Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловари1-я книга Моисеева. Бытие2-я книга Моисеева. ИсходПритчиИонаПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ОМБОЦЕ КНИГАЦ

ЛИСЕМАСЬ

Глава 27

Алтарь, конань лангса кандовихть марнек плхтамань озксказнетне

1«Тик алтарь акация шуфтста. Катк сон ули ниле ужа мархта: вете кенерьхть кувалмос, вете кенерьхть келес и колма кенерьхть серес.2Алтарть ниле ужензон лангс тик сюрот – тейст улема фкя тифксокс алтарть мархта. Вельхтяк алтарть сереса.3Тик тейнза кулувонь кочкамс ведаркат, кулувонь таргамс каймонят, кядьгот, цянгонят и седень кандомс кечет. Сембонь тянь тик сереста.4Тик алтарти пролопонь решётка. Тик сонь сереста. Решёткать ниле ужензон лангс тик ниле серень суркст.5Тонк серень решёткать алтарть каерксонц алу, алтарть потмос: улеза решёткась тонкф алтарть кучканц самс.6Тик алтарти олкт акация шуфтста, и вельхтяйть синь сереса.7Тонгить олгонзон суркснень потмос тяфта: катк кандомста синь улихть алтарть кафцьке бокованза.8Алтарть тик седяфста, и катк потмоц ули шава. Тик сонь ся кепотьксть коряс, кона няфтьфоль тейть панда пряса».

Иняру кошть пирьфоц

9«Тик иняру кошти, Шкайть эряма вастонцты, пирьф. Пирьфть лямбе ширенцты тик сяда кенерень кувалмоса котфонь перяфкст, конат улихть кодафт пяльтьф иляназонь сюреста.10Котфонь перяфкснень кирдемс тик комсь орва, орватненди комсь серень алкс, сиянь кячкаст и соткст, конатнень вельде орватне сотовихть-кемокставихть фкя-фкянь мархта.11Пирьфть кельме ширенцтывок тик сяда кенерь кувалмоса котфонь перяфкст. Тейстка тик комсь орва, и орватненди комсь серень алкс. Орватнень кячказсна и соткссна катк улихть сияннет.12А пирьфть шинь валгома ширенцты – ведьгемонь кенерень кувалмоса котфонь перяфкст, и тейст кемонь орват, и орватненди кемонь алкст.13Катк пирьфть шинь стяма ширец ули ведьгемонь кенерень кувалмоса.14Котфонь перяфксне – пирьфть сувама вастонц фкя боксонза – тиемат кеветие кенерень кувалмоса, и тейст колма орват и колма алкст.15Тяфта жа, пирьфть сувама вастонц омба боксонза котфонь перяфксне тиемат кеветие кенерень кувалмоса, и тейст колма орват и колма алкст.16А пирьфть сувама вастонцты тик котфонь перяфкс валда-сенем, якстерь и шобда-якстерь понань сюреста и пяльтьф иляназонь сюреста, сёрма мархта. Катк сонь кувалмоц ули комсь кенерь. Тик котфонь перяфксти ниле орват и орвань кирди ниле алкст.17Сембе орватне, конат ащихть пирьфть перьфке, катк улихть сотфт-кемокстафт фкя-фкянь мархта сиянь сотксса. Кячказсна катк улихть сияннет, а алкссна сереннет.18Катк пирьфть кувалмоц ули сяда кенерь, келец – ведьгемонь кенерь, а серец – вете кенерьхть. Котфонза катк улихть кодафт пяльтьф иляназонь сюреста, а орвань алксне тифт сереста.19Сембось, мезсь эряви иняру кошса покодеманди, тяфта жа кошть сембе пяльнянза и пирьфонь сембе пяльнятне, тиемат сереста».

Валдоптоматне и синь вайсна

20«Кошардыть Израилень ломаттнень каннемс тейть валдонь кирдемс ару вай, кона люпштаф вайшуфтонь иможста. Палоза валдоптомать толоц сембе пинкнень.21Аарон и сонь цёранза катк ваныхть сянь мельге: илядьста шобдавас палольхть валдоптоматне васедемань кошть*а потмоса Азорть шамаликонц инголе, котфонь перяфксть фтала, кона сотксонь арзять инголе. Тя пефтома пингонь кошаркс Израилень ломаньтналти юромста юромс».

*а 27:21 Васедемань кош – тя иняру кошть нинге фкя лемоц, кона канни смузь: «васта, коса васетькшнихть Шкайть мархта»; скиния собрания. Тяда башка «иняру кошть» нинге лемнесазь «Шкайть эряма вастоц».

 Глава 27