Выбрать язык
Книги Ветхого Завета
Книги Нового Завета
с русским текстом1«Тик иняру кошть, Шкайть эряма вастонц, кемонь котфста, конат тифт пяльтьф иляназонь сюреста и валда-сенем, якстерь и шобда-якстерь понань сюреста. Котфнень лангс кодак херувипт-ангелхт.2Эрь котфть кувалмоц катк ули комсь кафкса кенерь, а эрть келец – ниле кенерьхть. Катк сембе котфне улихть фкя кувалмоса и фкя келеса.3Вете котфне стамат фкя-фкянь мархта кувалмос, и лия вете котфневок стамат фкя-фкянь мархта кувалмос, и лисихть кафта оцю котфт.4Васенце оцю котфть пенцты тик килькшт*а валда-сенем сюреста, и тяконь тик обмоце оцю котфть пенцты, ся васттненди, коса синь пункставихть фкя-фкянь мархта.5Стак ведьгемонь килькш васенце оцю котфть пезонза и ведьгемонь килькш – омбоце оцю котфть пезонза, ся вастти, коса сон пункстави васенцеть мархта. Килькшне катк молихть фкя-фкянь каршеса.6Тик ведьгемонь зрнянь кячказ*б, и вельдест пункстайть оцю котфнень фкя-фкянь мархта, и синь тиевихть фкя марстонь вельхтердакс иняру кошти.7Сявань понаста кодак нинге кефкие котф – иняру кошть вельхтямс.8Фкя котфть кувалмоц катк ули колмогемонь кенерь, а келец – ниле кенерьхть. Катк сембе кефкие котфнень кувалмосновок, келесновок улихть фкат.9Вете котфнень стайть марс кувалмоваст, кота котфненьге стайть марс кувалмоваст, но котоце котфть мянтьк кафтонь крда и повфтак иняру кошть сувама вастонц вельхксс.10Васенце оцю котфть пенцты тик ведьгемонь килькш, конатнень вельде пункстасак сонь омбоце оцю котфть мархта, и омбоце оцю котфть пенцтывок тик ведьгемонь килькш, конатнень вельде пункстасайть оцю котфнень.11Тик ведьгемонь серень кячказ и тонгить синь килькшненди. Пункстайть кафцьке оцю котфнень, и синь тиевихть фкя вельхтердакс.12Кошень котфнень эзда лятф пакшть фкя пяленц нолдак иняру кошть фталдонь пяльксонцты.13А пакшсь, кона ляды кошень котфнень кувалмоснон эзда, нолдама иняру кошть бокованза: фкя кенерь лангс – васень бокста и фкя кенерь лангс – омбоцеста, иняру кошть вельхтямс.14Иняру кошть вельхтерданц ланга тик вельхкс боранонь кеттнень эзда, конат архтфт якстерьста, и тянь ланга путт тага фкя вельхкс сенем кеттнень эзда.
15Тик иняру кошти стена-седяфт акация шуфтста и путыть синь стяда.16Эрь седяфть тик кемонь кенерень кувалмоса и фкя пяле мархта кенерень келеса.*в17Эрь седяфть алдонь пензон лангс тик кафта пяльнят, фкя-фкянь каршес. Тяконь тик сембе кошень седяфнень мархта.18Тяфта тиить седяфнень иняру кошти: кошть лямбе ширдень пяльксонцты тик комсь седяф,19и нильгемонь сиянь алкс ня комсь седяфнень алу: кафтонь алкс эрь седяфть алу сонь кафта пяльнянзонды.20Иняру кошть омба пяльксонцты, кона кельме ширеса, тяфта жа тик комсь седяф.21Тейстка тик нильгемонь сиянь алкс: кафтонь алкс эрь седяфть алу.22А иняру кошть фталдонь пяльксонцты, кона шинь валгома ширеса, тик кота седяфт,23и нинге кафта седяфт иняру кошть ужензонды.24Ня ужень седяфне алда и вярде кемокстамат сурксса, улельхть марстоннекст. Тяфтама седяфта эряви кафта, тифтень седяф эрь ужети.25Лисенди кафкса седяфт, и алост кемготува сиянь алкс: кафтонь алкс эрь седяфть алу.26Тик вете олкт акация шуфтста иняру кошть васень стена-седяфонзонды,27вете олкт – кошть омба стенанц кувалмос, и вете олкт – кошть фталдонь, шинь валгома ширдень, стенанц кувалмос.28А кучкастонь олгсь кармай ётнема седяфнень кучкава, фкя стенать песта ушедомок омбоцеть пенц самс.29Седяфнень вельхтяйть зрняса, и суркснень, коза кармайхть навсевома олкне, тиить зрняста. Олкненьге вельхтяйть зрняса.30Стяфтк иняру кошть ся кепотьксть коряс, кона няфтьфоль тейть панда пряса».
31«Тик перяфкс валда-сенем, якстерь и шобда-якстерь понань сюреста и пяльтьф иляназонь сюреста. Лангозонза маштозь кодамат херувипт-ангелхт.32Повфтак сонь ниле орва лангс, конат тифт акация шуфтста и вельхтяфт зрняса. Ня орватнень лангс тик зрнянь кячкаст, и алост путт сиянь ниле алкст.33Повфтак котфонь перяфксть ня кячкаснень лангс и фталонза сувафтк сотксонь арзять. Котфонь перяфкссь явфтсы тейнть Иняру вастть Иняруда иняру вастть эзда.34Путк пежень нолдама вельхксть сотксонь арзять лангс Иняруда Иняру вастса.35Путк шрать котфонь перяфксть фталу. Валдоптомань кирдемать путк шрать каршес, иняру кошть лямбе ширдень стенанц ваксс, а шрать – кошть кельме ширдень стенанц ваксс.36Иняру кошть сувама вастонцты тик котфонь перяфкс. Сон кодама валда-сенем, якстерь и шобда-якстерь понань сюреста и пяльтьф иляназонь сюреста, и лангозонза тиемат сёрмат.37Котфонь перяфксти тик акация шуфтста вете зрнянь орват и лангозост зрнянь кячкаст. Орватнень алу тик-валхт вете серень алкст».
*а 26:4 килькш – петля
*б 26:6 кячказ – крюк
*в 26:16 кувалмосна – 5 м. и келесна – 0,75 м.
*г 26:31 котфонь перяфкс – завеса
Глава 26