Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
68 Psalm | Глава 68 |
| 1Horan ohjandajale. Pajatadas kut «Lilijad». Davidan psalm. | 1Начальнику хора. На Шошанниме. Псалом Давида. |
| 2Päzuta mindai, minun Jumal! Veded tuliba minun kaglhasai. | 2Спаси меня, Боже, ибо воды дошли до души моей. |
| 3Minä vajuin süvähä mudaha, jaugad ei sagoi pohjad. Minä putuin süvähä vedehe, vedenjoksend vedäb mindai. | 3Я погряз в глубоком болоте, и не на чем стать; вошел во глубину вод, и быстрое течение их увлекает меня. |
| 4Minä väzuin kidaspäi, minun kurk om kuinu, sil’miš hämärzui minun Jumalan varastades. | 4Я изнемог от вопля, засохла гортань моя, истомились глаза мои от ожидания Бога моего. |
| 5Vihanikoid, ked ei navedigoi mindai vigata, om enamb mi hibusid minun päs. Vihankandajad, ked kükseba mindai süta, tegesoiš kaiken vägevambikš. Kut minä voin antta heile sen, midä en ole anastanu? | 5Ненавидящих меня без вины больше, нежели волос на голове моей; враги мои, преследующие меня несправедливо, усилились; чего я не отнимал, то должен отдать. |
| 6Minun Jumal! Sinä tunded minun meletomuden, minun grähkäd ei olgoi peittud sinuspäi. | 6Боже! Ты знаешь безумие мое, и грехи мои не сокрыты от Тебя. |
| 7Sur’ Sünduižem, vägiden Jumal! Algha putkoi huiktaha minun tagut sinuhu vauvatajad, algha tehkoiš nagrandan azjaks sindai ecijad, Izrail’an Jumal. | 7Да не постыдятся во мне все, надеющиеся на Тебя, Господи, Боже сил. Да не посрамятся во мне ищущие Тебя, Боже Израилев, |
| 8Sinun täht minä nägen huiktad, Sinun täht minei tarbiž ruskota. | 8ибо ради Тебя несу я поношение, и бесчестием покрывают лице мое. |
| 9Minä tegimoi verhaks ičein vellile, minun maman poigad ei tuntkoi mindai. | 9Чужим стал я для братьев моих и посторонним для сынов матери моей, |
| 10Must sido sinun kodihe söb mindai, sinun päle oigetud pahad sanad lankteba minun päle. | 10ибо ревность по доме Твоем снедает меня, и злословия злословящих Тебя падают на меня; |
| 11Minä voikin da pühütin, no sen-ki tagut mindai nagretihe. | 11и плачу, постясь душею моею, и это ставят в поношение мне; |
| 12Minä sobimoi havadsobaha, no tegimoi heile nagranzoituzazjaks. | 12и возлагаю на себя вместо одежды вретище, –и делаюсь для них притчею; |
| 13Lidnan verajiš ištujad pagižeba minus, vinan jojad pajataba minus pajoid. | 13о мне толкуют сидящие у ворот, и поют в песнях пьющие вино. |
| 14No minä loičen sinei, Sur’ Sünduižem. Kožujal aigal kulišta mindai, minun Jumal, sinun hüvüdes, ved’ sinun päzutand om todesine. | 14А я с молитвою моею к Тебе, Господи; во время благоугодное, Боже, по великой благости Твоей услышь меня в истине спасения Твоего; |
| 15Heitä mindai mudaspäi, miše en uptaiži, päzuta mindai vihanikoiden käzišpäi da süväs vedespäi. | 15извлеки меня из тины, чтобы не погрязнуть мне; да избавлюсь от ненавидящих меня и от глубоких вод; |
| 16Algha vezijoksend tembaikoi mindai, algha süvüz’ laingoi mindai, algha pohjatoi bong saubakoi minun päl ičeze sud. | 16да не увлечет меня стремление вод, да не поглотит меня пучина, да не затворит надо мною пропасть зева своего. |
| 17Kulišta mindai, Sur’ Sünduižem! Ved’ sinun hüvüz’ om mugoi sur’. Kacuhta minuhu, suriden armoiden andai. | 17Услышь меня, Господи, ибо блага милость Твоя; по множеству щедрот Твоих призри на меня; |
| 18Ala peitä sil’mid ičeiž käskabunikaspäi! Minä olen gor’as, tule teramba abuhu. | 18не скрывай лица Твоего от раба Твоего, ибо я скорблю; скоро услышь меня; |
| 19Tule lähemba, päzuta minun heng, pästa mindai minun vihanikoiden käzišpäi. | 19приблизься к душе моей, избавь ее; ради врагов моих спаси меня. |
| 20Sinä tedad, kut mindai laidas, tunded minun huiktan i nagranzoitused minun päl. Kaik minun ahtištajad oma sinun edes. | 20Ты знаешь поношение мое, стыд мой и посрамление мое: враги мои все пред Тобою. |
| 21Nagranzoituz murenzi minun südänt, i minä kadotin väged. Varastin žalleičust, no sidä ei ole, tüništoitajid – no heid en löuda. | 21Поношение сокрушило сердце мое, и я изнемог, ждал сострадания, но нет его, –утешителей, но не нахожу. |
| 22Minei pandihe sapid sömähä, vezinäl’gäs jotiba mindai uksusal. | 22И дали мне в пищу желчь, и в жажде моей напоили меня уксусом. |
| 23Tehkahas nece long heile verkoks, a praznikstol ridaks. | 23Да будет трапеза их сетью им, и мирное пиршество их–западнею; |
| 24Hämärzugha heiden sil’mäd, miše ei nägižigoi, tehkahas heiden jaugad vällikš igäks. | 24да помрачатся глаза их, чтоб им не видеть, и чресла их расслабь навсегда; |
| 25Vala heiden päle sinun vihan mal’l’, sinun käraidusen lämoi sebaikaha heid. | 25излей на них ярость Твою, и пламень гнева Твоего да обымет их; |
| 26Tehkahas heiden pertid tühjikš, a heiden eländsijoiš algha elägoi niken. | 26жилище их да будет пусто, и в шатрах их да не будет живущих, |
| 27Hö kükseba sidä, keda sinä openzid kovas, ližadaba tuskad sille, keda sinä satatid. | 27ибо, кого Ты поразил, они еще преследуют, и страдания уязвленных Тобою умножают. |
| 28Ližada heile värut heiden värudehe, ala anda heile tehtas oiktoikš sinun edes. | 28Приложи беззаконие к беззаконию их, и да не войдут они в правду Твою; |
| 29Pühkkahas heiden nimed elokirjaspäi, algha ned olgoi tozioiktoiden mehiden nimiden rindal. | 29да изгладятся они из книги живых и с праведниками да не напишутся. |
| 30A minä olen gol’l’ i mokiš, kaikaha mindai sinun abu, minun Jumal. | 30А я беден и страдаю; помощь Твоя, Боже, да восставит меня. |
| 31Minä ülenzoitaškan Jumalan nimed pajoiš, kitäškan händast čomil sanoil. | 31Я буду славить имя Бога моего в песни, буду превозносить Его в славословии, |
| 32Nece linneb enamb Jumalale mel’he, mi härg, mi sarvikaz i kabjakaz häčoi. | 32и будет это благоугоднее Господу, нежели вол, нежели телец с рогами и с копытами. |
| 33Sanankundlijad nägištaba necen i ihastuba. Eläbzuba teiden südäimed, ked ecit Jumalad. | 33Увидят это страждущие и возрадуются. И оживет сердце ваше, ищущие Бога, |
| 34Jumal kuleb gollid, ei jäta nenid, ken om tactud türmha. | 34ибо Господь внемлет нищим и не пренебрегает узников Своих. |
| 35Ülenzoitkaha händast i taivhad, i ma, i mered, i kaik, mi likub niiš. | 35Да восхвалят Его небеса и земля, моря и все движущееся в них; |
| 36Jumal päzutab Sionan, libutab udes Judan lidnad. Hänen rahvaz eläškab sigä i linneb necen man ižandoin. | 36ибо спасет Бог Сион, создаст города Иудины, и поселятся там и наследуют его, |
| 37Hänen käskabunikoiden sugupol’ved saba necen man ižandoitmaha, hänen nimen navedijad eläškaba sigä. | 37и потомство рабов Его утвердится в нем, и любящие имя Его будут поселяться на нем. |
Глава 68