Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
77 Psalm | Глава 77 |
| Asafan openduz. | Учение Асафа. |
| 1Kundelkat, minun rahvaz, midä opendan, kundelkat minun openduzsanad tarkašti. | 1Внимай, народ мой, закону моему, приклоните ухо ваше к словам уст моих. |
| 2Minä tahtoin sanuda teile melevid sanoid, sanun amuižid ozoitesid, | 2Открою уста мои в притче и произнесу гадания из древности. |
| 3miččid mö kulim da tedištim, miččid meiden tatad meile starinoičiba. | 3Что слышали мы и узнали, и отцы наши рассказали нам, |
| 4Mö em peitkoi niid heiden lapsišpäi, i sanum tulijoile pol’vile Ižandas da hänen väges i hänen tegoiš da čudoiš, miččid hän om tehnu. | 4не скроем от детей их, возвещая роду грядущему славу Господа, и силу Его, и чудеса Его, которые Он сотворил. |
| 5Hän märiči Jakovale käsköd, andoi Izrail’ale zakonad, käski meiden tatoid opeta ičeze lapsid, | 5Он постановил устав в Иакове и положил закон в Израиле, который заповедал отцам нашим возвещать детям их, |
| 6miše tulii pol’v tedaiži ned i miše tulijad lapsed saneližiba ned ičeze lapsile. | 6чтобы знал грядущий род, дети, которые родятся, и чтобы они в свое время возвещали своим детям, – |
| 7Heile tarbiž panda Jumalaha ičeze toivod, pidäda meles hänen tegod, eläda hänen käsköiden mödhe, | 7возлагать надежду свою на Бога и не забывать дел Божиих, и хранить заповеди Его, |
| 8a ei olda tatoiden karthikš, sanankundlematomikš da vastkarižikš, mel’t vajehtajikš, mugoižikš, ked ei püžugoi Jumalan uskondas. | 8и не быть подобными отцам их, роду упорному и мятежному, неустроенному сердцем и неверному Богу духом своим. |
| 9Efremalaižed, taugad da noled kädes, pästiba pagod torapäiväl. | 9Сыны Ефремовы, вооруженные, стреляющие из луков, обратились назад в день брани: |
| 10Hö ei püžunugoi Jumalan kožmuses, ei tahtoinugoi eläda hänen zakonan mödhe. | 10они не сохранили завета Божия и отреклись ходить в законе Его; |
| 11Hö unohtiba hänen tegod da čudod, miččid hän tegi heiden edes. | 11забыли дела Его и чудеса, которые Он явил им. |
| 12Jegiptan mas, Coanan pöudol, hän tegi tatoiden edes čudoid. | 12Он пред глазами отцов их сотворил чудеса в земле Египетской, на поле Цоан: |
| 13Hän jagoi meren kahthe, i vedi heid mert poikpoli pandes veded seinikš. | 13разделил море, и провел их чрез него, и поставил воды стеною; |
| 14Päiväl hän ohjanzi heid pil’vel, a kogonaižen ön lämoin abul. | 14и днем вел их облаком, а во всю ночь светом огня; |
| 15Hän haugaiži kal’l’on tühjas mas da joti heid vedel külläks kuti pohjatomiš süvüzišpäi. | 15рассек камень в пустыне и напоил их, как из великой бездны; |
| 16Hän avaiži vezisirdändan kal’l’os, i vezi jokseškanzi kuti jogi. | 16из скалы извел потоки, и воды потекли, как реки. |
| 17No hö jatksiba tehmaha grähkid hänen edes, käregoitmaha Ülähäšt tühjas mas. | 17Но они продолжали грешить пред Ним и раздражать Всевышнего в пустыне: |
| 18Hö tetes kodviba Jumalad ičeze südäimes pakiten sömäd ičeze himon mödhe. | 18искушали Бога в сердце своем, требуя пищи по душе своей, |
| 19Hö pagižiba Jumalad vaste: «Jose Jumal voib tehta longin tühjas mas?» | 19и говорили против Бога и сказали: `может ли Бог приготовить трапезу в пустыне?' |
| 20Hän iški kal’l’oho, i vodaškanzi vezi, zavodiba joksta joged. «Jose hän voib antta leibäd-ki da sada lihad ičeze rahvahale?» | 20Вот, Он ударил в камень, и потекли воды, и полились ручьи. `Может ли Он дать и хлеб, может ли приготовлять мясо народу Своему?' |
| 21Ižand kulišti sen i palaškanzi vihas: lämoi süttui Jakovan eländsijas. Hänen viha iški Izrail’an rahvahaze, | 21Господь услышал и воспламенился гневом, и огонь возгорелся на Иакова, и гнев подвигнулся на Израиля |
| 22sikš ku hö ei usknugoi Jumalaha, ei vauvatanugoi hänen abuhu. | 22за то, что не веровали в Бога и не уповали на спасение Его. |
| 23Sid’ hän andoi käskön pil’vile korktusiš i avaiži taivhan uksed, | 23Он повелел облакам свыше и отверз двери неба, |
| 24i mannad vihmuškanzi heile sömäks, hän andoi heile taivhan leibäd. | 24и одождил на них манну в пищу, и хлеб небесный дал им. |
| 25Rahvaz söiba angeloiden leibäd, Ižand andoi heile külläks sömäd. | 25Хлеб ангельский ел человек; послал Он им пищу до сытости. |
| 26Hän käski päivnouzman tulleid tulda taivhaspäi i ičeze vägel libuti suvitullein. | 26Он возбудил на небе восточный ветер и навел южный силою Своею |
| 27Kuti pölüd vihmui heiden päle lihad, taivhan linduid kuti meričuruid. | 27и, как пыль, одождил на них мясо и, как песок морской, птиц пернатых: |
| 28Hän sordi kaiken necen heiden eländsijaha i eländsijas ümbri, | 28поверг их среди стана их, около жилищ их, – |
| 29i hö söiba külläks. Hän andoi heile sidä, midä hö tahtoiba. | 29и они ели и пресытились; и желаемое ими дал им. |
| 30A heiden himod ei lopnugoiš sihe. Heil oli völ sömäd sus, | 30Но еще не прошла прихоть их, еще пища была в устах их, |
| 31konz Jumalan viha tuli heiden päle. Hän rikoi äjid heiden vägekahiš mehišpäi, surmiči Izrail’an prihad. | 31гнев Божий пришел на них, убил тучных их и юношей Израилевых низложил. |
| 32No nägištades necen-ki hö jatksiba tehmaha grähkid, ei usknugoi hänen čudoihe. | 32При всем этом они продолжали грешить и не верили чудесам Его. |
| 33Sikš hän lopi heiden päiväd kobus, heiden voded – varaidusiš. | 33И погубил дни их в суете и лета их в смятении. |
| 34No ku hän zavodi rikta heid, ka hö küzeliba hänen mel’t, kärautes hänehe eciba Jumalad. | 34Когда Он убивал их, они искали Его и обращались, и с раннего утра прибегали к Богу, |
| 35Hö johtutiba, miše Jumal om heiden kaičend, i Ülähäine Jumal om heiden päzutai. | 35и вспоминали, что Бог–их прибежище, и Бог Всевышний–Избавитель их, |
| 36No heiden sanad oliba libedkeližed, heiden kelespäi tuli vaiše kelastust. | 36и льстили Ему устами своими и языком своим лгали пред Ним; |
| 37Heiden südäin ei olend oiged hänen edes, i hö ei püžunugoi hänen kožmuses. | 37сердце же их было неправо пред Ним, и они не были верны завету Его. |
| 38No Jumal om hüvätabaine, hän pästi heiden grähkäd, ei surmičend heid. Äi kerdoid hän tüništoiti ičeze vihan, ei andand tabale valdad. | 38Но Он, Милостивый, прощал грех и не истреблял их, многократно отвращал гнев Свой и не возбуждал всей ярости Своей: |
| 39Hän mušti, miše hö oma vaiše rahvast, vaiše tullein hengähtuz, mitte lähteb i ei pörte. | 39Он помнил, что они плоть, дыхание, которое уходит и не возвращается. |
| 40Äi kerdoid hö libuiba händast vaste letemas, pahidoitiba händast tühjas mas. | 40Сколько раз они раздражали Его в пустыне и прогневляли Его в стране необитаемой! |
| 41I hö kodviba edemba-ki hänen tirpandad, käregzoitiba Izrail’an Pühäd. | 41и снова искушали Бога и оскорбляли Святаго Израилева, |
| 42Hö ei muštnugoi hänen vägevad kät i sidä päiväd, konz hän päzuti heid gor’aspäi, | 42не помнили руки Его, дня, когда Он избавил их от угнетения, |
| 43konz hän tegi tundmuztegoid Egiptas, da čudoid Coanan pöudol. | 43когда сотворил в Египте знамения Свои и чудеса Свои на поле Цоан; |
| 44Hän vajehti vereks kaik joged i ojad, miše hö ei voižigoi joda. | 44и превратил реки их и потоки их в кровь, чтобы они не могли пить; |
| 45Hän oigenzi egiptalaižiden päle parmoid, miše ned purnuižiba heid, samboid, kudambad travinuižiba heil kaiken. | 45послал на них насекомых, чтобы жалили их, и жаб, чтобы губили их; |
| 46Hän andoi heiden pöudoiden villän sömäks madoižile, a heiden radon satused – sarančale. | 46земные произрастения их отдал гусенице и труд их–саранче; |
| 47Hän löi ragehil heiden vinpud, a smokvanpud travi jäl. | 47виноград их побил градом и сикоморы их–льдом; |
| 48Heiden kodiživatoihe hän pani ragišt, a živatkogoihe – samalduziškendoid. | 48скот их предал граду и стада их–молниям; |
| 49Hän oigenzi heiden päle ičeze vihan lämoin, käregandusen, rändüsen, ahtištusen, surmanangeloiden suren kogon. | 49послал на них пламень гнева Своего, и негодование, и ярость и бедствие, посольство злых ангелов; |
| 50Hän avaiži ten ičeze vihale, hän ei kaičend heiden henged surmaspäi, kodiživatoiden päle oigenzi surmaližen paižekibun. | 50уравнял стезю гневу Своему, не охранял души их от смерти, и скот их предал моровой язве; |
| 51Hän rikoi kaik ezipoigad Egiptas, ezmäižin sündunuzid Haman eländsijoiš. | 51поразил всякого первенца в Египте, начатки сил в шатрах Хамовых; |
| 52No ičeze rahvast hän vedi kuti lambhid, ohjanzi heid kuti lambazkogod tühjas mas. | 52и повел народ Свой, как овец, и вел их, как стадо, пустынею; |
| 53Hänenke hö oliba kaičendan al, ei varaidanugoi nimidä. A heiden vihanikad katoi meri. | 53вел их безопасно, и они не страшились, а врагов их покрыло море; |
| 54Hän toi heid ičeze pühäle eländsijale, mägele, miččen oli vägestanu ičeze vägeval kädel. | 54и привел их в область святую Свою, на гору сию, которую стяжала десница Его; |
| 55Hän küksi verhad rahvahad heiden tespäi i heiden man andoi ižandoitta izrail’aižile. Hän pani Izrail’an rahvast elämäha jättud kangazpertihe. | 55прогнал от лица их народы и землю их разделил в наследие им, и колена Израилевы поселил в шатрах их. |
| 56No hö völ-ki libuiba Ülähäšt Jumalad vaste, kodviba hänen tirpandad. Hö ei püžunugoi hänen käsköiš, | 56Но они еще искушали и огорчали Бога Всевышнего, и уставов Его не сохраняли; |
| 57a kärauzihe ičeze teile, ei pidänugoiš sanas, kut heiden tatad-ki, pördihe i tegihe kožumatomikš, kuti väl’dünu jände. | 57отступали и изменяли, как отцы их, обращались назад, как неверный лук; |
| 58Hö käregzoitiba händast todes žertvoid mägil, i libutiba vihal verhiden jumaloiden znamkivil. | 58огорчали Его высотами своими и истуканами своими возбуждали ревность Его. |
| 59Kulištades neciš Jumalan viha süttui, hän hül’gäiži Izrail’an kogonaze. | 59Услышал Бог и воспламенился гневом и сильно вознегодовал на Израиля; |
| 60Hän hül’gäiži ičeze eländsijan Silomas, pertin, miččes eli mehiden keskes. | 60отринул жилище в Силоме, скинию, в которой обитал Он между человеками; |
| 61Hän andoi vihanikoile otta vägen liphan, ičeze valdan arvznaman. | 61и отдал в плен крепость Свою и славу Свою в руки врага, |
| 62Ičeze rahvahan hän andoi suriden veičiden sal’heks, muga lujas hän käreganzi heiden päle. | 62и предал мечу народ Свой и прогневался на наследие Свое. |
| 63Hänen prihoid söi lämoi, hänen neiččed ei pajatanugoi saipajoid. | 63Юношей его поедал огонь, и девицам его не пели брачных песен; |
| 64Hänen papid lanksiba suriš veičišpäi, a leskiakad ei voinugoi voikta siš. | 64священники его падали от меча, и вдовы его не плакали. |
| 65No Jumal heraštui, kut heraštudas unespäi, kut heraštub vinad jonus vahv mez’. | 65Но, как бы от сна, воспрянул Господь, как бы исполин, побежденный вином, |
| 66Hän iški vihanikoid tagamalpäi i vei heid igähižehe huiktaha. | 66и поразил врагов его в тыл, вечному сраму предал их; |
| 67Ižand hül’gäiži Josifan eländsijan, Efreman heimod ei valičend, | 67и отверг шатер Иосифов и колена Ефремова не избрал, |
| 68a valiči Judan heimon da Sionan mägen, mittušt navedi. | 68а избрал колено Иудино, гору Сион, которую возлюбил. |
| 69Sinna hän lendi ičeze pühäkodin, taivhan korktutte, man vahvutte, man, miččen vahvenzoiti hän kaikeks igäks. | 69И устроил, как небо, святилище Свое и, как землю, утвердил его навек, |
| 70Hän valiči Davidan, ičeze käskabunikan, oti händast lambhid paimendamaspäi, | 70и избрал Давида, раба Своего, и взял его от дворов овчих |
| 71imetajid lambhid paimendamaspäi, pani paimendamha ičeze rahvast, Jakovad, ižandoitmaha ičeze mad, Izrail’ad. | 71и от доящих привел его пасти народ Свой, Иакова, и наследие Свое, Израиля. |
| 72I David paimenzi heid puhthal hengel, ohjanzi heid melevašti. | 72И он пас их в чистоте сердца своего и руками мудрыми водил их. |
Глава 77