Выбрать язык
Книги Ветхого Завета
Книги Нового Завета
без русского текстаKIRJEINE EFESALAIŽILE | ПОСЛАНИЕ К ЕФЕСЯНАМ |
Глава 6 | Глава 6 |
| 1Lapsed, kundelkat ičetoi kazvatajid Ižandan täht, nece om teiden velg. | 1Дети, повинуйтесь своим родителям в Господе, ибо сего требует справедливость. |
| 2«Ole hüvä ičeiž tatale da mamale,» — se om ezmäine käsk, kudambanke om anttud toivotuz: | 2Почитай отца твоего и мать, это первая заповедь с обетованием: |
| 3«siloi sinei linneb hüvä i void hätken eläda mal.» | 3да будет тебе благо, и будешь долголетен на земле. |
| 4A tö, tatad, algat rändütagoi ičetoi lapsid, a kazvatagat heid opeten da nevoden Ižandan tahton mödhe. | 4И вы, отцы, не раздражайте детей ваших, но воспитывайте их в учении и наставлении Господнем. |
| 5Orjad, kundelkat ičetoi maižid ižandoid. Varaikat da arvostagat heid puhthal südäimel, kut Hristosad. | 5Рабы, повинуйтесь господам своим по плоти со страхом и трепетом, в простоте сердца вашего, как Христу, |
| 6Tehkat nece ei vaiše heiden aigan i sikš, miše olda heile mel'he, a tehkat kut Hristosan orjad, ked puhthas südäimespäi tegeba Jumalan tahton mödhe. | 6не с видимою только услужливостью, как человекоугодники, но как рабы Христовы, исполняя волю Божию от души, |
| 7Služigat kaikes südäimespäi, kuti Ižandale, a ei kuti toižile mehile. | 7служа с усердием, как Господу, а не как человекам, |
| 8Muštkat: jogahine, ken tegeb midä-ni hüväd, sab Ižandaspäi siš rados paukan, olgha hän orj vai valdakaz. | 8зная, что каждый получит от Господа по мере добра, которое он сделал, раб ли, или свободный. |
| 9Muga tö-ki, ižandad, pidägat ningažo ičetoi orjid, algat olgoi heile lujas kovad. Ved' tö tedat, miše teil i heil om taivhas üks' Ižand, hän ei valiče mehiden keskes. | 9И вы, господа, поступайте с ними так же, умеряя строгость, зная, что и над вами самими и над ними есть на небесах Господь, у Которого нет лицеприятия. |
| 10I lopuks sanun teile, minun velled: vahvištugat Ižandas, vägestugat hänen sures vägespäi. | 10Наконец, братия мои, укрепляйтесь Господом и могуществом силы Его. |
| 11Pangat päle kaik Jumalan tora-azeged, miše voižit vastustada kaik lemboin manitused. | 11Облекитесь во всеоружие Божие, чтобы вам можно было стать против козней диавольских, |
| 12I ved' mö em torakoi mehidenke, a nägumatomiden valdoidenke da vägidenke, necen pimedan mirun valdanpidäjidenke da taivhanaluižiden pahoiden hengvaldoidenke. | 12потому что наша брань не против крови и плоти, но против начальств, против властей, против мироправителей тьмы века сего, против духов злобы поднебесной. |
| 13Sikš otkat kaik Jumalan tora-azeged, miše jügedan päivän tö oližit vaumhed vastustamha pahad da jäižit seižmaha, konz kaik om tehtud. | 13Для сего приимите всеоружие Божие, дабы вы могли противостать в день злый и, все преодолев, устоять. |
| 14Seiškat vahvas! Pangat vöks tozi da päle tozioiktusen raudpaid, | 14Итак станьте, препоясав чресла ваши истиною и облекшись в броню праведности, |
| 15a kengikš — taht mända sanelemha hüväd vestid kožmusen polhe. | 15и обув ноги в готовность благовествовать мир; |
| 16A ezmäi kaiked, otkat kaičimeks uskond, sen abul voit sambutada pahuden palajad noled. | 16а паче всего возьмите щит веры, которым возможете угасить все раскаленные стрелы лукавого; |
| 17Pangat pähä šlemaks päzutand i otkat kädehe Hengen sur' veič — Jumalan sana. | 17и шлем спасения возьмите, и меч духовный, который есть Слово Божие. |
| 18Tehkat kaik nece loičendanke. Loičkat kaiken aigan Hengel anttud vägel. Olgat herkhil i loičkat väzumata kaikiden jumalanuskojiden polhe. | 18Всякою молитвою и прошением молитесь во всякое время духом, и старайтесь о сем самом со всяким постоянством и молением о всех святых |
| 19Loičkat mugažo minun-ki polhe, miše minei tuližiba oiktad sanad mel'he, konz pagižeškanden. Loičkat, miše voižin rohktas sanelda hüvän vestin peitazjoid. | 19и о мне, дабы мне дано было слово--устами моими открыто с дерзновением возвещать тайну благовествования, |
| 20Hüvän vestin sanelendale mindai om oigendanu Hristos, a nügüd' sen tagut olen türmas. Loičkat, miše voižin pagišta varaidmata, kut minei pidab-ki. | 20для которого я исполняю посольство в узах, дабы я смело проповедывал, как мне должно. |
| 21A miše tö-ki tedaižit, kut minun azjad oma i midä minä radan, teidennoks tuleb Tihik, minun armaz uskondvel'l' da Ižandan uskoline käskabunik. Hän starinoičeb teile kaiken. | 21А дабы и вы знали о моих обстоятельствах и делах, обо всем известит вас Тихик, возлюбленный брат и верный в Господе служитель, |
| 22Oigendan händast teidennoks sen täht, miše hän sanuiži, kut meiden azjad oma, da tüništoitaiži teid. | 22которого я и послал к вам для того самого, чтобы вы узнали о нас и чтобы он утешил сердца ваши. |
| 23Mirud, armastust i uskondad vellile Tataspäi Jumalaspäi da Ižandaspäi Iisusas Hristosaspäi! | 23Мир братиям и любовь с верою от Бога Отца и Господа Иисуса Христа. |
| 24Armoid Jumalaspäi nenile, ked armastaba meiden Ižandad Iisusad Hristosad igähižel armastusel! Amin'. | 24Благодать со всеми, неизменно любящими Господа нашего Иисуса Христа. Аминь. |
Глава 6