Выбрать язык
Книги Ветхого Завета
Книги Нового Завета
без русского текстаKIRJEINE FILIPPALAIŽILE | ПОСЛАНИЕ К ФИЛИППИЙЦАМ |
Глава 1 | Глава 1 |
| 1Minä, Pavel, da Timofei, Iisusan Hristosan käskabunikoin oldes, oigendam tervhutesid kaikile Filippas eläjile Hristosan Iisusan uskojile da uskondkundan kacujile da heiden abunikoile. | 1Павел и Тимофей, рабы Иисуса Христа, всем святым во Христе Иисусе, находящимся в Филиппах, с епископами и диаконами: |
| 2Armoid da mirud teile Jumalas, meiden Tataspäi da Ižandas Iisusas Hristosaspäi! | 2благодать вам и мир от Бога Отца нашего и Господа Иисуса Христа. |
| 3Kitän minun Jumalad kaikuččen kerdan, konz johtutan teid. | 3Благодарю Бога моего при всяком воспоминании о вас, |
| 4Konz loičen kaikiden teiden polhe, jogahižen kerdan loičen ihastusenke, | 4всегда во всякой молитве моей за всех вас принося с радостью молитву мою, |
| 5sikš ku tö olet ezmässai olnuded i möst-ki olet meidenke hüvän vestin sanelendan tös. | 5за ваше участие в благовествовании от первого дня даже доныне, |
| 6Minä lujas uskon sihe, miše Jumal, kudamb om zavodinu teiš hüvän tön, lopib sen Iisusan Hristosan udhe tulendpäivhäsai. | 6будучи уверен в том, что начавший в вас доброе дело будет совершать его даже до дня Иисуса Христа, |
| 7I se om oiged, miše minä olen mugošt mel't teiš kaikiš, ved' tö olet minun südäimes. I ei vaiše sen aigan, konz minä olen türmas, no konz polestan da vahvištoitan hüvän vestin tot, ka tö kaik olet minunke Jumalan armoiden sajad. | 7как и должно мне помышлять о всех вас, потому что я имею вас в сердце в узах моих, при защищении и утверждении благовествования, вас всех, как соучастников моих в благодати. |
| 8Jumal om todištai, miše minä armastan teid Iisusan Hristosan armastusel. | 8Бог--свидетель, что я люблю всех вас любовью Иисуса Христа; |
| 9Minä loičen, miše teiden armastuz kazvaiži i andaiži teile völ enamba tedod da el'gendust kaikes, | 9и молюсь о том, чтобы любовь ваша еще более и более возрастала в познании и всяком чувстве, |
| 10miše tö tedištaižit, mi om parahim. Siloi tö linnet puhthin da vigatomin Hristosan tulendpäivän, | 10чтобы, познавая лучшее, вы были чисты и непреткновенны в день Христов, |
| 11i Iisus Hristos abutab teile tehta äi hüvid tegoid, kudambad toškandeba Jumalale korktad arvod da kitändad. | 11исполнены плодов праведности Иисусом Христом, в славу и похвалу Божию. |
| 12Velled, minä tahtoin, miše tö tedaižit: se, midä minei om tehnus, om abutanu hüväle vestile sirttas edehepäi. | 12Желаю, братия, чтобы вы знали, что обстоятельства мои послужили к большему успеху благовествования, |
| 13Kaik horomoiden varjoičijad da kaik toižed-ki oma nägištanuded, miše olen tactud türmha Hristosan täht. | 13так что узы мои о Христе сделались известными всей претории и всем прочим, |
| 14Äjad tägälaižed velled usktes Ižandaha oma sanuded minun čapiden tagut enamba rohktust da saneleba Jumalan sanad varaidmata i völ rohktemba. | 14и большая часть из братьев в Господе, ободрившись узами моими, начали с большею смелостью, безбоязненно проповедывать слово Божие. |
| 15Erased, tozi-ki, saneleba vaiše sikš, miše ei navedigoi meid da tahtoiba ridelta meidenke, no toižed saneleba Hristosan polhe puhthal südäimel. | 15Некоторые, правда, по зависти и любопрению, а другие с добрым расположением проповедуют Христа. |
| 16Nene ezmäižed tegeba necidä vaiše meletaden ičeze polhe da pahad tahtoiden, sikš ku lugeba, miše toba sil sanelendal minei liža-ahtištusid, kuni minä olen čapiš. | 16Одни по любопрению проповедуют Христа не чисто, думая увеличить тяжесть уз моих; |
| 17A nene toižed saneleba Hristosan polhe armastusen täht, sikš ku tedaba: minei om anttud töks polestada hüväd vestid. | 17а другие--из любви, зная, что я поставлен защищать благовествование. |
| 18Olgha kut taht, no minä olen hüväs meles, konz Hristosan polhe pagištas erazvuiččikš, hot' oiktas, hot' ičeze polhe meletaden.Minä voin edehe-ki olda hüväs meles, | 18Но что до того? Как бы ни проповедали Христа, притворно или искренно, я и тому радуюсь и буду радоваться, |
| 19ku tedan, miše teiden loičendoiden tagut da Iisusan Hristosan Hengen abul kaik nece linneb minei päzutandaks. | 19ибо знаю, что это послужит мне во спасение по вашей молитве и содействием Духа Иисуса Христа, |
| 20Varastan lujas da nadeimoi, miše minei ei linne huiged nimiččes azjas, i voin nügüd'-ki, kut kaiken, olda rohktan i toda Hristosan korktad arvod sil'mnägubale, hot' minä elän, hot' kolen. | 20при уверенности и надежде моей, что я ни в чем посрамлен не буду, но при всяком дерзновении, и ныне, как и всегда, возвеличится Христос в теле моем, жизнью ли то, или смертью. |
| 21Minei elo om Hristos, a surm — vägestuz. | 21Ибо для меня жизнь--Христос, и смерть--приобретение. |
| 22No ku minei tuleb völ eläda täs hibjas, ka se ližadab satusid minun radho. En teda, midä valita. | 22Если же жизнь во плоти доставляет плод моему делу, то не знаю, что избрать. |
| 23Mindai vedäb se i nece: toižes polespäi, tahtoižin lähtta tägäpäi i päzuda Hristosannoks, sikš ku nece oliži paremb kaiked. | 23Влечет меня то и другое: имею желание разрешиться и быть со Христом, потому что это несравненно лучше; |
| 24No toižes polespäi, teile oliži paremb, ku jäižin eloho. | 24а оставаться во плоти нужнее для вас. |
| 25Lujas uskon sihe i sikš tedan, miše jän tänna da olen teidenke kaikidenke, miše tö sirdäižitoiš edeleze uskondas da saižit siš hüväd mel't. | 25И я верно знаю, что останусь и пребуду со всеми вами для вашего успеха и радости в вере, |
| 26Sid' tö voiškandet minun tagut olda völ parembas meles Hristosas Iisusas, konz minä udes linnen teiden keskes. | 26дабы похвала ваша во Христе Иисусе умножилась через меня, при моем вторичном к вам пришествии. |
| 27Vaiše teile pidab vedäda ičtatoi Hristosan hüvän vestin arvon mödhe. Tulen-ik minä teidennoks da nägištan-ik teid vai en, no tahtoižin kulištada, miše tö hengel olet ühtes da ühtes meles toradat hüvän vestin da uskondan täht, | 27Только живите достойно благовествования Христова, чтобы мне, приду ли я и увижу вас, или не приду, слышать о вас, что вы стоите в одном духе, подвизаясь единодушно за веру Евангельскую, |
| 28da et antkoi vastustajile mil-ni pöl'gästoitta ičtatoi. Se om heile kadondan znam, a teile päzutandan znam, i nece om Jumalaspäi. | 28и не страшитесь ни в чем противников: это для них есть предзнаменование погибели, а для вас--спасения. И сие от Бога, |
| 29Ved' Hristosan täht teile om anttud ei vaiše uskta hänehe, no völ gor'ad-ki tirpta. | 29потому что вам дано ради Христа не только веровать в Него, но и страдать за Него |
| 30Tö olet mugoižes-žo toras, kudambas edel olet nähnuded mindai i kudambas völ-ki olen, kut tö nügüd' kulet. | 30таким же подвигом, какой вы видели во мне и ныне слышите о мне. |
Глава 1