Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
36 Psalm | Глава 36 |
| Davidan psalm. | Псалом Давида. |
| 1Ala ole holiš pahoiden mehiden tagut, ala kadehti värantegijoid. | 1Не ревнуй злодеям, не завидуй делающим беззаконие, |
| 2Heid nittas teravas heinän kartte, hö näiduba kut vihand vil’l’. | 2ибо они, как трава, скоро будут подкошены и, как зеленеющий злак, увянут. |
| 3Vauvata Ižandaha da tege hüväd, elä ičeiž mas da püžu todes. | 3Уповай на Господа и делай добро; живи на земле и храни истину. |
| 4Pidä hüväd mel’t Ižandas, i hän andab kaiken, midä sinun südäin tahtoib. | 4Утешайся Господом, и Он исполнит желания сердца твоего. |
| 5Anda ičeiž te Ižandan kädehe i vauvata hänehe, i hän pidäb sinus hol’t. | 5Предай Господу путь твой и уповай на Него, и Он совершит, |
| 6Hän andab tulda ezile sinun todele kut päivänvauktale, sinun oiktale melele kut keskpäiväle. | 6и выведет, как свет, правду твою и справедливость твою, как полдень. |
| 7Ole hilläine Ižandan edes, varasta hänen abud. Ala kadehti nenid, kenele lanksi oza elos, ken voib manitusel sada kaiked. | 7Покорись Господу и надейся на Него. Не ревнуй успевающему в пути своем, человеку лукавствующему. |
| 8Pidä ičtaiž käziš, ala käregande, ala sido nikeda parembaha ozaha, sihesai miše tehta pahad. | 8Перестань гневаться и оставь ярость; не ревнуй до того, чтобы делать зло, |
| 9Pahantegijad putuba surmičendaha, a nene, ked vauvataba Ižandaha, saba jäl’gestuseks man. | 9ибо делающие зло истребятся, уповающие же на Господа наследуют землю. |
| 10Völ pordoine i jumalatont ei linne enamb. Kacud hänen elotahoze, a se om jo tühj. | 10Еще немного, и не станет нечестивого; посмотришь на его место, и нет его. |
| 11I kundlijaižed saba jäl’gestuseks man, hö saba ičeleze ozan i mirun. | 11А кроткие наследуют землю и насладятся множеством мира. |
| 12Jumalatoi kudob pahad tozioiktad vaste, i kirskutab hambhil hänen edes. | 12Нечестивый злоумышляет против праведника и скрежещет на него зубами своими: |
| 13A Ižand nagrab händast, hän tedab, miše tuleb maksmižen päiv. | 13Господь же посмевается над ним, ибо видит, что приходит день его. |
| 14Jumalatomad tembaidaba veičed hodraspäi, kingitaba ičeze taugad, miše surmita gollid da abutomid, miše rikta oiktad tedme astujid. | 14Нечестивые обнажают меч и натягивают лук свой, чтобы низложить бедного и нищего, чтобы пронзить идущих прямым путем: |
| 15No heiden veičed putuba-ki heiden südäimihe, a heiden taugad katkaidasoiš. | 15меч их войдет в их же сердце, и луки их сокрушатся. |
| 16Paremba se vähä, mi tozioiktal om, mi kaik jumalatomiden kal’huded. | 16Малое у праведника--лучше богатства многих нечестивых, |
| 17Jumalatomiden vägi lopiše, a tozioktoid tugedab Ižand. | 17ибо мышцы нечестивых сокрушатся, а праведников подкрепляет Господь. |
| 18Ižand pidäb hol’t vigatomiden joga päiväs, heiden jäl’gestusen pala ei kado nikonz. | 18Господь знает дни непорочных, и достояние их пребудет вовек: |
| 19Hö ei putkoi mairheze ahthal aigal, näl’gän päivil heil om külläks sömižid. | 19не будут они постыжены во время лютое и во дни голода будут сыты; |
| 20A jumalatomad koleba, Ižandan vihanikad kadoba kut omaluižen hein, hö libuba savun kartte il’maha. | 20а нечестивые погибнут, и враги Господни, как тук агнцев, исчезнут, в дыме исчезнут. |
| 21Jumalatoi otab velgha, no ei maksa, tozioiged om hüväsüdäimeline i andab. | 21Нечестивый берет взаймы и не отдает, а праведник милует и дает, |
| 22Keda Ižand blaslovib, saba jäl’gestuseks man, keda hän hül’gäidab, kadoba. | 22ибо благословенные Им наследуют землю, а проклятые Им истребятся. |
| 23Ižand pidäb hüväd mel’t oiktan mehen matkas i vahvištoitab hänen haškuid. | 23Господом утверждаются стопы такого человека, и Он благоволит к пути его: |
| 24Ku hän om lanktemas-ki, ka ei lankte maha, sikš ku Ižand pidäb händast kädes. | 24когда он будет падать, не упадет, ибо Господь поддерживает его за руку. |
| 25Minä olin nor’ i vanhtuin jo, no en nägend ni üht tozioktad, keda hän jätnuiži, vai hänen lapsed pakičenuižiba leibäd. | 25Я был молод и состарился, и не видал праведника оставленным и потомков его просящими хлеба: |
| 26Tozioiged žalleičeb kaikid i andab velgha, hänen lapsiden lapsil-ki linneb blaslovind. | 26он всякий день милует и взаймы дает, и потомство его в благословение будет. |
| 27Pagene pahaspäi i tege hüväd, ka eläškanded igän. | 27Уклоняйся от зла, и делай добро, и будешь жить вовек: |
| 28Ved’ Ižand navedib tot, hän ei jäta ičeze pühid, kaičeb heid igän. A käsköidenmurendajid surmičeb, i jumalatomiden rod kadob. | 28ибо Господь любит правду и не оставляет святых Своих; вовек сохранятся они; и потомство нечестивых истребится. |
| 29Tozioiktad saba jäl’gestuseks man i eläškandeba sigä igän. | 29Праведники наследуют землю и будут жить на ней вовек. |
| 30Tozioiktan su sanub melevut, hänen kel’ virkab tot. | 30Уста праведника изрекают премудрость, и язык его произносит правду. |
| 31Hänen südäimes oma hänen Jumalan käsköd, hänen jaugad ei säraikoi. | 31Закон Бога его в сердце у него; не поколеблются стопы его. |
| 32Jumalatoi varjoičeb tozioiktad da kacub aigad rikta händast. | 32Нечестивый подсматривает за праведником и ищет умертвить его; |
| 33No Ižand ei anda tozioiktad hänen kädehe, ei anda väritada händast sudan aigan. | 33но Господь не отдаст его в руки его и не допустит обвинить его, когда он будет судим. |
| 34Vauvata Ižandaha, püžu hänen tes, hän libutab sindai, miše sinä saižid man jäl’gestuseks. A konz jumalatomid surmičeškatas, ka sinä nägištad. | 34Уповай на Господа и держись пути Его: и Он вознесет тебя, чтобы ты наследовал землю; и когда будут истребляемы нечестивые, ты увидишь. |
| 35Minä nägin jumalatoman täudes väges, hän leveni kaikjale kuti jurdunu barbakaz pu. | 35Видел я нечестивца грозного, расширявшегося, подобно укоренившемуся многоветвистому дереву; |
| 36No hän oli dai mäni i ei ole händast, ecin händast i en löuda. | 36но он прошел, и вот нет его; ищу его и не нахожу. |
| 37Homaiče vigatont, kacu tozioiktad, hänen tulii aig om mir. | 37Наблюдай за непорочным и смотри на праведного, ибо будущность такого человека есть мир; |
| 38A käsköidenmurendajad kaik kadoba, heil ei ole tulijad aigad. | 38а беззаконники все истребятся; будущность нечестивых погибнет. |
| 39Ižandas om tozioiktoiden päzutand, hän om heiden kaičii ahthal aigal. | 39От Господа спасение праведникам, Он--защита их во время скорби; |
| 40Ižand abutab i päzutab heid, hän päzutab heid jumalatomiden käzišpäi, abutab heile, sikš ku hö vauvataba hänehe. | 40и поможет им Господь и избавит их; избавит их от нечестивых и спасет их, ибо они на Него уповают. |
Глава 36