Выбрать язык
Книги Ветхого Завета
Книги Нового Завета
без русского текстаPSALMOIDEN KIRJ | ПСАЛТИРЬ |
103 Psalm | Глава 103 |
| Davidan psalm mirun tegemižes. | |
| 1Ülenzoita Ižandad, minun heng! Ižand, Sur’ Sünduižem, sinä oled lujas sur’! Sinun sädo oma korged eloarv da suruz’, | 1Благослови, душа моя, Господа! Господи, Боже мой! Ты дивно велик, Ты облечен славою и величием; |
| 2päivänvauged ümbärdab sindai kuti sädo. Sinä oled levitanu taivhan kuti kangazpertižen pautnan | 2Ты одеваешься светом, как ризою, простираешь небеса, как шатер; |
| 3i tehnu ičeiž zalad veziden päle, pil’ved oled tehnu ičeiž korjaks i lendad tullein suugil. | 3устрояешь над водами горние чертоги Твои, делаешь облака Твоею колесницею, шествуешь на крыльях ветра. |
| 4Sinä teged tulleid sinun sanankandajikš, lämoin teged ičeiž käskabunikaks. | 4Ты творишь ангелами Твоими духов, служителями Твоими–огонь пылающий. |
| 5Sinä tegid man vahvoile alandusile, se ei likahtu igän. | 5Ты поставил землю на твердых основах: не поколеблется она во веки и веки. |
| 6Sinä katoid sen süvüden vezil kuti sobal, mägil-ki om vezi. | 6Бездною, как одеянием, покрыл Ты ее, на горах стоят воды. |
| 7Sinä käskid vezid, i ned pageniba. Sinun än’ jurahti, i ned läksiba joksmaha, | 7От прещения Твоего бегут они, от гласа грома Твоего быстро уходят; |
| 8libuiba mägile, laskihe laksoihe, sijoihe, miččid sinä niile valičid. | 8восходят на горы, нисходят в долины, на место, которое Ты назначил для них. |
| 9Sinä panid röunad, miččiš päliči veded ei voigoi mända, ned ei tulgoi tagaze katmaha mad. | 9Ты положил предел, которого не перейдут, и не возвратятся покрыть землю. |
| 10Sinä panid vedenpurtked laksoihe, veziojad vodaba mägiden keskes. | 10Ты послал источники в долины: между горами текут, |
| 11Ned jotaba kaikid pöudživatoid, mecoslad-ki joba vet külläks. | 11поят всех полевых зверей; дикие ослы утоляют жажду свою. |
| 12Niiden randoil eläba taivhan lindud, ned pajataba lehtištos vezidenno. | 12При них обитают птицы небесные, из среды ветвей издают голос. |
| 13Sinä jotad mäged taivhan vedel, sinun tegoiden satusil täutase ma. | 13Ты напояешь горы с высот Твоих, плодами дел Твоих насыщается земля. |
| 14Sinä kazvatad heinäd živatoile, i man ploduid mehele, miše hän saiži sömišt maspäi, | 14Ты произращаешь траву для скота, и зелень на пользу человека, чтобы произвести из земли пищу, |
| 15saiži vinad ičeze iloks, eleivoid modon čomiteseks da leibäd, kudamb andab vägid hibjale. | 15и вино, которое веселит сердце человека, и елей, от которого блистает лице его, и хлеб, который укрепляет сердце человека. |
| 16Ižandan pud-ki saba väged, Livanan kedrad, miččid hän ištuti. | 16Насыщаются древа Господа, кедры Ливанские, которые Он насадил; |
| 17Niiden oksile lindud tegeba pezoid, i ned oma pezasijad aistoile, | 17на них гнездятся птицы: ели–жилище аисту, |
| 18korktad mäged – pedroile, kivikal’l’od jänišoile peitsijaks. | 18высокие горы–сернам; каменные утесы–убежище зайцам. |
| 19Sinä panid kudmaižen ozutamha aigad, päiväine tedab ičeze laskendaigan. | 19Он сотворил луну для указания времен, солнце знает свой запад. |
| 20Sinä oigendad pimedan, i tuleb ö, sil aigal joksendaba kaik mecživatad. | 20Ты простираешь тьму и бывает ночь: во время нее бродят все лесные звери; |
| 21Levad äräidaba sal’hes, pakičeba Jumalal sömäd. | 21львы рыкают о добыче и просят у Бога пищу себе. |
| 22Libub päiväine, i ned peitäsoiš, vereba ičeze pezoihe lebaidamha. | 22Восходит солнце, и они собираются и ложатся в свои логовища; |
| 23A mez’ lähteb ičeze radole, radab ehthasai. | 23выходит человек на дело свое и на работу свою до вечера. |
| 24Lugematomad oma sinun tegod, Ižand! Kaiken oled tehnu muga melevašti! Kaik ma om täuz’ sinun satusid. | 24Как многочисленны дела Твои, Господи! Все соделал Ты премудро; земля полна произведений Твоих. |
| 25Muga meri-ki, nece sur’ i avar, mitte lugematoi parveh sigä ujub, kogoil živatoid, penid i surid. | 25Это–море великое и пространное: там пресмыкающиеся, которым нет числа, животные малые с большими; |
| 26Meres ujuba laivad, siš om nece leviafan, miččen sinä tegid sigä vändmaha. | 26там плавают корабли, там этот левиафан, которого Ты сотворил играть в нем. |
| 27Ned kaik varastaba, miše sinä andaižid niile sömäd ičeze aigan. | 27Все они от Тебя ожидают, чтобы Ты дал им пищу их в свое время. |
| 28Sinä andad, i kaikutte sab ičeze palan, avaidad kämnen, i kaik saba sömäd külläks. | 28Даешь им–принимают, отверзаешь руку Твою–насыщаются благом; |
| 29Ku käraudatoi niišpäi, ned pöl’gästuba, ku otad niil hengen, ned koleba i vajehtasoiš man pölüks. | 29скроешь лице Твое–мятутся, отнимешь дух их–умирают и в персть свою возвращаются; |
| 30Ku sinä oigendad ičeiž henged, sündub uz’ elo, muga sinä udištad mad. | 30пошлешь дух Твой–созидаются, и Ты обновляешь лице земли. |
| 31Olgha ülenzoittud Ižand igän! Pidägaha hän hüväd mel’t kaikiš ičeze tegoiš. | 31Да будет Господу слава во веки; да веселится Господь о делах Своих! |
| 32Hän kacuhtab maha, i ma säraidab, kosketab mägid, i niišpäi lähteb savu. | 32Призирает на землю, и она трясется; прикасается к горам, и дымятся. |
| 33Pajataškan Ižandale kaiken minun elon aigan, oigendaškan Jumalale ülenzoituzpajon, kuni elän. | 33Буду петь Господу во всю жизнь мою, буду петь Богу моему, доколе есмь. |
| 34Olgha minun pajo hänele mel’he, minä ihastun Ižandan polhe. | 34Да будет благоприятна Ему песнь моя; буду веселиться о Господе. |
| 35Kadogaha man pälpäi kaik grähkižed, lopkahas kaik värantegijad. Kitä Ižandad, minun heng! Alliluija! | 35Да исчезнут грешники с земли, и беззаконных да не будет более. Благослови, душа моя, Господа! Аллилуия! |
Глава 103