Выбрать язык
Книги Ветхого Завета
Книги Нового Завета
без русского текстаKIRJEINE RIMALAIŽILE | ПОСЛАНИЕ К РИМЛЯНАМ |
Глава 16 | Глава 16 |
| 1Minä tahtoižin sanuda teile meiden uskondsizaren Feban polhe, kudamb radab djakonisan Kenhrejan uskondkundas. | 1Представляю вам Фиву, сестру нашу, диакониссу церкви Кенхрейской. |
| 2Vastkat händast Ižandan nimes, kut pidab jumalanuskojile vastata, da abutagat hänele kaikes, miš hänele oliži tarbiž teiden abud. Ved' hän iče-ki om abutanu äjile i minei-ki. | 2Примите ее для Господа, как прилично святым, и помогите ей, в чем она будет иметь нужду у вас, ибо и она была помощницею многим и мне самому. |
| 3Sanugat tervhutesid Priskale i Akilale, minun radvellile Hristosas Iisusas. | 3Приветствуйте Прискиллу и Акилу, сотрудников моих во Христе Иисусе |
| 4Hö oliba vaumhed andmaha hengen-ki minun taguiči, i heid kitän ei vaiše minä, a kitäba kaik uskondkundad, kudambad oma käraudanus uskondaha Jumalad tundmatomiden rahvahiden keskespäi. Sanugat völ tervhutesid heiden pert'he keradajile uskojile. | 4(которые голову свою полагали за мою душу, которых не я один благодарю, но и все церкви из язычников), и домашнюю их церковь. |
| 5Äi tervhutesid minun armhale Epenetale, kudamb ezmäižen Ahaijas zavodi uskta Hristosaha. | 5Приветствуйте возлюбленного моего Епенета, который есть начаток Ахаии для Христа. |
| 6Äi tervhutesid mugažo Mariale, hän om tehnu äi radod meiden täht. | 6Приветствуйте Мариам, которая много трудилась для нас. |
| 7Äi tervhutesid Andronikale i Juniale, minun heimvellile da türmsebranikoile. Hö oma korktas arvos apostoloiden sebras i edel mindai uskoškanziba Hristosaha. | 7Приветствуйте Андроника и Юнию, сродников моих и узников со мною, прославившихся между Апостолами и прежде меня еще уверовавших во Христа. |
| 8Äi tervhutesid minun armhale uskondvellele Ampliatale, | 8Приветствуйте Амплия, возлюбленного мне в Господе. |
| 9da mugažo Urbanale, meiden radvellele Hristosas, i minun armhale Stahijale. | 9Приветствуйте Урбана, сотрудника нашего во Христе, и Стахия, возлюбленного мне. |
| 10Äi tervhutesid Apellesale, kenen uskond Hristosaha om tetab kaikiš polišpäi. Mugažo tervhutesid Aristovulan kanznikoile. | 10Приветствуйте Апеллеса, испытанного во Христе. Приветствуйте верных из дома Аристовулова. |
| 11Äi tervhutesid minun heimvellele Irodionale da Narkissan kanznikoile, ked mugažo uskoba Ižandaha. | 11Приветствуйте Иродиона, сродника моего. Приветствуйте из домашних Наркисса тех, которые в Господе. |
| 12Äi tervhutesid Trifenale i Trifosale, naižile, ked tegeba äi radod Ižandan täht. Tervhutesed armhale sizarele Persidale: hän pani äi väged Ižandan radoihe. | 12Приветствуйте Трифену и Трифосу, трудящихся о Господе. Приветствуйте Персиду возлюбленную, которая много потрудилась о Господе. |
| 13Tervhutesed Ižandan valitud Ruf-vellele da hänen mamale, ved' hän minei-ki om kuti mam. | 13Приветствуйте Руфа, избранного в Господе, и матерь его и мою. |
| 14Äi tervhutesid Asinkritale, Flegontale, Germesale, Patrovale, Germasale i kaikile toižile vellile, kudambad oma heidenke. | 14Приветствуйте Асинкрита, Флегонта, Ерма, Патрова, Ермия и других с ними братьев. |
| 15Tervhutesed Filologale i Juliale, Nirejale i hänen sizarele, Olimpasale i kaikile jumalanuskojile, ked oma hänenke. | 15Приветствуйте Филолога и Юлию, Нирея и сестру его, и Олимпана, и всех с ними святых. |
| 16Tervehtagat toine tošt pühäl tervehtusel. Tervhutesid oigendaba teile kaik Hristosan uskondkundad. | 16Приветствуйте друг друга с целованием святым. Приветствуют вас все церкви Христовы. |
| 17Tomotan teid, velled, čurakatoiš nenid, ked toba ridoid i kukištuzkivid teiden tele, miše tö jätaižit nened opendused, miččed om anttud teile. Olgat eriži neniš mehišpäi. | 17Умоляю вас, братия, остерегайтесь производящих разделения и соблазны, вопреки учению, которому вы научились, и уклоняйтесь от них; |
| 18Hö ei služigoi meiden Ižandale Iisusale Hristosale, a vaiše ičeze vacale da čomil sanoil i libedkelel veba manitushe puhthad südäimed. | 18ибо такие люди служат не Господу нашему Иисусу Христу, а своему чреву, и ласкательством и красноречием обольщают сердца простодушных. |
| 19Om kaikile tetab se, miččed tö olet kundlijaižed. Sikš olen hüviš meliš teiden tagut i tahtoin, miše tö oližit melevad hüväs da vigatomad pahan edes. | 19Ваша покорность вере всем известна; посему я радуюсь за вас, но желаю, чтобы вы были мудры на добро и просты на зло. |
| 20A Jumal, mirun purde, teravas murendab sotonan i paneb teiden jaugoiden alle. Olgha teidenke meiden Ižandan Iisusan Hristosan armod. | 20Бог же мира сокрушит сатану под ногами вашими вскоре. Благодать Господа нашего Иисуса Христа с вами! Аминь. |
| 21Äi tervhutesid oigendaba teile minun radvel'l' Timofei da minun heimvelled Lukii, Jason, Sosipatr. | 21Приветствуют вас Тимофей, сотрудник мой, и Луций, Иасон и Сосипатр, сродники мои. |
| 22Äi tervhutesid Ižandan nimes oigendan teile minä-ki, Terti, kenen kädel om kirjutadud nece kirjeine. | 22Приветствую вас в Господе и я, Тертий, писавший сие послание. |
| 23Äi tervhutesid teile oigendab Gai, kudamb om avaidanu ičeze kodin minei i kaikele uskondkundale. Tervhutesed oigendab mugažo Erast, lidnan rahankacui, da völ Kvart-vel'l'. | 23Приветствует вас Гаий, странноприимец мой и всей церкви. Приветствует вас Ераст, городской казнохранитель, и брат Кварт. |
| 24Olgha teidenke meiden Ižandan Iisusan Hristosan armod! Amin'. | 24Благодать Господа нашего Иисуса Христа со всеми вами. Аминь. |
Глава 16