Выбрать язык
Книги Ветхого Завета
Книги Нового Завета
без русского текстаTOINE KIRJEINE FESSALONIKALAIŽILE | ВТОРОЕ ПОСЛАНИЕ К ФЕССАЛОНИКИЙЦАМ |
Глава 1 | Глава 1 |
| 1Minä, Pavel, Siluan da Timofei oigendam tervhutesid Fessalonikan uskondkundale, kudamb eläb Jumalas, meiden Tatas da Ižandas Iisusas Hristosas. | 1Павел и Силуан и Тимофей--Фессалоникской церкви в Боге Отце нашем и Господе Иисусе Христе: |
| 2Armoid da mirud teile Jumalaspäi, meiden Tataspäi, da Ižandas Iisusas Hristosaspäi. | 2благодать вам и мир от Бога Отца нашего и Господа Иисуса Христа. |
| 3Meile pidab kaiken kitta Jumalad teiden täht, velled. Muga pidab-ki tehta, sikš ku teiden uskond kazvab kaik enamban, a armastuz toine toižhe ližadase teiš kaikiš. | 3Всегда по справедливости мы должны благодарить Бога за вас, братия, потому что возрастает вера ваша, и умножается любовь каждого друг ко другу между всеми вами, |
| 4Mö iče kitten starinoičem Jumalan uskondkundile teiš, teiden tirpandas i uskondas, ved' tö elät küksendan da ahtištusiden keskes. | 4так что мы сами хвалимся вами в церквах Божиих, терпением вашим и верою во всех гонениях и скорбях, переносимых вами |
| 5Täspäi nägub, mitte oiged om Jumalan sud. Hän kacub teid arvokahikš hänen valdkundan täht, min täht tö näget-ki mokid. | 5в доказательство того, что будет праведный суд Божий, чтобы вам удостоиться Царствия Божия, для которого и страдаете. |
| 6I nece om oiged: Jumal maksaškandeb ahtištusel teiden ahtištajile. | 6Ибо праведно пред Богом--оскорбляющим вас воздать скорбью, |
| 7A teile, kut meile-ki, ahtištusiš olijoile, hän andab lebaidust. Nece linneb siloi, konz Ižand Iisus ičeze vägeviden angeloidenke tuleb taivhaspäi | 7а вам, оскорбляемым, отрадою вместе с нами, в явление Господа Иисуса с неба, с Ангелами силы Его, |
| 8lämoinkeliden keskes da kovas opendab nenid, kudambad ei tekoi Jumalad da ei kundelkoi meiden Ižandan Iisusan Hristosan hüväd vestid. | 8в пламенеющем огне совершающего отмщение не познавшим Бога и не покоряющимся благовествованию Господа нашего Иисуса Христа, |
| 9Heid opetas sil, miše kükstas igähižele surmale, erigoittas Ižandaspäi da hänen suren vägen hoštotesespäi. | 9которые подвергнутся наказанию, вечной погибели, от лица Господа и от славы могущества Его, |
| 10Nece linneb sen suren päivän, konz hän tuleb, miše tuliži sil'mnägubale hänen korged arv i vägi hänen uskojiš. Tö-ki linnet heiden keskes, sikš ku olet usknuded meiden todištusehe. | 10когда Он приидет прославиться во святых Своих и явиться дивным в день оный во всех веровавших, так как вы поверили нашему свидетельству. |
| 11I mö loičem kaiken teiden täht, miše meiden Jumal kacuiži teid arvokahikš samha igähižen elon. Sihe hän om teid kucnu. Loičem, miše hän ičeze vägel vahvištaiži teiden himod tehta hüväd da vedäiži lophusai ned radod, kudambišpäi nägub, miše tö uskot hänehe. | 11Для сего и молимся всегда за вас, чтобы Бог наш соделал вас достойными звания и совершил всякое благоволение благости и дело веры в силе, |
| 12Muga tö ülenzoitaižit meiden Ižandan Iisusan Hristosan nimed, a hän — teid, meiden Jumalan da Ižandan Iisusan Hristosan armoiden mödhe. | 12да прославится имя Господа нашего Иисуса Христа в вас, и вы в Нем, по благодати Бога нашего и Господа Иисуса Христа. |
Глава 1