Выбрать язык
Книги Ветхого Завета
Книги Нового Завета
с русским текстом1Ломанць седисонза арьсесы сяньге-тонаньге,
но мекольце валсь лиси Азорть кургста.
2 Ломанть сембе кинза эсь сельмосонза няевихть арукс,
но Азорсь ваны ваймоть лангс.
3 Максыть Азорти сембе тефнень,
и арьсефксне пяшкодихть.
4 Азорсь семботь тиезе мезень-бди топафтоманкса,
шкайфтомотьке тиезе зиянонь шинди.
5 Прянь няихне сембе туткоткст Азорти;
содак, синь аф мянихть наказамада.
6 Аф полафни кельгомась и видешись аруяфтсазь пежеть,
Азорда пелемась ванфты кальдявда.
7 Кда ломанть кинза Азорть мяленц коряват,
эста Азорсь каршек молихненьге мирендафтсыне мархтонза.
8 Видексшиса сатф кржась сяда пара
васькафтомаса сатф оцю козяшида.
9 Ломанть седиец арьсекшнесы эсь кинц,
но Азорсь вятьсыне аськолксонзон.
10 Оцязорть трванза пачфнесазь Шкайть мяленц,
сон аф эльбяди судонь азомста.
11 Видеста няфти ункстаматне и ункстама кядьготне – Азорть эздот,
и кяскавса сембе ункстама сталмотневок Сонь эздонза.
12 Оцязорхне туткодыхть кальдяв тевда,
вдь оцязоронь озама вастсь кемокстави видешиса.
13 Видеста корхтай трватне туйхть оцязорть мяльс,
сон кельгсы видешинь азыть.
14 Оцязоронь кяжсь – куломань колга кулянь канды;
но смузю ломанць ляпомфтьсы сонь седиенц.
15 Оцязорть валда сельмованфоц кази эряф,
и ломаттненди ладяф ваймоц, кода тундань пизем.
16 Смузьшинь кочкамась зрняда пара,
ёнень кочкамась сияда питни.
17 Виде вайме ломаттнень кисна тушенды шири кальдявть эзда;
кие ваны, ков моли, ся ванфтсы эсь эряфонц.
18 Прянь няемась вяти юмамас-арамас,
прянь вярьге кандомась пачфти прамас.
19 Прянь няихнень мархта нелькф паршинь явомать вастс,
сяда пара ашуфнень мархта сятявшиса эрямась.
20 Кие смузюста вятьсы тевонц, ся муй пара,
кие надияй Азорть лангс, ся павазу.
21 Ёнюста арьси ломанть лемнесазь шарьхкодикс,
и мазыста корхтамась кемокстасы тонафтомать.
22 Смузьшись смузюти – эряфонь лихтибря,
ёньфтомашись ёньфтомоти – наказама.
23 Смузю седись корхтаманцка тисы смузюкс
и виияфтсы тонафтомань валонц.
24 Лямбе валхне – кода кяряз медь:
синь ламбапт ваймоти и пчкафтыхть ронгть.
25 Ламоц китне няевихть ломаттненди видекс,
но синь вятихть куломас.
26 Вача пексь паньцы ломанть покодема,
тянь тиема сонь кучсы кургоц.
27 Аф пара ломанць арьси седисонза кальдяв,
сонь корхтамац – бта юрнай тол.
28 Салава сускись види сялондомат,
а клянь-млянь пачфнись явфты ялгат.
29 Тюрись-пиксысь усксы маластонненц эсь кальдяв тевонзон мельге,
вятьсы сонь аф пара ки лангс.
30 Кие ёжуста чипорясы сельмонц,
ся арьси салава сускомань тев,
кие пори пейхть,
сянь мяльсонза зиянонь тиема.
31 Шаржу*а шяярьхне – тя шнамань каштаз,
кона сатови видексшинь эряфса.
32 Куватьс кирдись вии ушманда пара,
эсь прянь кирдись ошень сявида цебярь.
33 Жерьбась каяви эльс,
но Азорть кядьса сонь прамац.
*а 16:31 шаржу – седой
Глава 16