Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловари1-я книга Моисеева. Бытие2-я книга Моисеева. ИсходПритчиИонаПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ОМБОЦЕ КНИГАЦ

ЛИСЕМАСЬ

Глава 17

Ведь кевбандста

1Израилень ломаньтналть сембе пуромксоц тусь кис Син шавмодаста и ётнесь фкя лоткама вастста омбоцес Азорть мярьгоманц коряс. Синь стяфтозь эсь кошснон Рефидимса, но тоса ломаньтналти ашель симомс ведь.2Ломаттне ушедсть сялондома Моисеень мархта и корхтасть: «Максода тейнек симомс ведь». Моисей мярьгсь каршезост: «Мес сялонттада мархтон? Мезенди варчсесасть Азорть?»3Ломаттне маятасть тоса ведьфтома и изгордсть Моисеень лангс. Синь корхтасть: «Мезенди тон лихтемасть минь Египетста? Мяльце ведьфтома кулофтомс минь, иденьконь и жуватаньконь?»4Моисей эняльгодсь Азорти и мярьгсь: «Мезе тейне тиемс тя ломаньтналть мархта? Нинге аф лама и синь шавсамазь монь кевса».5Азорсь мярьгсь Моисеенди: «Сяфть мархтот мзярошка Израилень оцюня и мольхть ломаньтналть инголе. Сявк кядезт байдекть, конань мархта тон вачкодить Нилть, и архт.6Мон аран инголет кевбанда лангса Хоривть ваксса. Тон вачкодьсак байдекса кевбандть, и эздонза шудезеви ведь, и ломаньтналсь кармай симома эздонза». Моисей тиезе тянь Израилень оцюнятнень сельминголест.7Сон лемдезе тя вастть Массакс и Меривакс*а, сяс мес Израилень ломаттне сялондсть тоса и варчсезь Азорть кирдемшканц, корхнемок: «Азорсь мархтонк али аф?»

Израилень ломаньтналсь тюри амаликитяттнень мархта

8Меле амаликитяттне састь Рефидиму тюрема израильтяттнень мархта.9Моисей мярьгсь Иисусонди*б: «Кочкак тейнек алят и архт тюрема амаликитяттнень мархта. Ванды мон аран панда пряс, и Шкайть байдекоц ули кядьсон».10Иисус тись, кода кошардозе Моисей, и тусь тюрема амаликитяттнень мархта. А Моисей, Аарон и Хур куцсть панда пряс.11Мзярда Моисей кепсезень кядензон, эста сяськондсь Израильсь, а мзярда нолнезень кядензон, сяськондсь Амаликсь.12Но Моисеень кяденза сизесть. Эста Аарон и Хур сявсть кев, путозь алонза, и Моисей озась кевть лангс. А Аарон и Хур кирнезь сонь кядензон, фкясь – фкя ширде, а омбоцесь – лия ширде. И Моисеень кяденза кепотьфтольхть шить валгоманц самс.13Тяфта Иисус сяськозе Амаликонь и сонь ушмовиенц, шавомок синь торса.

14Азорсь мярьгсь Моисеенди: «Сёрматк тянь книгас лятфнембяленди и сувафтк Иисусонь седизонза: "Мон прокс нардасайне амаликитяттнень масторлангста, кодамовок лятфнембяль аф ляды колгаст"».15Сяльде Моисей тись алтарь и лемдезе сонь – Иегова Нисси*в,16и мярьгсь: «Кядсь кепотьфоль Азорть оцязоронь озама вастонцты: Азорсь тюри Амаликонь мархта юромста юромс».

*а 17:7 Ня валхнень смузьсна: «варчсема и сялондома».

*б 17:9 Тяса корхтави Иисус Навинонь колга.

*в 17:15 Сонь смузец: Азорсь – монь сяськомань знамязе. Рузкс: знамя.

 Глава 17