Выбрать язык
Книги Ветхого Завета
Книги Нового Завета
без русского текстаEZMÄINE KIRJEINE FESSALONIKALAIŽILE | ПЕРВОЕ ПОСЛАНИЕ К ФЕССАЛОНИКИЙЦАМ |
Глава 5 | Глава 5 |
| 1Konz nece aig vai päiv tuleb, teile ei tarbiž kirjutada, velled, | 1О временах же и сроках нет нужды писать к вам, братия, |
| 2sikš ku tö tedat iče ani hüvin, miše Ižandan päiv tuleb tedmata, kuti vargaz öl. | 2ибо сами вы достоверно знаете, что день Господень так придет, как тать ночью. |
| 3Konz rahvaz sanub: «Kaik om hüvin, ei pida varaita nimidä», siloi-se heid ühtnägoi sabutab ozatomuz', kut sündutandkibu tabadab kohtukahan akan, i hö ei ehtkoi pästta pagod. | 3Ибо, когда будут говорить: `мир и безопасность', тогда внезапно постигнет их пагуба, подобно как мука родами постигает имеющую во чреве, и не избегнут. |
| 4No tö, velled, et elägoi pimedas, i se päiv ei voi tabata teid kuti vargaz. | 4Но вы, братия, не во тьме, чтобы день застал вас, как тать. |
| 5Tö kaik olet vauktan päivän lapsed. Mö em olgoi pimedan ön lapsed. | 5Ибо все вы--сыны света и сыны дня: мы--не сыны ночи, ни тьмы. |
| 6Sid' ei sa meile magata, kut magadaba toižed, a pidab olda jaugoil da sel'ktal päl. | 6Итак, не будем спать, как и прочие, но будем бодрствовать и трезвиться. |
| 7Ned, ked magadaba, magadaba öl, ked humaloičeba, oma humalas öl. | 7Ибо спящие спят ночью, и упивающиеся упиваются ночью. |
| 8No meile, päivän lapsile, pidab olda sel'ktal päl: meile pidab sätas uskondan da armastusen sobihe, a pähä otta šlemaks päzutandan nadei. | 8Мы же, будучи сынами дня, да трезвимся, облекшись в броню веры и любви и в шлем надежды спасения, |
| 9Jumal ei ole pannu meid hänespäi vihad samha, a pani samha päzutandan meiden Ižandan Iisusan Hristosan kal't. | 9потому что Бог определил нас не на гнев, но к получению спасения через Господа нашего Иисуса Христа, |
| 10Hristos om kolnu meiden täht, miše mö voižim eläda ühtes hänenke, olem mö hänen tulendpäivän hot' hengiš, hot' surman unes. | 10умершего за нас, чтобы мы, бодрствуем ли, или спим, жили вместе с Ним. |
| 11Ka vahvištagat i tehkat rohktembikš toine tošt, muga ved' tö olet tehnuded-ki. | 11Посему увещавайте друг друга и назидайте один другого, как вы и делаете. |
| 12Pakičem teid, velled, pidäda arvos nenid, kudambad äjan radaba teiden keskes, oma teiden vanhembad Ižandan nimes da andaba teile nevondoid. | 12Просим же вас, братия, уважать трудящихся у вас, и предстоятелей ваших в Господе, и вразумляющих вас, |
| 13Ozutagat heile sur't armastust i pidägat heid sures arvos heiden radon tagut. Elägat kožmuses ičekesken. | 13и почитать их преимущественно с любовью за дело их; будьте в мире между собою. |
| 14Mö pakičem teid, velled: ozutagat oiged te kundlematomile, ližakat varaidajile rohktust, abutagat vähävägižile da olgat tirpajad kaikidenke. | 14Умоляем также вас, братия, вразумляйте бесчинных, утешайте малодушных, поддерживайте слабых, будьте долготерпеливы ко всем. |
| 15Kackat, miše niken ei maksaiži pahal pahas rados. Olgat kaiken hüväd toine toižele i kaikile. | 15Смотрите, чтобы кто кому не воздавал злом за зло; но всегда ищите добра и друг другу и всем. |
| 16Olgat kaiken ihastusiš. | 16Всегда радуйтесь. |
| 17Loičkat väzumata. | 17Непрестанно молитесь. |
| 18Kitkat kaikes. Necidä Jumal tahtoib teišpäi, ked olet Hristosan Iisusan lapsed. | 18За все благодарите: ибо такова о вас воля Божия во Христе Иисусе. |
| 19Algat sambutagoi Henged, | 19Духа не угашайте. |
| 20algat vähenzoitkoi Jumalan sanankandajiden vestid. | 20Пророчества не уничижайте. |
| 21Kackat hüvin kaik nene vestid i otkat se, mi om hüvä. | 21Все испытывайте, хорошего держитесь. |
| 22Olgat eriži kaikes pahaspäi. | 22Удерживайтесь от всякого рода зла. |
| 23Iče kožmusen Jumal tehkaha teid pühikš kaikes, kaičegha kaiked mest, teiden henged da hibjad, miše oližit vigatomad meiden Ižandan Iisusan Hristosan tuldes. | 23Сам же Бог мира да освятит вас во всей полноте, и ваш дух и душа и тело во всей целости да сохранится без порока в пришествие Господа нашего Иисуса Христа. |
| 24Hänele, ken teid kucub, voib uskta, i hän pidäb ičeze toivotusen. | 24Верен Призывающий вас, Который и сотворит сие. |
| 25Velled, loičkat meiš. | 25Братия! молитесь о нас. |
| 26Tervehtagat kaikid vellid pühäl tervehtusel. | 26Приветствуйте всех братьев лобзанием святым. |
| 27Ižandan nimes käsken teile: lugekat nece kirjeine kaikile pühile vellile. | 27Заклинаю вас Господом прочитать сие послание всем святым братиям. |
| 28Olgha teidenke meiden Ižandan Iisusan Hristosan armod! Amin'. | 28Благодать Господа нашего Иисуса Христа с вами. Аминь. |
Глава 5