Выбрать язык
Книги Ветхого Завета
Книги Нового Завета
с русским текстом1Мадиамонь озксвятись Иофор, Моисеень атявозец, кулезе семботь сянь, мезе Шкайсь тись Моисеенди и марнек Израильти, Эсь ломаньтналонцты, и кода Азорсь лихтезе Израилень ломаньтналть Египетста.2Иофор, Моисеень атявозец, сявозе мархтонза Сепфора стиренц, Моисеень рьванц, конань Моисей тяда инголе кучезе алянцты,3и сонь кафта цёранзон. Фкять лемоцоль Гирсам, сяс мес Моисей корхнесь: «Мон ширде сафан лиятнень масторса»,4а омбоцеть лемоцоль Елиезер, сяс мес Моисей корхнесь: «Алязень Шкаец ульсь тейне лездыкс, Сон идемань монь фараонть тордонза».5Иофор, Моисеень атявозец, Моисеень цёранза и сонь рьвац састь Моисеенди шавмодав, коса ащесть сонь кошенза, Шкаень пандть ваксс.6Иофор кучсь вал Моисеенди: «Тя мон, Иофор атявозце. Мон сань тейть рьвяцень и сонь кафта цёранзон мархта».7Моисей лиссь атявозенц каршес, сюконясь инголенза и палазе сонь. Фкя-фкянь мархта шумбракснемда меле синь сувасть кошть потмос.8Моисей азондозе атявозенцты семботь, мезе Азорсь тись фараонти и Египетонь ломаттненди Израильть инкса. Тяфта жа азондсь сембе стакашитнень колга, конат ульсть ки лангсост, и кода Азорсь идезень синь.9Иофор кеняртькшнесь сембе ся пароть инкса, конань Азорсь тиезе Израильти, идемок сонь египтяттнень кядьста.10Сон мярьгсь: «Улеза бславаф Азорсь, кона идедязь тинь египтяттнень и фараонть эзда, кона мянтьфтезе тя ломаньтналть египтяттнень азорксшиснон алда.11Тяни мон содайне: Азорсь сяда оцю сембе шкайхнень коряс, сяс мес Сон тяфта тись египтяттнень мархта, конат кепсезь пряснон израильтяттнень инголе».12Иофор, Моисеень атявозец, кандсь марнек плхтамань озксказне и озксказнет Шкайти. Аарон и Израилень сембе оцюнятне састь и Моисеень атявозенц мархта ярхцасть кшида Азорть инголе.
13Омбоце шиня Моисей озась ломаттнень аф ладямаснон*а ванома, и ломаттне ащесть Моисеень перьфке шобдаваста илядьс.14Но мзярда Моисеень атявозец няезе семботь, мезе Моисей тиенди ломаттнень мархта, сон мярьгсь: «Мезе тяфтамсь тон тиендят ломаттнень мархта? Мезенди тон озафат тяса ськамот, а сембе ломаттне шобдаваста илядьс ащихть перьфкат?»15Моисей мярьгсь эсь атявозенцты: «Ломаттне сашендыхть тейне Шкайть мяленц кизефтема.16Мзярда ётксост лиси кодамовок аф ладяма, синь сашендыхть тейне. Мон ванондса сянь, мезьса фкясь и омбоцесь ашесть ладя, и азонкшнеса тейст Шкайть ладяфксонц и коенц».17Но Моисеень атявозец мярьгсь тейнза: «Тя тевса тон аф смузюста тиендят:18тон эсь пряценьге сизефтсак и ня ломаттненьге, конат сашендыхть тейть. Тя тевсь пяк стака тейть и ськамот сон аф вятеви.19Кулхцонтк тяни мезе мон азан. Мон максан тейть ётть, и катк Шкайсь ули тонь мархтот: ульхть ломаньтналти тевонь якафтыкс Шкайть инголе, макссить синь аф ладямаснон Шкайть ваноманцты.20Тонафнить тейст Шкаень ладяфкснень и койхнень, няфнек тейст Сонь кинц, куване тейст молема, и ся тефнень, конат тейст тиендемат.21Тяфта жа вешть марнек ломаньтналстот машты ломатть, конат пелихть Шкайда, азонкшнесазь видеть и конат аф рамавихть. Путыть синь вятикс ломаттненди: кинь тёжянень вятикс, кинь сядонь вятикс, кинь ведьгемонень вятикс, а кинь кемонень вятикс.22Катк синь ванондсазь ломаттнень тевснон сембе пинкнень. Стака тефнень катк каннесазь тейть, а сембе тёждя тефнень судендакшнесазь синць. Тяфта тейть ули сяда тёждя, и синь лездыхть тейть кандомс тя канксть.23Кда тон тият тяфта, и Шкайське кошарттанза тянди, эста тейть кандови тя тевсь, и сембе ня ломаттне кармайхть тушендома куду озаф седихть».
24Моисей кулхцондозе атявозенц ёнень максоманц и тиезе семботь, мезе сон мярьгсь.25Моисей кочкась машты ломатть сембе Израилень ломаньтналста и путозень синь вятикс ломаньтналти: тёжянень вятикс, сядонь вятикс, ведьгемонень вятикс и кемонень вятикс.26Синь ванондозь ломаньтналть тевонзон сембе пингть. Стака тефнень синь каннезь ваномс Моисеенди, а сембе тёждя тефнень судендакшнезь синць.27Меле Моисей нолдазе атявозенц, и ся тусь эсь модазонза.
*а 18:13 тяса: тяжбы
Глава 18