Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловари1-я книга Моисеева. Бытие2-я книга Моисеева. ИсходПритчиИонаПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ОМБОЦЕ КНИГАЦ

ЛИСЕМАСЬ

Глава 31

Иняру кошть потмос эрявиксть тииенза

1Азорсь мярьгсь Моисеенди:2«Ватт, Мон кочкайне Веселеилонь, Уриянь цёранц, Хуронь уноконц Иудань юромста.3Мон пяшкодине сонь Шкаень Ваймопожфса, смузьшиса, шарьхкодемаса, содамошиса и эрь кодама маштомашиса,4и вельдест сон арьси и тии зрнянь, сиянь и серень паршихть,5керси-шовси питни кевнят, конатнень тонгсыне лотконяс, и лакси шуфтт эрь кодама тевонди.6И вага, Веселеилонди лездыкс Мон максса Аголиавонь, Ахисамахонь цёранц Данонь юромста. Эрь маштыкядь ломанть седиезонза Мон путонь смузьши, тиелезь семботь, мезе Мон мярьгонь тейть:7васедемань кошть, сотксонь арзять, лангозонза путневи вельхксть и семботь, мезсь эряви иняру кошса покодеманди,8шрать и семботь, мезсь моли мархтонза, иняру зрняста тиф валдоптомань кирдемать и семботь, мезсь моли мархтонза, качафтомань алтарть,9марнек плхтамань озксказненди алтарть и семботь, мезсь моли мархтонза, штамань кядьготь и алксонц,10мазыста тиф покодемань щапнень, Аарон озксвятити иняру щапнень и сонь цёранзонды озксвятемань щапнень,11вадемань вай и танцти шине нолдамат иняру вастти. Катк синь тисазь семботь стане, кода Мон мярьгонь тейть».

Ваймамань шить ванфтомац

12Азорсь мярьгсь Моисеенди:13«Азк Израилень ломаттненди: Ванфнесть Монь ваймамань шинень, сяс мес ваймамань шись юромста юромс молезь кармай няфнемонза ся сотксть, конань Мон тиине мархтонт. Катк ваймамань шись лятфнесы тейнть, Мон Азорсь, кона иняруяфни эсонт.14Ванфнесть ваймамань шить, сяс мес сон тейнть иняру: кие аф лувсы сонь инярукс, ся ули максф куломас. Кие кармай покодема ся шиня, ся ули машфтф эсь ломаньтналстонза.15Кота шит катк покодихть, а сисемце шись – иняру, тя ваймамань ши, кона лемтьф Азорти. Эрсь, кие кармай покодема ваймамань шиня, улеза максф куломас.16Катк Израилень ломаньтналсь ванфнесы ваймамань шить и ётафнесы сонь юромста юромс, кода пефтома пингс максф соткс.17Ваймамань шись пефтома пингс няфнесы ся сотксть, конань Мон тиине Израилень ломаттнень мархта, вдь кота шиста Азорсь тиезе менельть и масторть, а сисемце шиня кадозень тевонзон и ваймосесь».

18Мзярда Азорсь Синай панда пряса лоткась корхтамда Моисеень мархта, Сон макссь тейнза сотксонь няфти кафта седяфт, кевонь седяфт, конатнень лангса сёрматфоль Шкаень сурса.

 Глава 31