Выбрать язык
Книги Ветхого Завета
Книги Нового Завета
с русским текстом1Коське кши сускомсь, конань порьсазь сетьмошиса, сяда пара
илань рястаф сивольда, конань сивсазь сялондозь.
2 Смузю покодись азорондай кудазорть аф поваднай цёранц лангса,
и цёрать брадонзон мархта явсы азоронц козяшинц.
3 Сиять ароптсазь шяняфтомань кядьгоса, зрнять варжасазь пянакудса,
а ломанень седихнень варжасыне-ароптсыне Азорсь.
4 Зиянонь тиись кулхцонды кяжи кяльхть,
васькафнись шарфты мяль юмафты-арафты валхненди.
5 Кие пеетькшни ашуть лангса, ся сялдсы сонь Тииенц;
кие кенярди лиять кальдявонцты, ся аф мяни наказамада.
6 Атятнень каштазсна – унокне,
иттнень прянь шнамасна – тядясна-алясна.
7 Ёньфтомоти аф ладяй ёню корхтамась,
а цебярь ширде содаф ломанти – васькафни валхне.
8 Салавань казнесь максыенц сельмоса няеви питни кевнякс:
кинди афоль пшкяде, сембоц лиси.
9 Кие вешенди кельгома, ся юкстасы лиянь пежеть,
а кие тага лятфни колганза, ся юмафтсы ялганц.
10 Ёнюсь тонады сюцемдонза меле,
ёньфтомоти сядоксть пиксомаське аф лезды.
11 Кальдяв ломанть аньцек фкя мялец – кеподемс комболдома,
сяс каршезонза ули кучф кулянь канды*а, кона аф содай ужяльдема.
12 Сяда пара васьфтемс аваофта, конань нелькфт лефксонза,
шава прять и сонь ёньфтомашинц мархта васедемать вастс.
13 Кие паронкса панды кяжса,
сянь кудста зиянць аф туй.
14 Ушедомс сялондома – тя кода сяземс ведьперяфкс,
сяс лоткафтк сялондомать, мзярс сон ашезь вихонза.
15 Зиянонь тиить аф муворукс лувиец и аф муворуть шумуяфтыец –
кафцьке туткоткст Азорти.
16 Мезенди ёньфтомоти ярмакне?
Смузьшинь рамамс сонь сяка аш ёнец.
17 Ялгась кельги эрь кодама пингста
и брадсь шачсь брадонцты стакашиса лездома.*б
18 Кржа ёньдонза сянь, кие сявсы эсь лангозонза лиять шумонц
и максы вал маластонь ломаненц инкса.
19 Кие кельги сялондомат, ся кельги пежеть,
и кие шнафты пря*в, ся вешенди прама.
20 Ёжу седись аф муй пара,
васькафни кяльсь пови зиянц.
21 Ёньфтомоть шачфтыец – шачфтсь эстейнза ризф,
шава прять аляц аф содай кеняртькс.
22 Кеняртьф седись канды шумбраши,
а ризнай ваймось косьфтай пакарьхть.
23 Шкайфтомось сяви салавань казне лиянь повста
и кичкоргофтсы виде судть кинц.
24 Ёнють сельмонза ваныхть смузьшить лангс,
а ёньфтомоть сельмонза якайхть масторть келес.
25 Ёньфтома цёрась канды ризф алянцты
и пичефкс тядянцты.
26 Пяк кальдяв – пантфтомс питне аф муворуть кядьста,
и видешить инкса пиксомс цебярь ширде содаф ломаттнень.
27 Смузюсь кирдьсы кяленц
и ёнюсь корхтамста аф эряскоды.
28 Ёньфтомоське няеви смузюкс, мзярс аф панчсы кургонц,
лувови ёнюкс, мзярда кургоц пякстаф.
*а 17:11 Синодальнай ётафтомаса: ангел
*б 17:17 Синодальнай ётафтомаса: и кода брад сай лездома зиянонь пингоня.
*в 17:19 валда валс: «и кие тиенди сери ортат»
Глава 17