Выбрать язык
Книги Ветхого Завета
Книги Нового Завета
без русского текстаSOLOMONAN | ПРИТЧИ |
Глава 28 | Глава 28 |
| 1 Jumalatoi pageneb, hot՚ niken ei kükse händast, a oiged om rohked kuti lev. | 1Нечестивый бежит, когда никто не гонится за ним; а праведник смел, как лев. |
| 2 Konz ma ei püžu zakonoiš, ka siš om äi pämehid, a el՚gendajan i tedajan mehen ma om pit՚kigäine. | 2Когда страна отступит от закона, тогда много в ней начальников; а при разумном и знающем муже она долговечна. |
| 3 Gol՚l՚, kudamb ahtištab gollid, om kuti valeg, mitte travib leibän. | 3Человек бедный и притесняющий слабых то же, что проливной дождь, смывающий хлеб. |
| 4 Ken hül՚gäidab zakonoid, se kitäb jumalatomid, a ken püžub zakonoiš, se vastustab heid. | 4Отступники от закона хвалят нечестивых, а соблюдающие закон негодуют на них. |
| 5 Pahad mehed ei el՚gendagoi oiktoid, a ken ecib Ižandad, se el՚gendab kaiken. | 5Злые люди не разумеют справедливости, а ищущие Господа разумеют всё. |
| 6 Paremb om olda gol՚l՚an da eläda oiktad elod, mi bohatan koverzoitta ičeze teid. | 6Лучше бедный, ходящий в своей непорочности, нежели тот, кто извращает пути свои, хотя он и богат. |
| 7 Poig, kudamb püžub zakonas, om melev, a se, ken om ühtes mänetajidenke, se huigenzoitab ičeze tatad. | 7Хранящий закон–сын разумный, а знающийся с расточителями срамит отца своего. |
| 8 Ken surendab ičeze bohatust procentoil da maksuiden libundal, ka se keradab kodielod toižile, ked abutaba gollile. | 8Умножающий имение свое ростом и лихвою соберет его для благотворителя бедных. |
| 9 Ken kändab ičeze korvan zakonaspäi, sen loičend-ki om vastmel՚he Ižandale. | 9Кто отклоняет ухо свое от слушания закона, того и молитва–мерзость. |
| 10 Ken vedäb pahale tele oiktoid, se iče lankteb ičeze haudha, a oiktad saba hüväd. | 10Совращающий праведных на путь зла сам упадет в свою яму, а непорочные наследуют добро. |
| 11 Bohat om melev ičeze sil՚miš, no melev gol՚l՚ mez՚ tedab, mitte hän om. | 11Человек богатый–мудрец в глазах своих, но умный бедняк обличит его. |
| 12 Konz tozioiktad praznuičeba, toižed-ki oma hüviš meliš, no konz libuba jumalatomad, toižed peitäsoiš. | 12Когда торжествуют праведники, великая слава, но когда возвышаются нечестивые, люди укрываются. |
| 13 Ken peitäb ičeze pahoid radoid, sil ei ole satusid, a ken avaidab ned da tacib pahad radod, sidä päzutadas. | 13Скрывающий свои преступления не будет иметь успеха; а кто сознается и оставляет их, тот будет помилован. |
| 14 Ozakaz om se, ken muštab Jumalad kaiken, a kenen südäin kovettub, se putub pahaze. | 14Блажен человек, который всегда пребывает в благоговении; а кто ожесточает сердце свое, тот попадет в беду. |
| 15 Kuti äraidai lev, kuti näl՚ghine kondi, mugoine om jumalatoi valdmez՚ gol՚l՚ad rahvast vaste. | 15Как рыкающий лев и голодный медведь, так нечестивый властелин над бедным народом. |
| 16 Vähämeline valdanpidäi ahtištab äjal ičeze rahvast, a ken ei navedi värad ližad, eläb. | 16Неразумный правитель много делает притеснений, а ненавидящий корысть продолжит дни. |
| 17 Ken valoi verhan vert, sille putub olda pagos surmhasai, miše niken ei tabadaiži händast. | 17Человек, виновный в пролитии человеческой крови, будет бегать до могилы, чтобы кто не схватил его. |
| 18 Ken käveleb oiktoid teidme, se püžub tervhen, a ken ecib värid teid, se lankteb ühtel niišpäi. | 18Кто ходит непорочно, то будет невредим; а ходящий кривыми путями упадет на одном из них. |
| 19 Ken pöudol radab, se püžub leibäs, a ken ei kehta rata, nägištab näl՚gäd. | 19Кто возделывает землю свою, тот будет насыщаться хлебом, а кто подражает праздным, тот насытится нищетою. |
| 20 Uskoline sab äi armoid, a ken rigehtib bohattuda, sidä opetas kovas. | 20Верный человек богат благословениями, а кто спешит разбогатеть, тот не останется ненаказанным. |
| 21 Ei pida olda nimiččel polel, ika leibsupalan täht-ki voib kelastada. | 21Быть лицеприятным–нехорошо: такой человек и за кусок хлеба сделает неправду. |
| 22 Kadeh mez՚ rigehtib sada bohatust, vaiše ei teda, miše hänen taga astub gol՚l՚uz՚. | 22Спешит к богатству завистливый человек, и не думает, что нищета постигнет его. |
| 23 Ohjanda sanal tošt, i hän kitäb sindai jäl՚ges enamban mi sidä, ken kelel hüviteli sindai äjan. | 23Обличающий человека найдет после большую приязнь, нежели тот, кто льстит языком. |
| 24 Ken vargastab ičeze tatal da mamal da ei luge sidä grähkäks, se om razbainikoiden kogospäi. | 24Кто обкрадывает отца своего и мать свою и говорит: `это не грех', тот–сообщник грабителям. |
| 25 Surendelii ecib ridad, a Ižandaha uskoi löudab hüvüt. | 25Надменный разжигает ссору, а надеющийся на Господа будет благоденствовать. |
| 26 Meletoi om se, ken uskob vaiše ičeleze, a kenel om mel՚t, se eläb. | 26Кто надеется на себя, тот глуп; а кто ходит в мудрости, тот будет цел. |
| 27 Ken andab gollile, se ei gollištu, a ken peitäb gollišpäi sil՚mäd, sidä prokl՚anidas. | 27Дающий нищему не обеднеет; а кто закрывает глаза свои от него, на том много проклятий. |
| 28 Konz libuba jumalatomad, siloi rahvaz peitäse, a konz hö kadoba, siloi tozioiktoiden mär kazvab. | 28Когда возвышаются нечестивые, люди укрываются, а когда они падают, умножаются праведники. |
Глава 28