Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
88 Psalm | Глава 88 |
| 1Ezrahiläižen Efaman openduz. | 1Учение Ефама Езрахита. |
| 2Minä pajataškan igän sinun armoiš, Sur’ Sünduižem. Pol’vespäi pol’vehe saneleškan, mitte uskoline oled. | 2Милости Твои, Господи, буду петь вечно, в род и род возвещать истину Твою устами моими. |
| 3Minä sanun: igähine om sinun hüvüz’, sinun uskoližuz’ om vahv kuti taivhad. Sinä sanuid: | 3Ибо говорю: навек основана милость, на небесах утвердил Ты истину Твою, когда сказал: |
| 4«Minä tegin kožmusen minun valitud mehenke. Minä andoin Davidale, minun käskabunikale, vahvan sanan: | 4`Я поставил завет с избранным Моим, клялся Давиду, рабу Моему: |
| 5Minä andan sinun rodule jatkuda igän, sinun valdištim püžuškab pol’vespäi pol’vehe». | 5навек утвержу семя твое, в род и род устрою престол твой'. |
| 6Sur’ Sünduižem, taivhad ülenzoitaba sinun čudtegoid, pühiden službas kitäškatas sinun oiktad mel’t. | 6И небеса прославят чудные дела Твои, Господи, и истину Твою в собрании святых. |
| 7Kenak taivhas om Ižandan pojav, ken jumaloiden keskes om hänen vuitte? | 7Ибо кто на небесах сравнится с Господом? кто между сынами Божиими уподобится Господу? |
| 8Pöl’gästoitai om Jumal taivhan pühiden keskes, händast varaidaba kaik ümbriolijad. | 8Страшен Бог в великом сонме святых, страшен Он для всех окружающих Его. |
| 9Sur’ Sünduižem, vägiden Jumal! Ken om vägel sinun pojav, Sur’ Sünduižem? Uskoližuz’ ümbärdab sindai. | 9Господи, Боже сил! кто силен, как Ты, Господи? И истина Твоя окрест Тебя. |
| 10Sinä ižandoičed meren torokad, konz libuba sured aldod, sinä tüništoitad niid. | 10Ты владычествуешь над яростью моря: когда воздымаются волны его, Ты укрощаешь их. |
| 11Sinä iškid Raavan, hän oli kuti kolnu, vägeval kädel küksid vihanikoid. | 11Ты низложил Раава, как пораженного; крепкою мышцею Твоею рассеял врагов Твоих. |
| 12Sinun oma taivhad, sinun om ma, sinä oled tehnu mirun i kaiken, midä siš om. | 12Твои небеса и Твоя земля; вселенную и что наполняет ее, Ты основал. |
| 13Sinä tegid pohjoižen i suven, sinun nimed kitäba Favoran da Jermonan mäged. | 13Север и юг Ты сотворил; Фавор и Ермон о имени Твоем радуются. |
| 14Sinun käzivarz’ om vahv, sinun käzi om vägekaz, oiged käzi om libutadud. | 14Крепка мышца Твоя, сильна рука Твоя, высока десница Твоя! |
| 15Oiged mel’ da oiged sud oma sinun valdištmen alandused, armod da uskoližuz’ astuba sinun edes. | 15Правосудие и правота–основание престола Твоего; милость и истина предходят пред лицем Твоим. |
| 16Ozakaz om se rahvaz, kudamb mahtab ihastuda. Nece rahvaz eläb sinun sil’miš, Sur’ Sünduižem. | 16Блажен народ, знающий трубный зов! Они ходят во свете лица Твоего, Господи, |
| 17Sinä oled joga päivän heiden ihastusen purde, sinun tozioiktuz’ libutab necidä rahvast. | 17о имени Твоем радуются весь день и правдою Твоею возносятся, |
| 18Sinä oled heiden vägi da korged arv, sinun hüvüz’ ližadab heile rohktut. | 18ибо Ты украшение силы их, и благоволением Твоим возвышается рог наш. |
| 19Ižand om meiden rindraud, Izrail’an Pühä – meiden kunigaz. | 19От Господа–щит наш, и от Святаго Израилева–царь наш. |
| 20Kerdan nägudeses sinä sanuid ičeiž pühile: «Minä abutin rohktale, libutin rahvazkogospäi ičein valitud. | 20Некогда говорил Ты в видении святому Твоему, и сказал: `Я оказал помощь мужественному, вознес избранного из народа. |
| 21Minä löuzin Davidan, minun käskabunikan, voidin händast ičein pühäl voil. | 21Я обрел Давида, раба Моего, святым елеем Моим помазал его. |
| 22Minun käzi vahvendab händast, minun vägi om hänen täht tugi. | 22Рука Моя пребудет с ним, и мышца Моя укрепит его. |
| 23Vihanik ei vägesta händast, zakonanmurendai ei händast paina. | 23Враг не превозможет его, и сын беззакония не притеснит его. |
| 24Minä ven kadogehe hänen vihanikad, ken ei navedi händast, panen mantazale. | 24Сокрушу пред ним врагов его и поражу ненавидящих его. |
| 25Minun uskoližuz’ i armastuz oma hänenke, minun nimen abul hän linneb vägev i sur’. | 25И истина Моя и милость Моя с ним, и Моим именем возвысится рог его. |
| 26Hänen käzi ulotub merhesai, hänen oiged käzi Jefrat-jogehesai. | 26И положу на море руку его, и на реки–десницу его. |
| 27Hän kucuškab mindai: «Sinä oled minun tatain, minun Jumal, minun päzutandan kal’l’». | 27Он будет звать Меня: Ты отец мой, Бог мой и твердыня спасения моего. |
| 28Minä tegen händast minun ezipoigaks, korktemba kaikid man kunigahid. | 28И Я сделаю его первенцем, превыше царей земли, |
| 29Minun armod hänehe oma igähižed, minun kožmuz hänenke om vahv. | 29вовек сохраню ему милость Мою, и завет Мой с ним будет верен. |
| 30Minä andan hänen rodule jatkuda igän, hänen valdištim püžub sihesai, kuni oma taivhad. | 30И продолжу вовек семя его, и престол его–как дни неба. |
| 31A ku hänen poigad hül’gäidaba minun zakonan, ei kundleškakoi minun sanoid, | 31Если сыновья его оставят закон Мой и не будут ходить по заповедям Моим; |
| 32ku hö murendaba minun käsköd, ei tehkoi minun nevondan mödhe, | 32если нарушат уставы Мои и повелений Моих не сохранят: |
| 33ka minä opendan heid grähkiš palikol, lön heid heiden väriš tegoiš. | 33посещу жезлом беззаконие их, и ударами–неправду их; |
| 34No Davidalpäi en anasta minun armoid, en vajehta minun uskolišt sanad. | 34милости же Моей не отниму от него, и не изменю истины Моей. |
| 35Minä en murenda ičein kožmust, en vajehta sidä, midä olen toivotanu. | 35Не нарушу завета Моего, и не переменю того, что вышло из уст Моих. |
| 36Kerdan minä andoin sanan minun pühäs nimes. Kelastan-ik Davidale? | 36Однажды Я поклялся святостью Моею: солгу ли Давиду? |
| 37Hänen rod püžuškab igän, hänen valdištim om minun edes, kuni om päiväine. | 37Семя его пребудет вечно, и престол его, как солнце, предо Мною, |
| 38Se püžuškab igän kuti kudmaine. Taivhas om todesine todištai». | 38вовек будет тверд, как луна, и верный свидетель на небесах'. |
| 39Üks’kaik sinä käreganzid ičeiž Voideltud päle, hül’gäižid da jätid händast. | 39Но ныне Ты отринул и презрел, прогневался на помазанника Твоего; |
| 40Sinä murenzid kožmusen, miččen tegid ičeiž käskabunikanke, lükäižid maha hänen kunigahan vencan. | 40пренебрег завет с рабом Твоим, поверг на землю венец его; |
| 41Sinä murenzid kaik hänen kiviseinäd, panid mantazale kaik vahvištoittud eländsijad, kuna rahvaz voib peittas vihanikoišpäi. | 41разрушил все ограды его, превратил в развалины крепости его. |
| 42Nügüd’ kaik siričimänijad röstaba händast, hän tegihe rindaleläjiden nagranzoituseks. | 42Расхищают его все проходящие путем; он сделался посмешищем у соседей своих. |
| 43Sinä andoid hänen vihanikoile libutada käden hänen päle, ihastoitid kaikid hänen vihankandajid. | 43Ты возвысил десницу противников его, обрадовал всех врагов его; |
| 44Sinä kändid hänen suren veičen teran händast vaste, ed abutand hänele torapöudol. | 44Ты обратил назад острие меча его и не укрепил его на брани; |
| 45Sinä anastid hänel hänen hoštotesen, hänen valdištimen lükäižid maha. | 45отнял у него блеск и престол его поверг на землю; |
| 46Sinä lühenzid hänen nored päiväd, katoid händast huiktal. | 46сократил дни юности его и покрыл его стыдом. |
| 47Sur’ Sünduižem, hätken-ik oled peitos, hätken-ik palaškab sinun vihan lämoi? | 47Доколе, Господи, будешь скрываться непрестанно, будет пылать ярость Твоя, как огонь? |
| 48Mušta, mitte lühüd om minun igä. Jose vaiše kobun täht oled tehnu kaik mehen lapsed? | 48Вспомни, какой мой век: на какую суету сотворил Ты всех сынов человеческих? |
| 49Om-ik mehiden keskes mugoine, ken eläiži i ei koliži, ken ei putuiži surman valdkundha? | 49Кто из людей жил–и не видел смерти, избавил душу свою от руки преисподней? |
| 50Sur’ Sünduižem, kus oma sinun enččed armod? Ved’ sinä andoid sanan Davidale, vahvištoittud sanan. | 50Где прежние милости Твои, Господи? Ты клялся Давиду истиною Твоею. |
| 51Mušta, Sur’ Sünduižem, kut sinun käskabunikoid huigenzoittas, kut äjan tuleb tirpta südäimes mokid vägeviš rahvahišpäi. | 51Вспомни, Господи, поругание рабов Твоих, которое я ношу в недре моем от всех сильных народов; |
| 52Kacu, Sur’ Sünduižem, kut nagraba sinun vihanikad, kut nagranzoitaba sinun voideltud mehen ozad. | 52как поносят враги Твои, Господи, как бесславят следы помазанника Твоего. |
| 53Olgha kittud Ižand igän! Amin’, amin’! | 53Благословен Господь вовек! Аминь, аминь. |
Глава 88