Выбрать язык
Книги Ветхого Завета
Книги Нового Завета
без русского текстаKIRJEINE EVREJALAIŽILE | ПОСЛАНИЕ К ЕВРЕЯМ |
Глава 13 | Глава 13 |
| 1Olgat ičekesken kut velled, armastagat toine tošt. | 1Братолюбие между вами да пребывает. |
| 2Olgat kaiken vaumhed adivoičetamha tulijoid, muga kut erased jo tedmata oma adivoičetanuded angeloid. | 2Страннолюбия не забывайте, ибо через него некоторые, не зная, оказали гостеприимство Ангелам. |
| 3Muštkat türmha tactud mehid, kuti tö iče oližit heidenke čapiš, muštkat mokiš olijoid, ved' teiden-ki hibj tundeb kibun. | 3Помните узников, как бы и вы с ними были в узах, и страждущих, как и сами находитесь в теле. |
| 4Pidägat korktas arvos mužikan da akan ühthišt elod, algat huigenzoitkoi ühthišt magaduzsijad, sikš ku Jumal lujas opendab vedelusid da verhan akanke magadajid. | 4Брак у всех да будет честен и ложе непорочно; блудников же и прелюбодеев судит Бог. |
| 5Algat olgoi raha-ažlakod. Olgat hüviš meliš sišpäi, midä teil om. Jumal om iče sanunu: — Minä en jäta sindai, nikonz en taci sindai. | 5Имейте нрав несребролюбивый, довольствуясь тем, что есть. Ибо Сам сказал: не оставлю тебя и не покину тебя, |
| 6Sikš mö voim rohktas sanuda: — Ižand om minun abutai, sikš minä en varaida. Midäk voib tehta minei mez'? | 6так что мы смело говорим: Господь мне помощник, и не убоюсь: что сделает мне человек? |
| 7Muštkat teiden vanhembid, nenid, ked saneliba teile Jumalan sanad. Kackat heiden elon satusihe i otkat heiden uskond ozuteseks. | 7Поминайте наставников ваших, которые проповедывали вам слово Божие, и, взирая на кончину их жизни, подражайте вере их. |
| 8Iisus Hristos eglai, tämbei da igän om mugoine-žo. | 8Иисус Христос вчера и сегодня и во веки Тот же. |
| 9Algat antkoi kaikenlaižile verhile opendusile vedäda ičtatoi segoidushe. Hüvä om, konz Jumalan armod ližadaba südäinväged, a ei elämine sömän zakonoiden mödhe. Ned zakonad ei olgoi tonuded nimittušt ližad nenile, ked oma elänuded niiden mödhe. | 9Учениями различными и чуждыми не увлекайтесь; ибо хорошо благодатью укреплять сердца, а не яствами, от которых не получили пользы занимающиеся ими. |
| 10Meil om altar', no sen pälpäi ottud žertvoid ei sagoi söda pühäpertižen radajad. | 10Мы имеем жертвенник, от которого не имеют права питаться служащие скинии. |
| 11Ved' tö tedat, konz ülembaine pap veb Kaikišpühembaižhe živatoiden vert meiden grähkiden tagut, ka neniden živatoiden hibjad polttas rahvahan eländsijan irdpolel. | 11Так как тела животных, которых кровь для очищения греха вносится первосвященником во святилище, сжигаются вне стана, -- |
| 12Sikš Iisus-ki, miše puhtastada rahvast ičeze verel, tirpoi mokid da koli lidnan verajan taga. | 12то и Иисус, дабы освятить людей Кровию Своею, пострадал вне врат. |
| 13Ka lähtkam hänen jäl'ghe eländsijan irdpolele, kandmaha huiktad, kut hän sen tegi. | 13Итак выйдем к Нему за стан, нося Его поругание; |
| 14Ved' meil täs ei ole lidnad, kudamb püžuiži igän, mö ecim tulijad lidnad. | 14ибо не имеем здесь постоянного града, но ищем будущего. |
| 15Ka zavodigam kaiken aigan Iisusan kal't toda Jumalale žertvaks kitust, meiden huliden sanoid, kudambil ülenzoitam hänen nimed. | 15Итак будем через Него непрестанно приносить Богу жертву хвалы, то есть плод уст, прославляющих имя Его. |
| 16Algat unohtagoi völ tehta hüväd da jagada toižile ičetoi kodielod, sikš ku mugoižed žertvad oma Jumalale mel'he. | 16Не забывайте также благотворения и общительности, ибо таковые жертвы благоугодны Богу. |
| 17Kundelkat ičetoi vanhembid, tehkat heiden melen mödhe. Hö ei magakoi öid holduden teiden hengiš, kuti mugomad, kenele pidab antta vastuz ičeze rados Jumalale. Antkat heile rata hüviš meliš, a ei hengahtaden, ika teile ei linne siš nimittušt ližad. | 17Повинуйтесь наставникам вашим и будьте покорны, ибо они неусыпно пекутся о душах ваших, как обязанные дать отчет; чтобы они делали это с радостью, а не воздыхая, ибо это для вас неполезно. |
| 18Loičkat meiden polhe. Mö hüvin tedam, miše meiden heng om puhtaz, ved' mö tahtoim kaikes eläda oiktas. | 18Молитесь о нас; ибо мы уверены, что имеем добрую совесть, потому что во всем желаем вести себя честно. |
| 19Völ enamban minä pakičen teid loita sikš, ku tahtoin teramba pörtas teidennoks. | 19Особенно же прошу делать это, дабы я скорее возвращен был вам. |
| 20Mirun andai Jumal, kudamb igähižen kožmusen verel om eläbzoitnu kollijoišpäi lambhiden suren Paimnen, meiden Ižandan Iisusan [Hristosan], | 20Бог же мира, воздвигший из мертвых Пастыря овец великого Кровию завета вечного, Господа нашего Иисуса (Христа), |
| 21vahvištagha hän teid hüvile azjoile, muga miše voit täutta hänen tahton. Se, mi om hänele mel'he, hän iče tehkaha meiš, hän i Iisus Hristos. Hänen om korged arv kaiken i igäks. Amin'. | 21да усовершит вас во всяком добром деле, к исполнению воли Его, производя в вас благоугодное Ему через Иисуса Христа. Ему слава во веки веков! Аминь. |
| 22Velled, pakičen teid, miše tö tirpten otaižit südäimehe nene minun sanad, kudambil tahtoižin heraštoitta teid da nevoda teile. Ved' minä kirjutin teile ani lühüdas. | 22Прошу вас, братия, примите сие слово увещания; я же не много и написал вам. |
| 23Tekat, miše meiden Timofei-vel'l' om päzunu türmaspäi. Ku hän ehtib tulda, ka tulem ühtes teidennoks. | 23Знайте, что брат наш Тимофей освобожден, и я вместе с ним, если он скоро придет, увижу вас. |
| 24Sanugat tervhutesid kaikile teiden vanhembile i kaikile jumalanuskojile. Italialaižed velled oigendaba teile tervhutesid. | 24Приветствуйте всех наставников ваших и всех святых. Приветствуют вас Италийские. |
| 25Armoid teile kaikile! Amin'. | 25Благодать со всеми вами. Аминь. |
Глава 13