Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
17 Psalm | Глава 17 |
| 1Horan ohjandajale. Ižandan käskabunikan Davidan psalm, miččen David pajati Ižandale, konz Ižand päzuti händast Saulan da kaikiden vihanikoiden käzišpäi. Hän sanui muga: | 1Начальнику хора. Раба Господня Давида, который произнес слова песни сей к Господу, когда Господь избавил его от рук всех врагов его и от руки Саула. И он сказал: |
| 2Minä armastan sindai, Sur’ Sünduižem! Sinä oled minun vägi. | 2Возлюблю тебя, Господи, крепость моя! |
| 3Sinä oled minun vahvuz’, varmed aidoituz, minun Päzutai. minun Jumal om minun kal’l’, hänes ecin abud. Hän om minun rindraud, minun abu da kaičii. | 3Господь--твердыня моя и прибежище мое, Избавитель мой, Бог мой, --скала моя; на Него я уповаю; щит мой, рог спасения моего и убежище мое. |
| 4Kucun ülenzoittud Ižandad, muga päzun vihanikoiden käzišpäi. | 4Призову достопоклоняемого Господа и от врагов моих спасусь. |
| 5Surman mokad käriba mindai, väruden joged pöl’gästoitiba mindai. | 5Объяли меня муки смертные, и потоки беззакония устрашили меня; |
| 6Surman valdkundan čapid sidoiba mindai, kolendan verkod tabaziba mindai. | 6цепи ада облегли меня, и сети смерти опутали меня. |
| 7Sures gor’as kucuin minä Ižandad, pakičin abud minun Jumalal. Hän kulišti minun kidan ičeze pühäkodiš, minun än’ tuli hänen korvihe. | 7В тесноте моей я призвал Господа и к Богу моему воззвал. И Он услышал от чертога Своего голос мой, и вопль мой дошел до слуха Его. |
| 8Ma särahti da likahti, čibuiba i sirdihe mägiden alandused, konz Jumalan viha süttui. | 8Потряслась и всколебалась земля, дрогнули и подвиглись основания гор, ибо разгневался Бог; |
| 9Tuhahti savu hänen vihaspäi, i kaiken söi lämoi läksi hänen suspäi, lämoihiled lendiba hänespäi. | 9поднялся дым от гнева Его и из уст Его огонь поядающий; горячие угли сыпались от Него. |
| 10Hän koverzi taivhad da laskihe alahaks, pimed pil’v oli hänen jaugoiden al. | 10Наклонил Он небеса и сошел, –и мрак под ногами Его. |
| 11Hän ištuihe Heruvimale da pölähti, hän lendaškanzi tullein suugil. | 11И воссел на Херувимов и полетел, и понесся на крыльях ветра. |
| 12Hän oti katuseks pimedan, kärihe mustihe vezihe, pimedoihe pil’vihe. | 12И мрак сделал покровом Своим, сению вокруг Себя мрак вод, облаков воздушных. |
| 13Hänen edes sirdihe pil’ven hoštai loštotez, pani ragišt da lendi lämoihilid. | 13От блистания пред Ним бежали облака Его, град и угли огненные. |
| 14Jumal jüraidaškanzi taivhas, Ulähäine andoi ičeze änen, lükäiži ragišt da lämoihilid. | 14Возгремел на небесах Господь, и Всевышний дал глас Свой, град и угли огненные. |
| 15Hän pästi ičeze nolid i leviti niid, iški lämoid i vougi lämoin kelid. | 15Пустил стрелы Свои и рассеял их, множество молний, и рассыпал их. |
| 16I ozutihe veden purtked, avaižihe man alandused sinun vägeval käsköl, Sur’ Sünduižem, sinun vihalämoin puhumižespäi. | 16И явились источники вод, и открылись основания вселенной от грозного гласа Твоего, Господи, от дуновения духа гнева Твоего. |
| 17Hän oigenzi käden korktusišpäi i oti mindai, hän tembaiži mindai suriš vezišpäi. | 17Он простер руку с высоты и взял меня, и извлек меня из вод многих; |
| 18Hän päzuti mindai vägevas vihanikaspäi, neniš vihanikoišpäi, ked oliba vägevambad mindai. | 18избавил меня от врага моего сильного и от ненавидящих меня, которые были сильнее меня. |
| 19Hö tartuiba minun käzihe ahthal aigal, no Ižand tuli minei abuhu. | 19Они восстали на меня в день бедствия моего, но Господь был мне опорою. |
| 20Hän päzuti mindai todes joudajale sijale, sikš ku oli mel’dünu minuhu. | 20Он вывел меня на пространное место и избавил меня, ибо Он благоволит ко мне. |
| 21Ižand maksoi minei minun oiktuden mödhe, andoi paukan minun käziden puhthiš radoiš. | 21Воздал мне Господь по правде моей, по чистоте рук моих вознаградил меня, |
| 22Minä olen püžunu Ižandan jäl’gil, en hül’gäidand ičein Jumalan käsköid. | 22ибо я хранил пути Господни и не был нечестивым пред Богом моим; |
| 23Kaik hänen käsköd oliba minun meles, hänen sanoišpäi minä en likahtund. | 23ибо все заповеди Его предо мною, и от уставов Его я не отступал. |
| 24Minä olin puhtaz hänen edes, kaičimoi tehmaspäi grähkid. | 24Я был непорочен пред Ним и остерегался, чтобы не согрешить мне; |
| 25Ižand maksoi minei paukan minun tozioiktudes, minun käziden puhthudes hänen sil’miš. | 25и воздал мне Господь по правде моей, по чистоте рук моих пред очами Его. |
| 26Hüväsüdäimeližile sinä oled hüvä, oigedmeližile oled oiged, | 26С милостивым Ты поступаешь милостиво, с мужем искренним--искренно, |
| 27puhtazmeližile oled puhtazmeline, manitelijoile maksad heiden manituses. | 27с чистым–чисто, а с лукавым–по лукавству его, |
| 28Sinä päzutad ahtištusiš olijoid, a ülendelijoiden sil’mäd painad alahaks. | 28ибо Ты людей угнетенных спасаешь, а очи надменные унижаешь. |
| 29Sur’ Sünduižem, sinä viritad minun lampan. Minun Jumal andab minei vauktad minun pimedas. | 29Ты возжигаешь светильник мой, Господи; Бог мой просвещает тьму мою. |
| 30Sinunke minä vägestan torakogon, minun Jumalan abul libun lidnan seinäle. | 30С Тобою я поражаю войско, с Богом моим восхожу на стену. |
| 31Jumalan te om vigatoi, Ižandan sana om puhtaz, hän om rindraud kaikiden hänehe uskojiden täht. | 31Бог! --Непорочен путь Его, чисто слово Господа; щит Он для всех, уповающих на Него. |
| 32Ken om Jumal, ku ei Ižand, i ken om kaičii ku ei meiden Jumal? | 32Ибо кто Бог, кроме Господа, и кто защита, кроме Бога нашего? |
| 33Jumal vösttab mindai vägel, ozutab minei oiktan ten. | 33Бог препоясывает меня силою и устрояет мне верный путь; |
| 34Hän tegeb minun jaugad pedran vuiččikš, andab vahvut püžuda kal’l’oil. | 34делает ноги мои, как оленьи, и на высотах моих поставляет меня; |
| 35Hän opendab minun käded toradamha, käzivarded – kingitamha vasktaugan jäntked. | 35научает руки мои брани, и мышцы мои сокрушают медный лук. |
| 36Sinä oled minun edes kuti rindraud, sinun oiged käzi tugedab mindai, sinun armod tegeba mindai vahvaks. | 36Ты дал мне щит спасения Твоего, и десница Твоя поддерживает меня, и милость Твоя возвеличивает меня. |
| 37Sinä teged minun haškud lujikš, minun jaugad ei säraikoi. | 37Ты расширяешь шаг мой подо мною, и не колеблются ноги мои. |
| 38Minä ajan minun vihanikoid i taboitelen heid, en pörte sihesai, kuni en riko heid kaikid. | 38Я преследую врагов моих и настигаю их, и не возвращаюсь, доколе не истреблю их; |
| 39Minä išken heid, hö ei voiškakoi libuda enamba, hö lankteba minun jaugoiden alle. | 39поражаю их, и они не могут встать, падают под ноги мои, |
| 40Sinä ved’ vöstid mindai vägel toran täht, panid minun jaugoiden alle minun vasthalibujid. | 40ибо Ты препоясал меня силою для войны и низложил под ноги мои восставших на меня; |
| 41Sinä küksid minun vihanikoid, i minä lopin nenid vastustajid. | 41Ты обратил ко мне тыл врагов моих, и я истребляю ненавидящих меня: |
| 42Hö kidastaba, no ei ole päzutajad, hö kucuba Ižandad, no hän ei anda vastust. | 42они вопиют, но нет спасающего; ко Господу, --но Он не внемлет им; |
| 43Minä levitan heid kuti tuhkan tulleil, polgen heid kuti tanhan redud. | 43я рассеваю их, как прах пред лицем ветра, как уличную грязь попираю их. |
| 44Sinä päzutid mindai rahvahan vastustandaspäi, tegid mindai verhiden heimoiden pämeheks. Tundmatoi minei rahvaz om nügüd’ minun valdas. | 44Ты избавил меня от мятежа народа, поставил меня главою иноплеменников; народ, которого я не знал, служит мне; |
| 45Hö kundleba mindai edel, ku minä ehtin käskta, verazmaižed tegesoiš libedkeližikš minun edes. | 45по одному слуху о мне повинуются мне; иноплеменники ласкательствуют предо мною; |
| 46Hö varaidaba da säraidaba ičeze kiviseiniden taga. | 46иноплеменники бледнеют и трепещут в укреплениях своих. |
| 47Ižand eläb! Olgha kittud minun Polestai, olgha ülenzoittud Jumal, minun Päzutai! | 47Жив Господь и благословен защитник мой! Да будет превознесен Бог спасения моего, |
| 48Jumal aznoičeb minun poles, hän paneb rahvahad minun valdan alle. | 48(Бог, мстящий за меня и покоряющий мне народы, |
| 49Hän päzutab mindai vihanikoišpäi, libutab mindai heid ülemba, päzutab vägivaldnikoišpäi. | 49и избавляющий меня от врагов моих! Ты вознес меня над восстающими против меня и от человека жестокого избавил меня. |
| 50Sikš ülenzoitaškanden sindai, Sur’ Sünduižem, mirun rahvahiden keskes, pajatan kitändad sinun nimele. | 50За то буду славить Тебя, Господи, между иноплеменниками и буду петь имени Твоему, |
| 51Sinä abutad ičeiž rahvahan kunigahale, oled uskoline ičeiž voideltud David-kunigahale i hänen jäl’genikoile kaikeks igäks. | 51величественно спасающий царя и творящий милость помазаннику Твоему Давиду и потомству его во веки. |
Глава 17