Выбрать язык
Книги Ветхого Завета
Книги Нового Завета
без русского текстаJOANNAN EZMÄINE KIRJEINE | ПЕРВОЕ ПОСЛАНИЕ ИОАННА |
Глава 2 | Глава 2 |
| 1Armhad lapsed! Kirjutan necen teile, miše tö et tegiži grähkid. A ku ken tegeb grähkid, ka meil om Tatan edes Polestai, Iisus Hristos, Tozioiged. | 1Дети мои! сие пишу вам, чтобы вы не согрешали; а если бы кто согрешил, то мы имеем ходатая пред Отцем, Иисуса Христа, праведника; |
| 2Hän om žertvmaksmine meiden grähkiš, i maksab ei vaiše meiden grähkiš, a kaiken mirun mehiden grähkiš. | 2Он есть умилостивление за грехи наши, и не только за наши, но и за грехи всего мира. |
| 3Ka kut mö voim tedištada, tundem-ik Iisusad? Mö tundem händast, ku eläm hänen käsköiden mödhe. | 3А что мы познали Его, узнаём из того, что соблюдаем Его заповеди. |
| 4Ken sanub, miše tundeb Iisusan, a iče ei elä hänen käsköiden mödhe, ka hän om kelastai, i hänes ei ole tot. | 4Кто говорит: `я познал Его', но заповедей Его не соблюдает, тот лжец, и нет в нем истины; |
| 5No ken kundleb hänen sanad, ka hänes Jumalan armastuz tozi-ki om täudnus. I sišpäi mö tedam, miše mö olem hänes. | 5а кто соблюдает слово Его, в том истинно любовь Божия совершилась: из сего узнаём, что мы в Нем. |
| 6Sille, ken sanub, miše püžub Iisusas Hristosas, pidab eläda muga, kut eli hän. | 6Кто говорит, что пребывает в Нем, тот должен поступать так, как Он поступал. |
| 7Minun armhad! Käsk, kudamban minä teile kirjutan, ei ole uz'. Nece om se vanh käsk, kudamb om olnu teil ezmässai. Vanh käsk om se sana, kudamban tö olet kulnuded ezmässai. | 7Возлюбленные! пишу вам не новую заповедь, но заповедь древнюю, которую вы имели от начала. Заповедь древняя есть слово, которое вы слышали от начала. |
| 8I üks' se-žo käsk, kudambas teile kirjutan, om uz': se käsk om tehnus todeks hänes da teiš, sikš ku pimed kadob, a toden päivänvauged hoštab. | 8Но притом и новую заповедь пишу вам, что есть истинно и в Нем и в вас: потому что тьма проходит и истинный свет уже светит. |
| 9Ken sanub, miše hän om päivänvauktas, a iče kandab vihad vellen päle, se om völ pimedas. | 9Кто говорит, что он во свете, а ненавидит брата своего, тот еще во тьме. |
| 10Ken armastab velled, püžub päivänvauktas, i hänes ei ole nimidä, mi veiži grähkähä. | 10Кто любит брата своего, тот пребывает во свете, и нет в нем соблазна. |
| 11No se, ken kandab vihad vellen päle, om pimedas. Hän käveleb pimedas, i ei teda, kuna mäneb, sikš ku pimed om sogenzoitnu hänen sil'mäd. | 11А кто ненавидит брата своего, тот находится во тьме, и во тьме ходит, и не знает, куда идет, потому что тьма ослепила ему глаза. |
| 12Minä kirjutan teile, lapsuded, sikš ku teiden grähkäd om pästtud hänen nimen täht. | 12Пишу вам, дети, потому что прощены вам грехи ради имени Его. |
| 13Minä kirjutan teile, tatad, sikš ku tö olet openus tundmaha händast, ken om olnu ezmässai. Minä kirjutan teile, nored, sikš ku tö olet vägestanuded sotonan. Minä kirjutan teile, lapsed, sikš ku tö olet openus tundmaha Tatad. | 13Пишу вам, отцы, потому что вы познали Сущего от начала. Пишу вам, юноши, потому что вы победили лукавого. Пишу вам, отроки, потому что вы познали Отца. |
| 14Tatad, minä olen kirjutanu teile, sikš ku tö olet openus tundmaha händast, ken om olnu ezmässai. Nored, minä olen kirjutanu teile, sikš ku tö olet vägekahad, Jumalan sana püžub teiš, i tö olet vägestanuded sotonan. | 14Я написал вам, отцы, потому что вы познали Безначального. Я написал вам, юноши, потому что вы сильны, и слово Божие пребывает в вас, и вы победили лукавого. |
| 15Algat armastagoi mirud i sidä, midä mirus om. Ku ken-ni armastab mirud, hänes ei ole sijad Tatan armastusele. | 15Не любите мира, ни того, что в мире: кто любит мир, в том нет любви Отчей. |
| 16Sikš ku midä mirus om: hibjan himod, sil'miden tahtod da elon kitändad, kaik nece om miruspäi, ei Tataspäi. | 16Ибо всё, что в мире: похоть плоти, похоть очей и гордость житейская, не есть от Отца, но от мира сего. |
| 17Mir dai sen himod kadoba, no ken eläb Jumalan valdan mödhe, eläškandeb igän. | 17И мир проходит, и похоть его, а исполняющий волю Божию пребывает вовек. |
| 18Lapsed, nügüd' tuliba jäl'gmäižed aigad. Tö olet kulnuded, miše om tulmas antihrist, i nügüd' om ozutanus äi antihristoid. Sikš mö tedam: jäl'gmäine aig om tulnu. | 18Дети! последнее время. И как вы слышали, что придет антихрист, и теперь появилось много антихристов, то мы и познаём из того, что последнее время. |
| 19Nene antihristad oma ozutanus meiden keskespäi, no hö ei olnugoi meiden. Ku hö olnuižiba meiden, ka hö püžunuižiba meiden keskes. No heiden lähtend ozuti sen, miše hö kaik ei olgoi meiden. | 19Они вышли от нас, но не были наши: ибо если бы они были наши, то остались бы с нами; но они вышли, и через то открылось, что не все наши. |
| 20A teid om voidelnu Pühä, i tö tedat kaiken. | 20Впрочем, вы имеете помазание от Святаго и знаете всё. |
| 21Minä en kirjuta teile sikš, miše tö et tekoi tot, a sikš miše tö tedat sen. Tö el'gendat, miše nimitte kelastuz ei tule todespäi. | 21Я написал вам не потому, чтобы вы не знали истины, но потому, что вы знаете ее, равно как и то, что всякая ложь не от истины. |
| 22Ka kenak sid' om kelastai, ku ei se, ken sanub: Iisus ei ole Hristos? Mugoine mez' om antihrist, hän om hül'gäidanu kut Tatan, muga Poigan-ki. | 22Кто лжец, если не тот, кто отвергает, что Иисус есть Христос? Это антихрист, отвергающий Отца и Сына. |
| 23Ken hül'gäidab Poigan, hänel ei ole Tatad-ki, no ken sanub, miše hän om Poigan läheline, hänel om Tat-ki. | 23Всякий, отвергающий Сына, не имеет и Отца; а исповедующий Сына имеет и Отца. |
| 24Püžugaha teiš se, min tö olet kulnuded jo ezmässai. Ku se, min tö olet kulnuded ezmässai, püžuškandeb teiš, sid' tö-ki püžuškandet Poigas da Tatas. | 24Итак, что вы слышали от начала, то и да пребывает в вас; если пребудет в вас то, что вы слышали от начала, то и вы пребудете в Сыне и в Отце. |
| 25A se toivotuz, miččen hän om andnu meile, nece om igähine elo. | 25Обетование же, которое Он обещал нам, есть жизнь вечная. |
| 26Necen olen kirjutanu teile neniš, ked tahtoiba veda teid manitushe. | 26Это я написал вам об обольщающих вас. |
| 27A midä koskeb teid, ka teiš püžub se voidand, kudamban tö olet sanuded Pühäspäi, i teile ei pida, miše ken-se toine teid opendaiži. Iče nece voidand opendab teid kaikehe, i se openduz om tozi, ei ole kelastuz. Ka mihe se voidand teid om opendanu, püžugat-ki siš. | 27Впрочем, помазание, которое вы получили от Него, в вас пребывает, и вы не имеете нужды, чтобы кто учил вас; но как самое сие помазание учит вас всему, и оно истинно и неложно, то, чему оно научило вас, в том пребывайте. |
| 28Muga, lapsuded, püžugat Hristosas, miše voižim olda rohktad, konz hän ozutase, da em putuiži huiktaha hänen edes, konz hän tuleb. | 28Итак, дети, пребывайте в Нем, чтобы, когда Он явится, иметь нам дерзновение и не постыдиться пред Ним в пришествие Его. |
| 29Ku tedat, miše hän om tozioiged, ka tedat sen-ki: kaikutte, ken eläb tozioiktusen mödhe, om sündnu Jumalaspäi. | 29Если вы знаете, что Он праведник, знайте и то, что всякий, делающий правду, рожден от Него. |
Глава 2