Выбрать язык
Книги Ветхого Завета
Книги Нового Завета
без русского текстаEZMÄINE KIRJEINE TIMOFEJALE | ПЕРВОЕ ПОСЛАНИЕ К ТИМОФЕЮ |
Глава 3 | Глава 3 |
| 1Nece om tozi: konz mez' tahtoib tehtas uskondkundan pämeheks, ka hän tahtoib tartta hüvähä radho. | 1Верно слово: если кто епископства желает, доброго дела желает. |
| 2Uskondkundan pämehen tuleb olda mugoižen, kudambad ei ole miš laida: ühten akan mužik, sel'gedpäine, ičtaze käziš pidäi, korgedarvokaz, adivoičetai, mahtokaz opendai, | 2Но епископ должен быть непорочен, одной жены муж, трезв, целомудрен, благочинен, честен, страннолюбив, учителен, |
| 3ei jomar', ei torakukoi, ei vaiše ičeze ližas hol't pidäi, a pehmedtabaine da hüväsanaine i ei rahannavedii. | 3не пьяница, не бийца, не сварлив, не корыстолюбив, но тих, миролюбив, не сребролюбив, |
| 4Hänele tarbiž hüvin ižandoitta ičeze kanzad, kacta, miše lapsed oližiba kundlijaižed da tegižiba sidä, midä heile om sanutud. | 4хорошо управляющий домом своим, детей содержащий в послушании со всякою честностью; |
| 5Ku ken-ni ei voi ižandoitta ičeze kanzad, ka kutak hän voib holduda Jumalan uskondkundas? | 5ибо, кто не умеет управлять собственным домом, тот будет ли пещись о Церкви Божией? |
| 6Pämehen ei voi olda se, ken vaiše ei amu om kändnus Jumalaha, miše hän ei tegižihe korgednenakahaks, ika händast sudiškatas mugoižel-žo sudal, kut lemboin. | 6Не должен быть из новообращенных, чтобы не возгордился и не подпал осуждению с диаволом. |
| 7Hänele pidab olda korktas arvos irdpoližiden-ki keskes, miše hänen polhe ei pagižiži niken pahad i miše hän ei putuiži lemboin verkoihe. | 7Надлежит ему также иметь доброе свидетельство от внешних, чтобы не впасть в нарекание и сеть диавольскую. |
| 8Mugažo pämehen abunikoile pidab olda korgedarvokahin da puhtazsüdäimeližin, a ei jomarin da vaiše ičeze ližas hol't pidäjin. | 8Диаконы также должны быть честны, не двоязычны, не пристрастны к вину, не корыстолюбивы, |
| 9Heile tarbiž pidäda uskondan peitazjad grähkätomas henges. | 9хранящие таинство веры в чистой совести. |
| 10I heid pidab ezmäi kacta, i ku nägub, miše heid ei ole miš laida, vaiše siloi hö voiba tartta mugoižehe töhö. | 10И таких надобно прежде испытывать, потом, если беспорочны, допускать до служения. |
| 11Muga heiden akoile-ki pidab olda korktas arvos, hö ei voigoi pagišta toižiš pahad. Heile pidab olda sel'gedpäižin da kaikes mugoižin, miše heile voiži uskta. | 11Равно и жены их должны быть честны, не клеветницы, трезвы, верны во всем. |
| 12Olgha abunikal vaiše üks' ak; hänele tarbiž hüvin ižandoitta lapsid da kodid. | 12Диакон должен быть муж одной жены, хорошо управляющий детьми и домом своим. |
| 13Nene, ked tegeba hüvin abunikan azjoid, saba korktan sijan rahvahan sil'miš i voiba rohktas sanelda uskondas Hristosaha Iisusaha. | 13Ибо хорошо служившие приготовляют себе высшую степень и великое дерзновение в вере во Христа Иисуса. |
| 14Kirjutades sinei necen, nadeimoi, miše teravas tulen sinunnoks. | 14Сие пишу тебе, надеясь вскоре придти к тебе, |
| 15A ku pit'kästun, ka tedaižid, kut pidab vedäda ičtaiž Jumalan kodiš, kudamb om eläban Jumalan uskondkund, toden pacaz da alanduz. | 15чтобы, если замедлю, ты знал, как должно поступать в доме Божием, который есть Церковь Бога живаго, столп и утверждение истины. |
| 16Ka, meiden uskondan peitazj om sur': Jumal ozutihe mehen hibjas, Jumalan Heng vahvištoiti: hän om oiged, angelad nägiba händast, hänen polhe saneltihe mirun rahvahile, hänehe usktihe mirus, händast ottihe taivhaližehe hoštoteshe. | 16И беспрекословно--великая благочестия тайна: Бог явился во плоти, оправдал Себя в Духе, показал Себя Ангелам, проповедан в народах, принят верою в мире, вознесся во славе. |
Глава 3