Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»Содержание1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Библия»СодержаниеОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ИОНА ПРОРОКТЬ КНИГАЦ

Глава 1

Иона ворьгоди Азорть кошардоманц эзда

1 Ионанди, Амафиень цёранцты, сась Азорть эзда вал:2 «Архт Ниневияв, оцюдонга оцю ошу, и азк тоса эряйхненди: "Мон няине тинь кальдяв тевонтень и судендатядязь инксост"».3 Но Иона срхкась ворьгодемс Азорть эзда Фарсису. Сон пачкодсь Иоппияв, мусь Фарсису моли оцю венч, пандсь кинц инкса и сувась оцю венчти, ёрась эсонза ворьгодемс Фарсису Азорть эзда.

Ионань ёрдасазь оцюведти

4 Но Азорсь кучсь оцюведть лангс вии варма и кеподсь сяшкава вишке давол, нльне срафтокшневсь оцю венчсь.5 Венчень вятихне эводсть, и эрсь эздост кармась эняльдема эсь шкаенцты. Оцю венчть тёждялгофтоманкса синь ушедсть ёрямост ведти венчса уликс паршихнень. А Иона тяда инголе ни валгсь венчть потмос, велясь и кемоста матодовсь.6 Венчень оцюнясь сась тейнза и мярьгсь: «Мес удат? Стяк и эняльтть эсь Шкайцти! Пади, Шкайсь лятфтай колганк, и минь аф юматама-аратама».

7 Венчень вятихне мярьгсть фкя-фкянди: «Эрьда жерьбань ёрдазь содасаськ кинь инкса сатомазь тя зиянць». Синь ёрдасть жерьба, и жерьбась прась Ионань лангс.8 Эста синь мярьгсть тейнза: «Азк тейнек, кинь инкса минь сатомазь тя зиянць? Кодама тев тон якафтат и коста саят? Кодама масторста тон и кодама ломаньтналста?»9 Сон мярьгсь каршезост: «Мон евреян и сюконякшнян Азорти, Менелень Шкайти, кона тиезе оцюведть и модать».

10 Венчень вятихне пяк эводсть и мярьгсть тейнза: «Мезе тон тиеть!» Синь ни содазь: Иона ласьки Азорть эзда; сон сонць тянь азондозе.11 Синь мярьгсть тейнза: «Мезе тейнек тиема мархтот оцюведть сетьмоманкса?» А даволсь ся пингть сядонга вихонзакшнесь.12 Иона мярьгсь тейст: «Сявомасть и ёрдамасть ведти, и оцюведсь сетьми. Мон содаса, тя вии даволсь сатодязь монь инксон».

13 Но ломаттне кармасть виеста миледема*а, ёрасть пачкодемс модати, аньцек синь ашезь лисе, сяс мес даволсь сяда и сяда вихонзакшнесь каршезост.14 Эста синь эняльгодсть Азорти и мярьгсть: «Азор, эняльттяма Тейть, тят макса тейнек ваямс тя ломанть ваймонц инкса. Тяк пантфта минь кядьстонк аф мувору верть валоманц. Вдь Тон, Азор, тиить тянь Эсь мяльцень коряс!»15 Синь сявозь Ионань и ёрдазь оцюведти, и оцюведть кяжец сетьмось.16 Эста венчстотне кармасть пяк пелема Азорда. Синь кандсть Азорти озксказне и варасть*б Тейнза.

*а 13 1:13 миледемс – грести вёслами

*б 16 1:16 варамс – дать клятву

 Глава 1