Fiatiraha, Sardisaha, Filadelfiaha i Laodikiaha.» | 11то, что видишь, напиши в книгу и пошли церквам, находящимся в Асии: в Ефес, и в Смирну, и в Пергам, и в Фиатиру, и в Сардис, и в Филадельфию, и в Лаодикию. |
| 12Kärauzimoi, miše nägištada, mitte än' minei pagiži, i konz kärauzimoi, nägištin seičeme kuldjaugašt lampad | 12Я обратился, чтобы увидеть, чей голос, говоривший со мною; и обратившись, увидел семь золотых светильников |
| 13i seičemen lampan keskes kuti Mehen Poigan. Hänen päl oli pit'k soba, a rindhiš ümbri kuldasine vö. | 13и, посреди семи светильников, подобного Сыну Человеческому, облеченного в подир и по персям опоясанного золотым поясом: |
| 14Hänen pä da tukad oliba vauktad kut vauged vill, kut lumi, i hänen sil'mäd oliba kut lämoin keled. | 14глава Его и волосы белы, как белая волна, как снег; и очи Его, как пламень огненный; |
| 15Hänen jaugad oliba kut loštai, lämoiš sulatud vask, i hänen än' oli kut suriden veziden joksend. | 15и ноги Его подобны халколивану, как раскаленные в печи, и голос Его, как шум вод многих. |
| 16Oiktas kädes hänel oli seičeme tähtast, hänen suspäi tuli sur' kaks'teraine terav veič, a hänen mod oli kut keskpäivän paštai päiväine. | 16Он держал в деснице Своей семь звезд, и из уст Его выходил острый с обеих сторон меч; и лице Его, как солнце, сияющее в силе своей. |
| 17Konz nägištin händast, lanksin hänen jaugoihe kut kolnu, no hän pani oiktan käden minun päle i sanui:«Ala varaida, minä olen Ezmäine i Jäl'gmäine, | 17И когда я увидел Его, то пал к ногам Его, как мертвый. И Он положил на меня десницу Свою и сказал мне: не бойся; Я есмь Первый и Последний, |
| 18olen Eläb. Minä olin kolnu, a nügüd' minä eläškanden kaiken i igäks, amin'. Minai oma surman dai surman valdkundan avadimed. | 18и живый; и был мертв, и се, жив во веки веков, аминь; и имею ключи ада и смерти. |
| 19Kirjuta sid', midä nägid: se, midä om nügüd', i se, midä tegeškandese jäl'ghepäi necidä. | 19Итак напиши, что ты видел, и что есть, и что будет после сего. |
| 20Sinä nägid seičeme tähtast minun oiktas kädes i seičeme kuldjaugašt lampad, i niiden peitznamoičend om se: seičeme tähtast oma seičemen uskondkundan angelad, i seičeme lampad, kudambad sinä nägid, oma ned seičeme uskondkundad.» | 20Тайна семи звезд, которые ты видел в деснице Моей, и семи золотых светильников есть сия: семь звезд суть Ангелы семи церквей; а семь светильников, которые ты видел, суть семь церквей. |
Глава 1