Выбрать язык
Книги Ветхого Завета
Книги Нового Завета
с русским текстом1 Азорсь кошардозе оцю калть нилемс Ионань, и Иона ульсь калонь пекса колма шит и колма вет.2 Иона озондсь Азорти, эсь Шкаенцты, калонь пекса,3 и мярьгсь:
«Ризф потмоса мон эняльдень Азорти,
и Сон кулемань монь и лездсь тейне.
Мон ювадень Тейть крхка калмоста,
и Тон кулить монь вайгялезень.
4 Тон ёрдамайть монь крхкати,
оцюведть кучкас,
и шуди-шары веттне ульсть монь перьфкан.
Сембе Тонь сери ведькомболксне и ведьгеворьксне
ётасть ланган.
5 Мон арьсень: "Мон паньфан Тонь сельмингольдет,
но сякокс тага няйса Тонь иняру кудцень".
6 Веттне кеподсть крга видьге,
потмаксфтома томбась перямань монь,
оцюведень тишеса тапарявсь прязе.
7 Мон валгонь мяк панттнень юрснонды, модать алу,
и модань ортатне пефтома пингс пякставсть мельган.
Но Тон, Азор Шкаезе,
таргасак монь ваймозень адста.
8 Мзярда эрямань толнясь мадондсь эсон,
мон лятфтань Азорть колга,
и озондомазе пачкодсь Тейть,
Тонь иняру кудозт.
9 Шава и аф афкуксонь шкайхнень лангс надияйхне
кадозь кельги седи Шкайснон.
10 Но мон сюконязь
карман каннема Тейть озксказнет.
Мезе надияфтонь – тиса.
Идемась Азорть кядьса».
11 Азорсь кошардозе оцю калть, и сон уксондозе Ионань модать лангс.
Глава 2