Выбрать язык
Книги Ветхого Завета
Книги Нового Завета
без русского текстаJOANNAN NÄGUDEZ | ОТКРОВЕНИЕ ИОАННА |
Глава 2 | Глава 2 |
| 1«Uskondkundan angelale kirjuta muga: ‘Ninga sanub hän, kudambal om seičeme tähtast oiktas kädes da kudamb astub seičemen kuldjaugaižen lampan keskes: | 1Ангелу Ефесской церкви напиши: так говорит Держащий семь звезд в деснице Своей, Ходящий посреди семи золотых светильников: |
| 2Minä tedan sinun tegod, sinun radmokad da sinun tirpandan. Minä tedan, miše sinä ed voi tirpta pahoid mehid. Sinä oled kodvnu nenid, ked sanuba ičtaze apostoloikš, hot' ei olgoi, i sinä nägištid, miše hö oma kelastajad. | 2знаю дела твои, и труд твой, и терпение твое, и то, что ты не можешь сносить развратных, и испытал тех, которые называют себя апостолами, а они не таковы, и нашел, что они лжецы; |
| 3Tirpandad-ki sinai om, sinä äjan oled tirpnu minun nimen täht, no ed ole väzunu. | 3ты много переносил и имеешь терпение, и для имени Моего трудился и не изнемогал. |
| 4No minai om midä-se sindai vasthapäi-ki: sinä oled tacnu armastusen, mitte oli sinai ezmässai. | 4Но имею против тебя то, что ты оставил первую любовь твою. |
| 5Ka mušta, kuspäi sinä oled lanktenu, käraute grähkišpäi i pörte tehmaha nenid azjoid, kudambid tegid ende. Ika minä teravas tulen sinunnoks i sirdän sinun lampan sen sijalpäi. | 5Итак вспомни, откуда ты ниспал, и покайся, и твори прежние дела; а если не так, скоро приду к тебе, и сдвину светильник твой с места его, если не покаешься. |
| 6No kaiken-se sinä oikti teged, miše ed navedi nikolajitoiden tegoid, kudambid minä-ki en navedi. | 6Впрочем то в тебе хорошо, что ты ненавидишь дела Николаитов, которые и Я ненавижу. |
| 7Kenel oma korvad, se kulgaha, midä Heng sanub uskondkundile! Sille, ken vägestab, minä andan söda elon puspäi, kudamb om Jumalan sadus’.» | 7Имеющий ухо да слышит, что Дух говорит церквам: побеждающему дам вкушать от древа жизни, которое посреди рая Божия. |
| 8«Uskondkundan angelale Smirnaha kirjuta:‘Ninga sanub Ezmäine i Jäl'gmäine, hän, ken oli kolnu, no eläbzui: | 8И Ангелу Смирнской церкви напиши: так говорит Первый и Последний, Который был мертв, и се, жив: |
| 9Minä tedan sinun tegod, ahtištusen da gol'l'usen, no ved' sinä oled bohat! Minä tedan, kut sindai lajiba nene, ked sanuba ičtaze evrejalaižikš, no hö ei olgoi todesižed evrejalaižed, hö oma sotonan artel'! | 9Знаю твои дела, и скорбь, и нищету (впрочем ты богат), и злословие от тех, которые говорят о себе, что они Иудеи, а они не таковы, но сборище сатанинское. |
| 10Ala varaida sidä, midä sinei tuleb tirpta. Erasid teišpäi lemboi tacib türmha, miše kodvda teiden melid, i kümne päiväd tö linnet sures ahtištuses. Ala käraute minuspäi, usko minuhu surmhasai, i minä andan sinei vägestuzvencaks elon. | 10Не бойся ничего, что тебе надобно будет претерпеть. Вот, диавол будет ввергать из среды вас в темницу, чтобы искусить вас, и будете иметь скорбь дней десять. Будь верен до смерти, и дам тебе венец жизни. |
| 11Kenel oma korvad kulda, se kulgaha, midä Heng sanub uskondkundile! Toine surm ei sorda vägestajad’.» | 11Имеющий ухо (слышать) да слышит, что Дух говорит церквам: побеждающий не потерпит вреда от второй смерти. |
| 12«Uskondkundan angelale Pergamaha kirjuta:‘Ninga sanub hän, kudambal om se sur' kaks'teraine terav veič: | 12И Ангелу Пергамской церкви напиши: так говорит Имеющий острый с обеих сторон меч: |
| 13Minä tedan sinun azjad i miše sinä eläd sigä, kus soton om pämehen. No sinä kaiken-se eläd minun nimes i ed ole hül'gäidanu uskondad minuhu siloi-ki, konz oli riktud minun uskoline todištai Antipa. Nece kaik oli teidenno, sigä, kus om sotonan peza. | 13знаю твои дела, и что ты живешь там, где престол сатаны, и что содержишь имя Мое, и не отрекся от веры Моей даже в те дни, в которые у вас, где живет сатана, умерщвлен верный свидетель Мой Антипа. |
| 14No minai om midä-se sindai vasthapäi: sinunno om sigä mugoižid, kudambad eläba Valaaman opendusen mödhe. Hän openzi Valak-carid, kut veda grähkähä izrail'aižid. Hän openzi heid sömha sidä, midä om todud žertvaha tühjile jumaloile, da elämaha vedeluzelod. | 14Но имею немного против тебя, потому что есть у тебя там держащиеся учения Валаама, который научил Валака ввести в соблазн сынов Израилевых, чтобы они ели идоложертвенное и любодействовали. |
| 15Heid om sinunno-ki, mugoižid, ked eläba nikolajitoiden opendusen mödhe, kudambad minä en navedi. | 15Так и у тебя есть держащиеся учения Николаитов, которое Я ненавижу. |
| 16Käraute grähkišpäi! Ika minä teravas tulen i toradaškanden heidenke minun sun sanoiden surel veičel! | 16Покайся; а если не так, скоро приду к тебе и сражусь с ними мечом уст Моих. |
| 17Kenel oma korvad kulda, se kulgaha, midä Heng sanub uskondkundile! Ken vägestab, sille minä andan sömäks peitosišt mannad da andan hänele vauktan kiven. Sihe kivehe om kirjutadud uz' nimi, kudambad niken ei tunde, vaiše se, ken sab necen nimen’.» | 17Имеющий ухо (слышать) да слышит, что Дух говорит церквам: побеждающему дам вкушать сокровенную манну, и дам ему белый камень и на камне написанное новое имя, которого никто не знает, кроме того, кто получает. |
| 18«Uskondkundan angelale Fiatiraha kirjuta:‘Ninga sanub Jumalan Poig, kenen sil'mäd oma kut lämoin keled i kenen jaugad oma kut lämoiš sulatud loštai vask: | 18И Ангелу Фиатирской церкви напиши: так говорит Сын Божий, у Которого очи, как пламень огненный, и ноги подобны халколивану: |
| 19Minä tedan sinun tegod: sinun armastusen, abutahton, uskondan dai tirpandan. Tedan, miše nügüd' sinä teged enamba, mi ende oled tehnu. | 19знаю твои дела и любовь, и служение, и веру, и терпение твое, и то, что последние дела твои больше первых. |
| 20No minai om midä-se sindai vasthapäi: sinä andad sille naižele, Jezavelile, kudamb nimitab ičtaze Jumalan sanankandajaks, opeta da manitada minun käskabunikoid elämaha vedeluzelod da sömha tühjile jumaloile todud žertvlihad. | 20Но имею немного против тебя, потому что ты попускаешь жене Иезавели, называющей себя пророчицею, учить и вводить в заблуждение рабов Моих, любодействовать и есть идоложертвенное. |
| 21Minä olen andnu hänele aigad, miše hän voiži kärautas vedeluzelospäi, no hän ei ole käraudanus. | 21Я дал ей время покаяться в любодеянии ее, но она не покаялась. |
| 22Ka naku! Minä tacin händast läžundsijale, a kaikile, ked vedelesoiš hänenke, minä oigendan kovid ahtištusid, ku ei käraukoiš ičeze azjoišpäi. | 22Вот, Я повергаю ее на одр и любодействующих с нею в великую скорбь, если не покаются в делах своих. |
| 23Hänen lapsile minä oigendan surman. Kaik uskondkundad tedištaba, ken minä olen: minä kodvin südäimid i meletusid i andan kaikuččele teišpäi teiden tegoiden mödhe. | 23И детей ее поражу смертью, и уразумеют все церкви, что Я есмь испытующий сердца и внутренности; и воздам каждому из вас по делам вашим. |
| 24No kaikile toižile fiatiralaižile, ked ei elägoi necen opendusen mödhe i ei tundištanus sotonan peitazjoidenke, kut niid nimitadas, teile minä sanun: nimittušt ut kormad minä en ližada teile. | 24Вам же и прочим, находящимся в Фиатире, которые не держат сего учения и которые не знают так называемых глубин сатанинских, сказываю, что не наложу на вас иного бремени; |
| 25Pidägatoiš siš, midä teil om, kuni minä tulen. | 25только то, что имеете, держите, пока приду. |
| 26Sille, ken vägestab da radab lophusai minun tahton mödhe, minä andan valdan olda ižandan kaikiden rahvahiden päl. | 26Кто побеждает и соблюдает дела Мои до конца, тому дам власть над язычниками, |
| 27Hän paimendaškandeb heid raudasižel palikol i murendab pilazmoile kut savipadad, muga kut minä-ki olen Tataspäi sanu valdan rata. | 27и будет пасти их жезлом железным; как сосуды глиняные, они сокрушатся, как и Я получил власть от Отца Моего; |
| 28Minä andan hänele homendeztähthan. | 28и дам ему звезду утреннюю. |
| 29Kenel oma korvad kulda, se kulgaha, midä Heng sanub uskondkundile’.» | 29Имеющий ухо (слышать) да слышит, что Дух говорит церквам. |
Глава 2