Выбрать язык
Книги Ветхого Завета
Книги Нового Завета
без русского текстаKIRJEINE EVREJALAIŽILE | ПОСЛАНИЕ К ЕВРЕЯМ |
Глава 12 | Глава 12 |
| 1Ku ümbri meiš nügüd' om mugoine uskojiden pil'v, ka tackam kaik, mi ahtištab meid, i grähk, kudamb muga kebnas ličese meihe. Tirpkam lophusai nece jätoižin joksend, kudambaha meid om pandud. | 1Посему и мы, имея вокруг себя такое облако свидетелей, свергнем с себя всякое бремя и запинающий нас грех и с терпением будем проходить предлежащее нам поприще, |
| 2Kackam Iisusaha, uskondan alandusiden tegijaha i lendajaha. Tulijan ihastusen täht hän tirpoi mokid ristal i ei kacund huiktaha; nügüd' hän ištub Jumalan valdištmen oiktal kädel. | 2взирая на начальника и совершителя веры Иисуса, Который, вместо предлежавшей Ему радости, претерпел крест, пренебрегши посрамление, и воссел одесную престола Божия. |
| 3Meletagat hänes, kudamb tirpoi grähkhižen rahvahan vihad, miše tö et väzuiži da et kadotaiži rohktust. | 3Помыслите о Претерпевшем такое над Собою поругание от грешников, чтобы вам не изнемочь и не ослабеть душами вашими. |
| 4Tö völ et olgoi toradanus surmhasai grähkäd vaste. | 4Вы еще не до крови сражались, подвизаясь против греха, |
| 5Tö olet unohtanuded necen sanan, kudamb rohkenzoitab teid kuti tat poigad: — Ala pidä tühjan, poigaižem, Ižandan opendust, ala ole pahoiš meliš, konz hän nevob sinei — | 5и забыли утешение, которое предлагается вам, как сынам: сын мой! не пренебрегай наказания Господня, и не унывай, когда Он обличает тебя. |
| 6keda Ižand armastab, sidä kovas opendab, hän löb kaikuttušt, keda lugeb poigaks. | 6Ибо Господь, кого любит, того наказывает; бьет же всякого сына, которого принимает. |
| 7Ku tö tirpat, konz Jumal teid kovas opendab, ka hän vedäb ičtaze teidenke kut ičeze poigidenke. Om-ik mugoine poig, kudambad tat ei opendaiži? | 7Если вы терпите наказание, то Бог поступает с вами, как с сынами. Ибо есть ли какой сын, которого бы не наказывал отец? |
| 8A ku teid ei opendaškakoi, kut kaikid toižid, ka tö et olgoi todesižed lapsed, a olet saumantagaližed. | 8Если же остаетесь без наказания, которое всем обще, то вы незаконные дети, а не сыны. |
| 9Konz maižed tatad openziba meid, mö kundlim heid. Sikš meile völ enamba pidab anttas Taivhaližen Tatan valdha, miše voižim eläda. | 9Притом, если мы, будучи наказываемы плотскими родителями нашими, боялись их, то не гораздо ли более должны покориться Отцу духов, чтобы жить? |
| 10Tatad openziba meid ičeze el'gendusen mödhe vaiše necen elon täht. No Jumal opendab meid meiden-žo hüväks, miše mö oližim pühäd, mitte hän om pühä. | 10Те наказывали нас по своему произволу для немногих дней; а Сей--для пользы, чтобы нам иметь участие в святости Его. |
| 11Hot' kova openduz sil aigal ei ihastoita meid, a tob pahad mel't, no jäl'ghepäi se andab satuseks mirun da tozioiktan elon. | 11Всякое наказание в настоящее время кажется не радостью, а печалью; но после наученным через него доставляет мирный плод праведности. |
| 12Ka vägidugha teiden väzunuded käded da säraidajad pol'ved! | 12Итак укрепите опустившиеся руки и ослабевшие колени |
| 13Astkat oiktad tedme, miše ei murdaižihe ramb jaug, a teramba tervehtuiži. | 13и ходите прямо ногами вашими, дабы хромлющее не совратилось, а лучше исправилось. |
| 14Pangat kaik vägi, miše eläda kožmuses kaikidenke, da naprigat eläda pühäd elod, ved' necita elota niken ei nägišta Ižandad. | 14Старайтесь иметь мир со всеми и святость, без которой никто не увидит Господа. |
| 15Kackat, miše niken teišpäi ei kadotaiži Jumalan armoid, miše nimitte karged jur' ei zavodiži kazda i ei traviži händast, sikš ku üks' mugoine jur' voib paganzoitta äjid. | 15Наблюдайте, чтобы кто не лишился благодати Божией; чтобы какой горький корень, возникнув, не причинил вреда, и чтобы им не осквернились многие; |
| 16Kackat, miše niken teišpäi ei oliži vedeluz vai mugoine jumalatoi kut Isav: hän ühtes keituses möi ičeze oiktusen, kudamb oli hänel kut ezmäižel poigal. | 16чтобы не было между вами какого блудника, или нечестивца, который бы, как Исав, за одну снедь отказался от своего первородства. |
| 17Ved' tö tedat, kut hän möhemba tahtoi sada tatan blahoslovindan. No händast lükäitihe: hän ei voind vajehtada tatan mel't, hot' pakiči voikunke. | 17Ибо вы знаете, что после того он, желая наследовать благословение, был отвержен; не мог переменить мыслей отца, хотя и просил о том со слезами. |
| 18Tö et tulnugoi palajan mägennoks, kudambad voiži kosketada kädel, et tulnugoi sihe, kus oli must pil'v, kus oli pimed da piring. | 18Вы приступили не к горе, осязаемой и пылающей огнем, не ко тьме и мраку и буре, |
| 19Et tulnugoi sihe, kus rahvaz kuli torven tordandan da änen, kudamb sanui mugomad sanad, miše kulijad pakičiba sidä olda vaikti, miše nikonz enambad ei kulištada sidä. | 19не к трубному звуку и гласу глаголов, который слышавшие просили, чтобы к ним более не было продолжаемо слово, |
| 20Hö ei voinugoi tirpta necidä käsköd: «Kaikuttušt, olgha živat-ki, ken kosketab mäged, tactas kivil surmhasai vai riktas nolel.» | 20ибо они не могли стерпеть того, что заповедуемо было: если и зверь прикоснется к горе, будет побит камнями (или поражен стрелою); |
| 21Se kuva oli mugoine opak, miše Moisei-ki sanui: «Minä varaidan i säraidan.» | 21и столь ужасно было это видение, что и Моисей сказал: `я в страхе и трепете'. |
| 22Ka ei, tö olet tulnuded Sion-mägennoks, eläban Jumalan lidnannoks, taivhaližen Jerusalimannoks. Teiden edes om mustan angeloid i | 22Но вы приступили к горе Сиону и ко граду Бога живаго, к небесному Иерусалиму и тьмам Ангелов, |
| 23prazniksuim i Jumalan ezmäižiden lapsiden uskondkund, neniden, kenen nimed oma taivhan kirjas. Sigä om Jumal, kaikiden sudj, sigä oma tozioiktad, kaikiš polišpäi tehnus vigatomikš; | 23к торжествующему собору и церкви первенцев, написанных на небесах, и к Судии всех Богу, и к духам праведников, достигших совершенства, |
| 24sigä om uden kožmusen kesknik Iisus i hänen čorskai veri, kudamb kidastab paremban polhe, a ei namestusen polhe, kut Avel'an veri. | 24и к Ходатаю нового завета Иисусу, и к Крови кропления, говорящей лучше, нежели Авелева. |
| 25Kackat, algat käraukatoiš hänespäi, ken pagižeb! Ku tatad kärauzihe hänespäi, konz hän pagiži ičeze tahton polhe man päl, ka hö ei voinugoi peittas kovas opendusespäi. Völ hondomb linneb meile, ku käraudamoiš sel'gin hänehe, kenen sanad tuleba taivhaspäi. | 25Смотрите, не отвратитесь и вы от говорящего. Если те, не послушав глаголавшего на земле, не избегли наказания, то тем более не избежим мы, если отвратимся от Глаголющего с небес, |
| 26Hänen änespäi siloi säreganzi ma, a nügüd' hän om toivotanu: — Völ jäl'gmäižen kerdan minä rehkahdoitan mad, i ei vaiše üht mad, a taivast-ki. | 26Которого глас тогда поколебал землю, и Который ныне дал такое обещание: еще раз поколеблю не только землю, но и небо. |
| 27Sanad «völ jäl'gmäižen kerdan» znamoičeba sidä, miše kaik, mi om tehtud da midä voib särahtoitta, sirdäse sijalpäi, a se, midä ei voi särahtoitta, püžuiži ičeze sijal. | 27Слова: `еще раз' означают изменение колеблемого, как сотворенного, чтобы пребыло непоколебимое. |
| 28Mö sam valdkundan, kudamb ei säregande. Ka kitkam Jumalad da služigam hänele hänen tahton mödhe, korktas arvostelden da varaiten, | 28Итак мы, приемля царство непоколебимое, будем хранить благодать, которою будем служить благоугодно Богу, с благоговением и страхом, |
| 29sikš ku meiden Jumal om lämoi, kudamb poltab tuhkale. | 29потому что Бог наш есть огнь поядающий. |
Глава 12