Выбрать язык
Книги Ветхого Завета
Книги Нового Завета
без русского текстаKIRJEINE RIMALAIŽILE | ПОСЛАНИЕ К РИМЛЯНАМ |
Глава 15 | Глава 15 |
| 1Meile, uskondas vägevile, pidab tirpta uskondas välliden vigad. Em voigoi meletada vaiše siš, mi om mel'he meile. | 1Мы, сильные, должны сносить немощи бессильных и не себе угождать. |
| 2Meile jogahižele pidab meletada lähembaižes, mi oliži hänele hüvä i mi vahvištaiži händast. | 2Каждый из нас должен угождать ближнему, во благо, к назиданию. |
| 3Ved' Hristos-ki ei meletand ičesaze. Om kirjutadud Pühiš Kirjutusiš: «Sinun nagrajiden pahad sanad oma lanktenuded minun päle.» | 3Ибо и Христос не Себе угождал, но, как написано: злословия злословящих Тебя пали на Меня. |
| 4Kaik, midä om edel sanutud Pühiš Kirjutusiš, om sanutud meile openduseks, miše tirpandal da Kirjutusiden tüništoitusel kaičižim nadejad. | 4А все, что писано было прежде, написано нам в наставление, чтобы мы терпением и утешением из Писаний сохраняли надежду. |
| 5Jumal, kenespäi tirpand da tüništoituz tuleba, antkaha teile ičekesken olda üks'meližin Hristosan Iisusan tahton mödhe, | 5Бог же терпения и утешения да дарует вам быть в единомыслии между собою, по учению Христа Иисуса, |
| 6miše tö ühtes melespäi, ühtes suspäi ülenzoitaižit meiden Ižandan Iisusan Hristosan Jumalad da Tatad. | 6дабы вы единодушно, едиными устами славили Бога и Отца Господа нашего Иисуса Христа. |
| 7Otkat ičetoi keskhe toine tošt, kut Hristos om otnu teid Jumalan korktan arvon täht. | 7Посему принимайте друг друга, как и Христос принял вас в славу Божию. |
| 8Pidän meles sidä: Iisus Hristos om tulnu abutamha evrejalaižile. Hän om tulnu vahvištoitmaha meiden tatoile anttud toivotusid, miše näguiži: Jumal vahvas pidäb sanan. | 8Разумею то, что Иисус Христос сделался служителем для обрезанных--ради истины Божией, чтобы исполнить обещанное отцам, |
| 9Hristos om tulnu völ sikš, miše toižed-ki rahvahad voižiba ülenzoitta Jumalad hänen armahtusen täht, kut om sanutud Pühiš Kirjutusiš: — Sikš ülenzoitan sindai, Ižand, Jumalad tundmatomiden rahvahiden keskes, pajatan spasiboid sinun nimele. | 9а для язычников--из милости, чтобы славили Бога, как написано: за то буду славить Тебя, (Господи,) между язычниками, и буду петь имени Твоему. |
| 10Da völ edemba: — Ihastugat, Jumalad tundmatomad rahvahad, ühtes hänen rahvahanke! | 10И еще сказано: возвеселитесь, язычники, с народом Его. |
| 11I völ-ki: — Kitkat Ižandad, kaik mirun rahvahad! Ülenzoitkat händast, kaik man eläjad! | 11И еще: хвалите Господа, все язычники, и прославляйте Его, все народы. |
| 12Da völ Isaija sanub: — Jessejan jurespäi libub veza, kudamb kazvaškandeb kaikiden rahvahiden valdmeheks. Hänehe hö paneba ičeze nadejad. | 12Исаия также говорит: будет корень Иессеев, и восстанет владеть народами; на Него язычники надеяться будут. |
| 13Jumal, kudamb andab nadejan, täutkaha hüväl melel da mirul teid, uskojad, miše teiden nadei kaiken aigan vaiše kazvaiži Pühän Hengen vägel. | 13Бог же надежды да исполнит вас всякой радости и мира в вере, дабы вы, силою Духа Святаго, обогатились надеждою. |
| 14Velled, minä tozi-ki uskon sihe, miše tö olet täuded hüvid tahtoid da kaikenlaižid tedoid i voit iče-ki nevoda toine toižele. | 14И сам я уверен о вас, братия мои, что и вы полны благости, исполнены всякого познания и можете наставлять друг друга; |
| 15No üks'kaik olen kirjutanu völ kerdan teile, velled, voib olda, erašti rohktas-ki, miše johtutada erasiš azjoiš. Olen tehnu muga, sikš ku Jumal ičeze armoiš om kucnu mindai | 15но писал вам, братия, с некоторою смелостью, отчасти как бы в напоминание вам, по данной мне от Бога благодати |
| 16služimaha Iisusale Hristosale Jumalad tundmatomiden rahvahiden keskes, tehmaha papin radoid Jumalan hüvän vestin täht, miše nene-ki rahvahad Pühän Hengen vedäden andaižihe Jumalan käzihe hänele mel'hižeks žertvaks. | 16быть служителем Иисуса Христа у язычников и совершать священнодействие благовествования Божия, дабы сие приношение язычников, будучи освящено Духом Святым, было благоприятно Богу. |
| 17Minä voin Iisusas Hristosas baffalidas sil, miše olen služinu Jumalale. | 17Итак я могу похвалиться в Иисусе Христе в том, что относится к Богу, |
| 18En rohti pagišta nimiččes toižes azjas, vaiše siš, midä Hristos minun kal't om tehnu, miše sada Jumalad tundmatomad rahvahad kundlijaižikš paginoiden, tegoiden, | 18ибо не осмелюсь сказать что-нибудь такое, чего не совершил Христос через меня, в покорении язычников вере, словом и делом, |
| 19tundmuzznamoiden da čudoiden kal't Jumalan Hengen vägel. Muga minä olen lopnu hüvän vestin sanelendan Hristosan polhe Jerusalimaspäi i sen ümbrištospäi Illiriahasai. | 19силою знамений и чудес, силою Духа Божия, так что благовествование Христово распространено мною от Иерусалима и окрестности до Иллирика. |
| 20Olen naprinu sanelda hüväd vestid vaiše sigä, kus Hristosan nimi ei ole völ tutab, miše nece ei oliži kuti sauvond toižiden tehtud alandusele. | 20Притом я старался благовествовать не там, где уже было известно имя Христово, дабы не созидать на чужом основании, |
| 21Radoin, kut om sanutud Pühiš Kirjutusiš: — Ned, kenele ei ole starinoitud hänen polhe, voiba nägištada, ked ei olgoi kulnuded, ned voiba el'geta. | 21но как написано: не имевшие о Нем известия увидят, и не слышавшие узнают. |
| 22Minun rad äi kerdoid om telustanu minun matkoile teidennoks. | 22Сие-то много раз и препятствовало мне придти к вам. |
| 23No nügüd' minai ei ole enamb radod neniš tahoiš i ku äi vozid tahtoin tulda teidennoks, | 23Ныне же, не имея такого места в сих странах, а с давних лет имея желание придти к вам, |
| 24ka konz lähten Ispaniaha, tulen teidennoks. Nadeimoi, miše sen matkan aigan voižin nägištada teid i tö abutaižit minei mända edemba, a ezmäi kaiked, oldes teidenke saižin hot' vähäižen hüväd mel't. | 24как только предприму путь в Испанию, приду к вам. Ибо надеюсь, что, проходя, увижусь с вами и что вы проводите меня туда, как скоро наслажусь общением с вами, хотя отчасти. |
| 25A nügüd' minä mänen Jerusalimha vemha abud jumalanuskojile. | 25А теперь я иду в Иерусалим, чтобы послужить святым, |
| 26Makedonian da Ahaijan uskondkundad oma kožunus antta ühthižen lahjan Jerusaliman uskondkundan gollile. | 26ибо Македония и Ахаия усердствуют некоторым подаянием для бедных между святыми в Иерусалиме. |
| 27Hö tuliba mugoižehe mel'he da hö völ oliba velgas-ki heile. Ved' ku Jumalad tundmatomad rahvahad oma sanuded hengelišt elod evrejalaižišpäi, ka nügüd' heile pidab abutada mil-se materialižel. | 27Усердствуют, да и должники они перед ними. Ибо если язычники сделались участниками в их духовном, то должны и им послужить в телесном. |
| 28Konz lopin necen radon i andan heile keratud denglahjan, lähten teiden kal't Ispaniaha. | 28Исполнив это и верно доставив им сей плод усердия, я отправлюсь через ваши места в Испанию, |
| 29Minä tedan, miše tuldes teidennoks tulen Hristosan hüvän vestin täuden blahoslovindanke. | 29и уверен, что когда приду к вам, то приду с полным благословением благовествования Христова. |
| 30Pakičen teid, velled, meiden Ižandan Iisusan Hristosan täht da Pühän Hengen anttud armastusen täht, tugekat mindai. Loičkat äjan Jumalale minun taguiči, | 30Между тем умоляю вас, братия, Господом нашим Иисусом Христом и любовью Духа, подвизаться со мною в молитвах за меня к Богу, |
| 31miše Judejas en putuiži uskmatomiden käzihe, da miše lahj, kudamban ven Jerusalimha, oliži mel'he jumalanuskojile. | 31чтобы избавиться мне от неверующих в Иудее и чтобы служение мое для Иерусалима было благоприятно святым, |
| 32I siloi, ku linneb sihe Jumalan taht, ka hüväs meles tuližin teidennoks da saižin henghe lebud. | 32дабы мне в радости, если Богу угодно, придти к вам и успокоиться с вами. |
| 33Jumal, kudamb andab mirud, olgha teidenke kaikidenke. Amin'. | 33Бог же мира да будет со всеми вами, аминь. |
Глава 15