Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
24 Psalm | Глава 24 |
| Davidan psalm. | Псалом Давида. |
| 1Sinuhu, Sur’ Sünduižem, libutan minun hengen, | 1К Тебе, Господи, возношу душу мою. |
| 2minun Jumal, sinuhu vauvatan, algha ole minei huiged nikonz, algha sagoi minun vihanikad ihastust vägestades mindai. | 2Боже мой! на Тебя уповаю, да не постыжусь, да не восторжествуют надо мною враги мои, |
| 3Heile ei linne huiged, ken nadeiše sinuhu. A sinun käsköid vaste libujad putuba huiktaha. | 3да не постыдятся и все надеющиеся на Тебя: да постыдятся беззаконнующие втуне. |
| 4Sur’ Sünduižem, ozuta minei sinun te, openda mindai kävelemha sinun tehuzidme. | 4Укажи мне, Господи, пути Твои и научи меня стезям Твоим. |
| 5Ohjanda mindai sinun toden tele, openda mindai, sikš ku sinä oled minun päzutandan Jumal! Sinuhu nadeimoi joga päivän. | 5Направь меня на истину Твою и научи меня, ибо Ты Бог спасения моего; на Тебя надеюсь всякий день. |
| 6Sur’ Sünduižem, johtuta sinun hüvüz’ da armod, ved’ ned oma kaikenigäižed. | 6Вспомни щедроты Твои, Господи, и милости Твои, ибо они от века. |
| 7Ala johtuta minun noren aigan grähkid, ala nenid pahoid tegoid. Johtuta mindai sinun armoiden täht, sinun hüvüden täht, Sur’ Sünduižem. | 7Грехов юности моей и преступлений моих не вспоминай; по милости Твоей вспомни меня Ты, ради благости Твоей, Господи! |
| 8Hüvä da oigedmeline om Ižand, hän nevob grähkižile oiktan ten. | 8Благ и праведен Господь, посему наставляет грешников на путь, |
| 9Hän ohjandab kundlijaižid todehe, opendab heid astmaha oiktad tedme. | 9направляет кротких к правде, и научает кротких путям Своим. |
| 10Kaik Ižandan ted – nece om armod da tozi hänen kožmust da sanad kaičijoile. | 10Все пути Господни--милость и истина к хранящим завет Его и откровения Его. |
| 11Sinun nimen täht, Sur’ Sünduižem, pästa minun sured grähkäd. | 11Ради имени Твоего, Господи, прости согрешение мое, ибо велико оно. |
| 12Ken om Ižandad varaidai mez’? Hänele ozutab hän, mitte te valita. | 12Кто есть человек, боящийся Господа? Ему укажет Он путь, который избрать. |
| 13Hänen heng sab mirun, hänen jäl’ghe astujad saba jäl’gestuseks man. | 13Душа его пребудет во благе, и семя его наследует землю. |
| 14Ižandan varaidajad tedištaba hänen peitmeled, ičeze kožmusen hän avaidab heile. | 14Тайна Господня--боящимся Его, и завет Свой Он открывает им. |
| 15Minun sil’mäd kacuba vaiše Ižandaha, hän pästab verkospäi minun jaugad. | 15Очи мои всегда к Господу, ибо Он извлекает из сети ноги мои. |
| 16Ižand, kacuhta minuhupäi da armahta mindai, sikš ku minä olen üksjäine da ahtištadud. | 16Призри на меня и помилуй меня, ибо я одинок и угнетен. |
| 17Minun südäintuskad kazvoiba, pästa mindai minun ahtištusišpäi. | 17Скорби сердца моего умножились; выведи меня из бед моих, |
| 18Kacuhta minun mokihe da vällüdehe, pästa minei kaik minun grähkäd. | 18призри на страдание мое и на изнеможение мое и прости все грехи мои. |
| 19Kacuhta, kut äi minai om vihanikoid, kut pahas hö kandaba vihan minun päle. | 19Посмотри на врагов моих, как много их, и какою лютою ненавистью они ненавидят меня. |
| 20Kaiče minun heng, päzuta mindai, miše huiged ei tuliži minun päle, ku vauvatan sinuhu. | 20Сохрани душу мою и избавь меня, да не постыжусь, что я на Тебя уповаю. |
| 21Minun puhthuz’ da oiktuz’ kaičegha mindai, sinei ved’ uskon minä! | 21Непорочность и правота да охраняют меня, ибо я на Тебя надеюсь. |
| 22Minun Jumal, päzuta Izrail’ kaikiš sen bedoišpäi! | 22Избавь, Боже, Израиля от всех скорбей его. |
Глава 24