Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
70 Psalm | Глава 70 |
| 1Sinuhu, Sur’ Sünduižem, minä vauvatan, ala anda putta huiktaha minei nikonz. | 1На Тебя, Господи, уповаю, да не постыжусь вовек. |
| 2Sinun tozioiktudes päzuta mindai, pästa valdale, kända ičeiž korv minuhu i abuta minei. | 2По правде Твоей избавь меня и освободи меня; приклони ухо Твое ко мне и спаси меня. |
| 3Ole minei kaičendkal’l’on, kuna voižin peittas. Sinä, ken toivotid mindai päzutada, sinä oled minun vahv i varmed eländsija. | 3Будь мне твердым прибежищем, куда я всегда мог бы укрываться; Ты заповедал спасти меня, ибо твердыня моя и крепость моя–Ты. |
| 4Minun Jumal, päzuta mindai jumalatoman kädespäi, zakonanmurendajan da ahtištajan kobraspäi. | 4Боже мой! избавь меня из руки нечестивого, из руки беззаконника и притеснителя, |
| 5Sinä, Sur’ Sünduižem, minun Jumal, oled minun nadei, minun toiv noriš päivišpäi. | 5ибо Ты–надежда моя, Господи Боже, упование мое от юности моей. |
| 6Minun sündundaspäi sinä olid minun tugen, sinä pästid mindai maman vacaspäi, sinei pajatan kaiken ülenzoituzpajoid. | 6На Тебе утверждался я от утробы; Ты извел меня из чрева матери моей; Тебе хвала моя не престанет. |
| 7Äjiden täht minä olin kuti čudosine azj, no sinä oled minun vahv tugi. | 7Для многих я был как бы дивом, но Ты твердая моя надежда. |
| 8Sikš minun su om täuz’ kitändsanoid, miše ülenzoitta sinun eloarvod, joga päivän – sinun hoštotest. | 8Да наполнятся уста мои хвалою, чтобы воспевать всякий день великолепие Твое. |
| 9Ala hül’gäida mindai minun vanhoil päivil, ala jäta mindai, konz minun vägi väheneb. | 9Не отвергни меня во время старости; когда будет оскудевать сила моя, не оставь меня, |
| 10Minun vihanikad pagižeba mindai vaste, a minun henged tahtojad pagižeba kesknezoi | 10ибо враги мои говорят против меня, и подстерегающие душу мою советуются между собою, |
| 11sanudes: «Jumal jäti händast. Ajagat händast da tabakat, hänel ei ole päzutajad». | 11говоря: `Бог оставил его; преследуйте и схватите его, ибо нет избавляющего'. |
| 12Minun Jumal, ala edene minuspäi! Minun Jumal, rigehti minei abuhu! | 12Боже! не удаляйся от меня; Боже мой! поспеши на помощь мне. |
| 13Putkaha huiktaha da kadogaha minun vihankandajad, katkaha huiged da nagranzoituz minun ahtištajad. | 13Да постыдятся и исчезнут враждующие против души моей, да покроются стыдом и бесчестием ищущие мне зла! |
| 14A minä kaiken vauvatan sinuhu, da völ enamba kitän sindai. | 14А я всегда буду уповать на Тебя и умножать всякую хвалу Тебе. |
| 15Minä saneleškan sinun tozioiktut, joga päivän – sinun hüvid tegoid, kudambiden lugumärad minä en teda. | 15Уста мои будут возвещать правду Твою, всякий день благодеяния Твои; ибо я не знаю им числа. |
| 16Saneleškan Ižandan Jumalan suriš tegoiš, ülendan sinun oiktad mel’t, vaiše sinun. | 16Войду в размышление о силах Господа Бога; воспомяну правду Твою–единственно Твою. |
| 17Minun Jumal, sinä openzid mindai noriš päivišpäi, i nügüd’-ki minä sanelen sinun čudtegoiš. | 17Боже! Ты наставлял меня от юности моей, и доныне я возвещаю чудеса Твои. |
| 18Jumal, ala hül’gäida mindai vanhazesai, minun hahkoihe hibusihesai, kuni ehtižin sanuda kaiken sinun väges necile da tulijoile sugupol’vile. | 18И до старости, и до седины не оставь меня, Боже, доколе не возвещу силы Твоей роду сему и всем грядущим могущества Твоего. |
| 19Minun Jumal, sinun tozioiktuz’ om lujas korged, sinun radod oma sured. Minun Jumal, ken om sinun vuitte? | 19Правда Твоя, Боже, до превыспренних; великие дела соделал Ты; Боже, кто подобен Тебе? |
| 20Sinä oigenzid minei äi tuskad da ahtištust, no sid’-žo eläbzoitid mindai, said mindai man süvüdespäi. | 20Ты посылал на меня многие и лютые беды, но и опять оживлял меня и из бездн земли опять выводил меня. |
| 21Sinä libutid mindai i tüništoitid mindai, said mindai man süvüdespäi. | 21Ты возвышал меня и утешал меня. |
| 22Minä ülenzoitaškan sindai liral vätes, sinun tot, minun Jumal, pajataškan sinei arfal vätes, Izrail’an Pühä. | 22И я буду славить Тебя на псалтири, Твою истину, Боже мой; буду воспевать Тебя на гуслях, Святый Израилев! |
| 23Minun su om ihastusiš, konz pajatan sinei, ilos om minun heng, kudamban sinä oled päzutanu. | 23Радуются уста мои, когда я пою Тебе, и душа моя, которую Ты избавил; |
| 24Minun kel’ joga päivän saneleškab sinun tot. A ned, ked eciba minei pahut, om huigenzoittud da pahenzoittud. | 24и язык мой всякий день будет возвещать правду Твою, ибо постыжены и посрамлены ищущие мне зла. О Соломоне. |
Глава 70