Выбрать язык
Книги Ветхого Завета
Книги Нового Завета
без русского текстаSOLOMONAN | ПРИТЧИ |
Глава 30 | Глава 30 |
| 1 Aguran, Jakein poigan sanad. Korktad sanad, miččed sanui se mez՚ Ifiilale, Ifiilale da Ukale: | 1Слова Агура, сына Иакеева. Вдохновенные изречения, которые сказал этот человек Ифиилу, Ифиилу и Укалу: |
| 2 Todes tozi, minä olen enambal opendamatoi, ku ken-se mehišpäi, minai ei ole mehen mel՚t, | 2подлинно, я более невежда, нежели кто-либо из людей, и разума человеческого нет у меня, |
| 3 minä en opendanus melevudele, minai ei ole pühid tedoid. | 3и не научился я мудрости, и познания святых не имею. |
| 4 Ken libui taivhaze da päzui sigäpäi? Ken kerazi käzihe tullein? Ken sidoi veden sobihe? Ken tegi kaik man agjad? Mitte om hänen nimi? Mitte om hänen poigan nimi? Tedad-ik? | 4Кто восходил на небо и нисходил? кто собрал ветер в пригоршни свои? кто завязал воду в одежду? кто поставил все пределы земли? какое имя ему? и какое имя сыну его? знаешь ли? |
| 5 Jumalan joga sana om puhtaz. Hän om rindraud nenile, ked uskoba hänehe. | 5Всякое слово Бога чисто; Он–щит уповающим на Него. |
| 6 Hänen sanoihe ala ližada nimidä, miše hän ei nägištaiži necidä i ei sanuiži sindai kelastelijaks. | 6Не прибавляй к словам Его, чтобы Он не обличил тебя, и ты не оказался лжецом. |
| 7 Minä pakičen sinai kaks՚ azjad, ala hül՚gäida niid nikonz, minun surmhasai, | 7Двух вещей я прошу у Тебя, не откажи мне, прежде нежели я умру: |
| 8 tühjad paginad da kelastuz pidä edemba minuspäi, ala anda minei ni bohatust, ni mairišt, anda minei jogapäiväine leibpala. | 8суету и ложь удали от меня, нищеты и богатства не давай мне, питай меня насущным хлебом, |
| 9 Ala anda liigad, miše minä en pučnus sinuspäi da en sanuiži: «Ken om Ižand?», a gollištudes en zavodiži vargastada da otta paginaha Jumalan nimed tühjan. | 9дабы, пресытившись, я не отрекся Тебя и не сказал: `кто Господь?' и чтобы, обеднев, не стал красть и употреблять имя Бога моего всуе. |
| 10 Ala sanu pahad orjas hänen ižandale, miše hän ei prokl՚aniži sindai da sinä ed jäiži väraks. | 10Не злословь раба пред господином его, чтобы он не проклял тебя, и ты не остался виноватым. |
| 11 Om rod, mitte prokl՚anib ičeze tatan nimen, ei johtuta hüväl sanal mamad. | 11Есть род, который проклинает отца своего и не благословляет матери своей. |
| 12 Om rod, mitte lugeb ičtaze puhthaks, no ei peznus ičeze reduspäi. | 12Есть род, который чист в глазах своих, тогда как не омыт от нечистот своих. |
| 13 Om rod, mitte kacub toižihe ülähänpäi, libutab ičeze ripsuid korktale. | 13Есть род–о, как высокомерны глаза его, и как подняты ресницы его! |
| 14 Om rod, miččel hambhad oma kuti sured veičed, a leuglud kuti raudad, miše veda kadogehe gollid man pälpäi, vähävägižid rahvahan keskespäi. | 14Есть род, у которого зубы–мечи, и челюсти–ножи, чтобы пожирать бедных на земле и нищих между людьми. |
| 15 Täutmatomudel om kaks՚ tütärt: «Anda, anda!» Koume om kaiken aigan täutmatomad, nel՚l՚ mugošt, kudambad ei sanugoi: «Täudub!»: | 15У ненасытимости две дочери: `давай, давай!' Вот три ненасытимых, и четыре, которые не скажут: `довольно!' |
| 16 toine mir, plodutoi koht, ma, mitte ei täutte vedel, da lämoi, mitte ei sanu: «Täudub!» | 16Преисподняя и утроба бесплодная, земля, которая не насыщается водою, и огонь, который не говорит: `довольно!' |
| 17 Sil՚män, mitte nagrab tatad da ei kundle mamad, kokiba varišad, söba suren habukan poigad. | 17Глаз, насмехающийся над отцом и пренебрегающий покорностью к матери, выклюют вороны дольные, и сожрут птенцы орлиные! |
| 18 Koume om, midä minä en el՚genda, nel՚l՚, midä minä en voi ozaita: | 18Три вещи непостижимы для меня, и четырех я не понимаю: |
| 19 Suren habukan lendand taivhas, madon ujund kal՚l՚ol, laivan matk merel da prihan kävelend neiččennoks. | 19пути орла на небе, пути змея на скале, пути корабля среди моря и пути мужчины к девице. |
| 20 Mugoine elo om vedelijal akal: söi, pühki sun, da sanui: «En minä pahad nimidä tegend». | 20Таков путь и жены прелюбодейной; поела и обтерла рот свой, и говорит: `я ничего худого не сделала'. |
| 21 Koume om, kenespäi säraidab ma, nel՚l՚ – keda ma ei voi kantta: | 21От трех трясется земля, четырех она не может носить: |
| 22 orjad, konz hän tegihe kunigahaks, meletont, konz hän söb leibäd külläks, | 22раба, когда он делается царем; глупого, когда он досыта ест хлеб; |
| 23 huigenzoittud akad, konz hän lähteb mehele, da našt-käskabunikad, konz hän ištuse emägan sijale. | 23позорную женщину, когда она выходит замуж, и служанку, когда она занимает место госпожи своей. |
| 24 Tägä, mal om nel՚l՚ pen՚t, no hö oma melevamb melekahid: | 24Вот четыре малых на земле, но они мудрее мудрых: |
| 25 murahaižed ei olgoi vägevad, no kezal iče keradaba sömäd tal՚veks. | 25муравьи–народ не сильный, но летом заготовляют пищу свою; |
| 26 Mägihired oma pened, no iče tegeba ičeze pezad kal՚l՚oihe. | 26горные мыши–народ слабый, но ставят домы свои на скале; |
| 27 Koskhaižil ei ole kunigast, no kaik ned sirdäsoiš ani ühtes. | 27у саранчи нет царя, но выступает вся она стройно; |
| 28 Hämähauk lapaižil pidäse, no eläb kunigahan pertištos. | 28паук лапками цепляется, но бывает в царских чертогах. |
| 29 Koume om, kudambil om kapos hibj, nel՚l՚ – kudambil om kebn astund: | 29Вот трое имеют стройную походку, и четверо стройно выступают: |
| 30 lev, kaikid živatoid rohktemb, se ei sirtte nikenen edehe, | 30лев, силач между зверями, не посторонится ни перед кем; |
| 31 hebo, kozl, [stadas ezmäine,] da kunigaz ičeze rahvahan keskes. | 31конь и козел, и царь среди народа своего. |
| 32 Ku sinä, pidädes ičtaze korktas, tegid meletomuden da tegid pahan, ka pane käzi sun päle, | 32Если ты в заносчивости своей сделал глупость и помыслил злое, то положи руку на уста; |
| 33 sikš ku kut kandatez pekstes tegese voikš, kut iškend tob vert nenaha, muga vihan libund tob ridad. | 33потому что, как сбивание молока производит масло, толчок в нос производит кровь, так и возбуждение гнева производит ссору. |
Глава 30