Выбрать язык
Книги Ветхого Завета
Книги Нового Завета
без русского текстаEVANGELII JOANNAN MÖDHE | ЕВАНГЕЛИЕ ОТ ИОАННА |
Глава 10 | Глава 10 |
| 1«Todest tozi sanun teile: ken ei mäne lambhiden tanhaze verajan kal't, a ličese sinna tošt tedme, ka se om vargaz i razbainik. | 1Истинно, истинно говорю вам: кто не дверью входит во двор овчий, но перелазит инуде, тот вор и разбойник; |
| 2Se, ken mäneb verajan kal't, om lambhiden paimen. | 2а входящий дверью есть пастырь овцам. |
| 3Hänele verajanvarjoičii avaidab verajan, i lambhad kundleba hänen än't. Hän kucub ičeze lambhid nimel i pästab irdale. | 3Ему придверник отворяет, и овцы слушаются голоса его, и он зовет своих овец по имени и выводит их. |
| 4Konz hän om pästnu lambhid irdale, hän astub ezil, a lambhad mäneba hänen taga, sikš miše hö tundeba hänen än't. | 4И когда выведет своих овец, идет перед ними; а овцы за ним идут, потому что знают голос его. |
| 5Verhan taga hö ei lähtkoi, a pageneba hänespäi, sikš miše hö ei tuntkoi verast än't.» | 5За чужим же не идут, но бегут от него, потому что не знают чужого голоса. |
| 6Iisus sanui heile necen ozoitezstarinan, no hö ei el'gendanugoi, min polhe hän pagiži. | 6Сию притчу сказал им Иисус; но они не поняли, что такое Он говорил им. |
| 7Sikš Iisus völ sanui: «Todest tozi sanun teile: minä olen lambhiden verai. | 7Итак, опять Иисус сказал им: истинно, истинно говорю вам, что Я дверь овцам. |
| 8Kaik, ked tuliba edel mindai, oma varghad i razbainikad, lambhad ei kundelnugoi heid. | 8Все, сколько их ни приходило предо Мною, суть воры и разбойники; но овцы не послушали их. |
| 9Minä olen verai. Se, ken tuleb südäimehe minun kal't, ka päzub. Hän voib tulda i mända, i hän löudab omaluižen. kaiče | 9Я есмь дверь: кто войдет Мною, тот спасется, и войдет, и выйдет, и пажить найдет. |
| 10Vargaz tuleb vaiše vargastamha, rikmaha, surmičemha. Minä olen tulnu andmaha elon, täuden, külläižen elon. | 10Вор приходит только для того, чтобы украсть, убить и погубить. Я пришел для того, чтобы имели жизнь и имели с избытком. |
| 11Minä olen hüvä paimen. Hüvä paimen andab ičeze elon lambhiš. | 11Я есмь пастырь добрый: пастырь добрый полагает жизнь свою за овец. |
| 12A paukatud paimen ei ole oiged paimen, lambhad ei olgoi hänen. Konz hän nägeb, miše tuleb händikaz, ka hän jätab lambazkogon i pageneb. Händikaz rästab lambhid i kükseb niid kaikjale. | 12А наемник, не пастырь, которому овцы не свои, видит приходящего волка, и оставляет овец, и бежит; и волк расхищает овец, и разгоняет их. |
| 13Paukatud paimen pageneb, sikš ku om paukatud, hän ei holdu lambhiš. | 13А наемник бежит, потому что наемник, и нерадит об овцах. |
| 14Minä olen hüvä paimen. Minä tunden ičein lambhid, i hö tundeba mindai, | 14Я есмь пастырь добрый; и знаю Моих, и Мои знают Меня. |
| 15muga kut Tat tundeb mindai i minä Tatad. Minä andan hengen lambhiš. | 15Как Отец знает Меня, так и Я знаю Отца; и жизнь Мою полагаю за овец. |
| 16Minai om toižid-ki lambhid, mugoižid, kudambad ei olgoi neciš lambazkogospäi, i niid-ki minei tarbiž paimeta. Ned kundleba minun än't, i muga linneb üks' lambazkogo i üks' paimen. | 16Есть у Меня и другие овцы, которые не сего двора, и тех надлежит Мне привести: и они услышат голос Мой, и будет одно стадо и один Пастырь. |
| 17Tat armastab mindai, sikš ku minä andan ičein hengen — miše jäl'ges saižin sen tagaze. | 17Потому любит Меня Отец, что Я отдаю жизнь Мою, чтобы опять принять ее. |
| 18Niken ei anasta sidä minai, minä iče andan sen. Minai om vald antta se i otta tagaze. Muga minun Tat om käsknu minei tehta.» | 18Никто не отнимает ее у Меня, но Я Сам отдаю ее. Имею власть отдать ее и власть имею опять принять ее. Сию заповедь получил Я от Отца Моего. |
| 19Neniden sanoiden tagut evrejalaižed möst ridleškanziba kesknezoi. | 19От этих слов опять произошла между Иудеями распря. |
| 20Äjad heišpäi sanuiba: «Hänes om paha heng, hän om urad. Midä tö händast kundlet?» | 20Многие из них говорили: Он одержим бесом и безумствует; что слушаете Его? |
| 21Toižed sanuiba: «Ninga ei pagiže mugoine, kenes om paha heng. Jose paha heng voib avaita sogedan sil'mäd?» | 21Другие говорили: это слова не бесноватого; может ли бес отверзать очи слепым? |
| 22Oli tal'v, i Jerusalimas oli pühäkodin udištamižen voz'praznik. | 22Настал же тогда в Иерусалиме праздник обновления, и была зима. |
| 23Konz Iisus käveli pühäkodiš, Solomonan pacazgalerejas, | 23И ходил Иисус в храме, в притворе Соломоновом. |
| 24evrejalaižed kogozihe ümbri hänes i sanuiba: «Hätken-ik sinä mokičeškanded meid? Ku sinä oled Messia, sanu se kohtha.» | 24Тут Иудеи обступили Его и говорили Ему: долго ли Тебе держать нас в недоумении? если Ты Христос, скажи нам прямо. |
| 25Iisus sanui: «Minä ved' olen sanunu teile, no tö et uskkoi. Tegod, kudambad minä tegen Tatan nimes, todištaba minun polhe. | 25Иисус отвечал им: Я сказал вам, и не верите; дела, которые творю Я во имя Отца Моего, они свидетельствуют о Мне. |
| 26No tö et uskkoi, sikš ku et olgoi minun lambhad, muga kut sanuin-ki teile. | 26Но вы не верите, ибо вы не из овец Моих, как Я сказал вам. |
| 27Minun lambhad kundleba minun än't, i minä tunden heid, i hö astuba minun jäl'ghe. | 27Овцы Мои слушаются голоса Моего, и Я знаю их; и они идут за Мною. |
| 28Minä andan heile igähižen elon. Hö igäs ei kadogoi, i niken ei anasta heid minai. | 28И Я даю им жизнь вечную, и не погибнут вовек; и никто не похитит их из руки Моей. |
| 29Minun Tat, kudamb om andnu heid minei, om suremb kaikid, i niken ei voi anastada heid minun Tatan kädespäi. | 29Отец Мой, Который дал Мне их, больше всех; и никто не может похитить их из руки Отца Моего. |
| 30Minä i Tat olem üks'.» | 30Я и Отец--одно. |
| 31Evrejalaižed keradaškanziba kivid, miše tacta Iisusaha. | 31Тут опять Иудеи схватили каменья, чтобы побить Его. |
| 32Iisus sanui heile: «Minä olen tehnu teiden sil'miš äi hüvid tegoid, kudambad oma minun Tataspäi. Miččen tegon tagut tö tahtoit tacta kivil minuhu?» | 32Иисус отвечал им: много добрых дел показал Я вам от Отца Моего; за которое из них хотите побить Меня камнями? |
| 33Evrejalaižed sanuiba: «Mö em tackoi kivil sinuhu miččen-se hüvän tegon tagut, a vaiše sen tagut, miše sinä nagrad Jumalad. Sinä teged ičtaiž Jumalaks, a oled mez'.» | 33Иудеи сказали Ему в ответ: не за доброе дело хотим побить Тебя камнями, но за богохульство и за то, что Ты, будучи человек, делаешь Себя Богом. |
| 34Iisus sanui: «Ei-ik teiden käskištos ole kirjutadud nene Jumalan sanad: ‘Minä sanuin: tö olet jumalad?’ | 34Иисус отвечал им: не написано ли в законе вашем: Я сказал: вы боги? |
| 35Ku hän sanub jumaloikš heid, kenele Jumalan sana anttihe — a Pühid Kirjutusid ei sa mureta — | 35Если Он назвал богами тех, к которым было слово Божие, и не может нарушиться Писание, -- |
| 36ka kutak tö sanut hänele, keda Tat om valičenu pühiže azjoihe i oigendanu mirhu: ‘Sinä nagrad Jumalad’, vaiše sen pohjal, miše minä sanuin: ‘Minä olen Jumalan Poig’? | 36Тому ли, Которого Отец освятил и послал в мир, вы говорите: богохульствуешь, потому что Я сказал: Я Сын Божий? |
| 37Ku minä en tege minun Tatan tegoid, algat uskkoi minun sanoihe. | 37Если Я не творю дел Отца Моего, не верьте Мне; |
| 38No ku tegen, uskkat minun tegoihe, hot' et uskkoi minei. Siloi tö tedištat i uskoškandet, miše Tat om minus, i minä olen hänes.» | 38а если творю, то, когда не верите Мне, верьте делам Моим, чтобы узнать и поверить, что Отец во Мне и Я в Нем. |
| 39Evrejalaižed möst tahtoiba tabata Iisusad, no hän pageni heiden käzišpäi. | 39Тогда опять искали схватить Его; но Он уклонился от рук их, |
| 40Iisus mäni udes Jordanjogen toižele polele, sinna kus Joan ezmäi oli valatanu rahvast, i jäi sihe. | 40и пошел опять за Иордан, на то место, где прежде крестил Иоанн, и остался там. |
| 41Hänennoks tuli äi rahvast. Hö sanuiba: «Joan ei tegend ni üht tundmuztegod, no kaik, midä hän necen mehen polhe sanui, om tozi.» | 41Многие пришли к Нему и говорили, что Иоанн не сотворил никакого чуда, но все, что сказал Иоанн о Нем, было истинно. |
| 42Äjad uskoiba sigä Iisusaha. | 42И многие там уверовали в Него. |
Глава 10