Выбрать язык
Книги Ветхого Завета
Книги Нового Завета
без русского текстаEVANGELII JOANNAN MÖDHE | ЕВАНГЕЛИЕ ОТ ИОАННА |
Глава 11 | Глава 11 |
| 1Üks' mez', kudamb kuctihe Lazarikš, läžui. Hän eli Vifanias, siš-žo küläs, kus hänen sizared Maria i Marfa. | 1Был болен некто Лазарь из Вифании, из селения, где жили Мария и Марфа, сестра ее. |
| 2Maria, kenen Lazar'-vel'l' läžuškanzi, oli se, ken voidi Ižandan čomahajuižel voil i pühki hänen jaugad ičeze hibusil. | 2Мария же, которой брат Лазарь был болен, была та, которая помазала Господа миром и отерла ноги Его волосами своими. |
| 3Lazarin sizared oigenziba Iisusale vestin: «Ižand, se, keda sinä armastad, läžub.» | 3Сестры послали сказать Ему: Господи! вот, кого Ты любишь, болен. |
| 4Necen kulištades Iisus sanui: «Nece kibu ei ole surmaline, a ozutab, mitte sur' Jumal om, i sen kal't tuleb sil'mnägubale se-ki, mitte sur' om Jumalan Poig.» | 4Иисус, услышав то, сказал: эта болезнь не к смерти, но к славе Божией, да прославится через нее Сын Божий. |
| 5Iisus lujas armasti Marfad, hänen sizart i Lazarid. | 5Иисус же любил Марфу и сестру ее и Лазаря. |
| 6Hot' hän kulišti Lazarin läžundan polhe, no jäi sinna völ kahteks päiväks, | 6Когда же услышал, что он болен, то пробыл два дня на том месте, где находился. |
| 7no jäl'ges sanui openikoile: «Lähtkam tagaze Judejaha.» | 7После этого сказал ученикам: пойдем опять в Иудею. |
| 8Openikad vastustiba: «Ravvi, ved' ei amu evrejalaižed tahtoiba tacta kivil sinuhu, i sinä möst lähted sinna!» | 8Ученики сказали Ему: Равви! давно ли Иудеи искали побить Тебя камнями, и Ты опять идешь туда? |
| 9Iisus sanui heile: «Päiväs om kaks'toštkümne časud. Ken astub päiväl, ei kukištu, sikš ku hän nägeb necen mirun lämoin. | 9Иисус отвечал: не двенадцать ли часов во дне? кто ходит днем, тот не спотыкается, потому что видит свет мира сего; |
| 10A ken käveleb öl, kukištelese — ved' hänes ei ole lämoid.» | 10а кто ходит ночью, спотыкается, потому что нет света с ним. |
| 11Neniden sanoiden jäl'ghe hän virki: «Meiden sebranik Lazar' uinzi, no minä mänen heraštoitmaha händast.» | 11Сказав это, говорит им потом: Лазарь, друг наш, уснул; но Я иду разбудить его. |
| 12Openikad sanuiba: «Ižand, ku hän om uindanu, ka tervneb.» | 12Ученики Его сказали: Господи! если уснул, то выздоровеет. |
| 13Iisus pagiži Lazarin surman polhe, no openikad meletiba, miše pagin om unen polhe. | 13Иисус говорил о смерти его, а они думали, что Он говорит о сне обыкновенном. |
| 14Siloi Iisus sanui heile kohtha: «Lazar' om kolnu. | 14Тогда Иисус сказал им прямо: Лазарь умер; |
| 15Teiden täht da sen täht, miše tö uskoižit, voin sanuda sen: om hüvä, miše en olend sigä. No nügüd' lähtkam hänennoks.» | 15и радуюсь за вас, что Меня не было там, дабы вы уверовали; но пойдем к нему. |
| 16Siloi Foma, kudamb völ kuctihe Kaks'jäižeks, sanui toižile openikoile: «Mängam mö-ki, kolgam ühtes hänenke.» | 16Тогда Фома, иначе называемый Близнец, сказал ученикам: пойдем и мы умрем с ним. |
| 17Konz Iisus tuli sinna, hänele sanutihe, miše Lazar' oli jo nel'l' päiväd kaumas. | 17Иисус, придя, нашел, что он уже четыре дня в гробе. |
| 18Vifania oli läz Jerusalimad, videstoštkümnes stadijas, | 18Вифания же была близ Иерусалима, стадиях в пятнадцати; |
| 19i äi evrejalaižid oli tulnu tüništoitmaha Marfad i Mariad heiden vellen surman tagut. | 19и многие из Иудеев пришли к Марфе и Марии утешать их в печали о брате их. |
| 20Konz Marfa kulišti, miše Iisus tuleb, hän läksi hänele vastha. Maria jäi kodihe. | 20Марфа, услышав, что идет Иисус, пошла навстречу Ему; Мария же сидела дома. |
| 21Siloi Marfa sanui Iisusale: «Ižand, ku olnuižid tägä, minun vel'l' ei kolnuiži. | 21Тогда Марфа сказала Иисусу: Господи! если бы Ты был здесь, не умер бы брат мой. |
| 22No nügüd'-ki tedan sen: Jumal andab sinei kaiken, midä hänel pakičed.» | 22Но и теперь знаю, что чего Ты попросишь у Бога, даст Тебе Бог. |
| 23Iisus sanui: «Sinun vel'l' eläbzub.» | 23Иисус говорит ей: воскреснет брат твой. |
| 24Marfa sanui: «Ka, tedan, miše eläbzub jäl'gmäižel päiväl, konz kaik eläbzuba.» | 24Марфа сказала Ему: знаю, что воскреснет в воскресение, в последний день. |
| 25Iisus sanui: «Minä olen eläbzumine i elo. Ken uskob minuhu, ka eläškandeb, hot' koleb-ki. | 25Иисус сказал ей: Я есмь воскресение и жизнь; верующий в Меня, если и умрет, оживет. |
| 26I kaikutte, ken eläb i uskob minuhu, igäs ei kole. Uskod-ik neche?» | 26И всякий, живущий и верующий в Меня, не умрет вовек. Веришь ли сему? |
| 27«Uskon, Ižand», Marfa sanui, «minä uskon, miše sinä oled Messia, Jumalan Poig, kudambale tarbiž tulda mirhu.» | 27Она говорит Ему: так, Господи! я верую, что Ты Христос, Сын Божий, грядущий в мир. |
| 28Neniden sanoiden jäl'ghe Marfa pördihe kodihe, kucui ičeze sizaren Marian i sanui hänele peitoiči: «Opendai om tägä i kucub sindai.» | 28Сказав это, пошла и позвала тайно Марию, сестру свою, говоря: Учитель здесь и зовет тебя. |
| 29Kuldes sen Maria rigol libui i läksi Iisusannoks. | 29Она, как скоро услышала, поспешно встала и пошла к Нему. |
| 30Iisus völ ei tulend külähä, a oli völ sigä, kus Marfa vastsi händast. | 30Иисус еще не входил в селение, но был на том месте, где встретила Его Марфа. |
| 31Konz evrejalaižed, kudambad oliba pertiš tüništoitmas Mariad, nägištiba, kut hän kipsahti lähtta irdale, läksiba hänen jäl'ghe. Hö meletiba, miše hän mäni voikmaha kaumale. | 31Иудеи, которые были с нею в доме и утешали ее, видя, что Мария поспешно встала и вышла, пошли за нею, полагая, что она пошла на гроб--плакать там. |
| 32Konz Maria tuli sinna, kus Iisus oli, i nägišti händast, hän lanksi hänen jaugoihe i sanui: «Ižand, ku olnuižid tägä, minun vel'l' ei kolnuiži.» | 32Мария же, придя туда, где был Иисус, и увидев Его, пала к ногам Его и сказала Ему: Господи! если бы Ты был здесь, не умер бы брат мой. |
| 33Konz Iisus nägišti Marian kündliš i hänenke tulnuzid evrejalaižid-ki kündliš, ka hän lanksi süvähä opalaha. | 33Иисус, когда увидел ее плачущую и пришедших с нею Иудеев плачущих, Сам восскорбел духом и возмутился |
| 34Hän küzui: «Kuna tö panit händast?» «Ižand, tule kacmaha», hö sanuiba. | 34и сказал: где вы положили его? Говорят Ему: Господи! пойди и посмотри. |
| 35Iisus kündlestihe. | 35Иисус прослезился. |
| 36Evrejalaižed sanuiba: «Kackat, kut hän armasti Lazarid!» | 36Тогда Иудеи говорили: смотри, как Он любил его. |
| 37No erased sanuiba: «Ku hän voi avaita sogedan sil'mäd, ei-ik hän voinuiži tehta muga, miše Lazar' ei kolnuiži?» | 37А некоторые из них сказали: не мог ли Сей, отверзший очи слепому, сделать, чтобы и этот не умер? |
| 38Iisus möst lanksi opalaha. Hän tuli kaumale. Se oli sur' kal'l'onduz, saubatud kivel. | 38Иисус же, опять скорбя внутренно, приходит ко гробу. То была пещера, и камень лежал на ней. |
| 39«Heitkat kivi», käski Iisus, no Marfa, kollijan sizar, sanui hänele: «Ižand, hän haižub jo. Hän om olnu sid' jo nel'l' päiväd.» | 39Иисус говорит: отнимите камень. Сестра умершего, Марфа, говорит Ему: Господи! уже смердит; ибо четыре дня, как он во гробе. |
| 40Iisus sanui: «En-ik sanund sinei: ku uskod, ka nägištad Jumalan vägen?» | 40Иисус говорит ей: не сказал ли Я тебе, что, если будешь веровать, увидишь славу Божию? |
| 41Kivi heittihe kal'l'ondusespäi, kus venui kollii. Iisus libuti sil'mäd i sanui: «Tatam, minä kitän sindai, miše oled kulištanu mindai. | 41Итак отняли камень от пещеры, где лежал умерший. Иисус же возвел очи к небу и сказал: Отче! благодарю Тебя, что Ты услышал Меня. |
| 42Ka, minä tedan, miše sinä kaiken kuled mindai, no minä sanun necen neniden täht, kudambad seižuba ümbri, miše hö uskoižiba: sinä oled oigendanu mindai.» | 42Я и знал, что Ты всегда услышишь Меня; но сказал сие для народа, здесь стоящего, чтобы поверили, что Ты послал Меня. |
| 43Iisus sanui necen, sid' kirgouzi koval änel: «Lazar', tule irdale!» | 43Сказав это, Он воззвал громким голосом: Лазарь! иди вон. |
| 44Siloi kollii tuli irdale, jaugad i käded kärautud sidegil, mod kattud paikal. Iisus sanui: «Heitkat hänespäi sideged i antkat hänele mända.» | 44И вышел умерший, обвитый по рукам и ногам погребальными пеленами, и лице его обвязано было платком. Иисус говорит им: развяжите его, пусть идет. |
| 45Äjad neniš evrejalaižišpäi, ked oliba tulnuded Mariannoks i nähnuded, midä Iisus tegi, uskoškanziba hänehe. | 45Тогда многие из Иудеев, пришедших к Марии и видевших, что сотворил Иисус, уверовали в Него. |
| 46No erased heišpäi mäniba farisejidennoks i sanuiba, midä Iisus oli tehnu. | 46А некоторые из них пошли к фарисеям и сказали им, что сделал Иисус. |
| 47Siloi ülembaižed papid i farisejad kucuiba Nevondkundan suimale i küzuiba sigä: «Midä meile tarbiž tehta? Se mez' tegeb äi tundmuztegoid. | 47Тогда первосвященники и фарисеи собрали совет и говорили: что нам делать? Этот Человек много чудес творит. |
| 48Ku andam hänele edemba-ki tehta ninga, hänehe uskoškandeba ani kaik, siloi tuleba rimalaižed i anastaba meil necen tahon i kaiken meiden rahvahan.» | 48Если оставим Его так, то все уверуют в Него, и придут Римляне и овладеют и местом нашим и народом. |
| 49Siloi üks' heišpäi, Kajafa, kudamb oli sen voden ülembaižen papin, sanui: «Tö et el'gekoi nimidä. | 49Один же из них, некто Каиафа, будучи на тот год первосвященником, сказал им: вы ничего не знаете, |
| 50Et-ik tö tärtkoi, miše meile oliži paremba, ku üks' mez' koliži rahvahan täht, mi kaik rahvaz koliži?» | 50и не подумаете, что лучше нам, чтобы один человек умер за людей, нежели чтобы весь народ погиб. |
| 51Nece ei olend hänen ičeze mel', no ku hän sil vodel oli ülembaižen papin, ka endusti, miše Iisus koleb rahvahan täht, | 51Сие же он сказал не от себя, но, будучи на тот год первосвященником, предсказал, что Иисус умрет за народ, |
| 52i ei vaiše sen rahvahan täht, a miše kogota ühthe kaikid Jumalan lapsid kaikiš managjoišpäi. | 52и не только за народ, но чтобы и рассеянных чад Божиих собрать воедино. |
| 53Siš päiväspäi hö ladiba surmita Iisusan. | 53С этого дня положили убить Его. |
| 54Sen täht Iisus enambad ei kävelend avoin Judejas, a mäni Efraim-lidnaha, kudamb oli läz rahvahatont mad. Sigä hän oleskeli ičeze openikoidenke. | 54Посему Иисус уже не ходил явно между Иудеями, а пошел оттуда в страну близ пустыни, в город, называемый Ефраим, и там оставался с учениками Своими. |
| 55Evrejalaižiden Äipäivän praznik oli läheli, i külišpäi jo edel Äipäiväd tuli äi rahvast Jerusalimha puhtastamhas. | 55Приближалась Пасха Иудейская, и многие из всей страны пришли в Иерусалим перед Пасхою, чтобы очиститься. |
| 56Hö eciba Iisusad i seištes pühäkodiš küzeliba toine tošt: «Mittušt mel't olet? Tuleb-ik hän praznikale vai ei?» | 56Тогда искали Иисуса и, стоя в храме, говорили друг другу: как вы думаете? не придет ли Он на праздник? |
| 57Ülembaižed papid i farisejad oliba andnuded mugoman käskön: ku ken-ni tedištab, kus Iisus om, ka sanugaha heile, miše hö voižiba händast tabata. | 57Первосвященники же и фарисеи дали приказание, что если кто узнает, где Он будет, то объявил бы, дабы взять Его. |
Глава 11