Выбрать язык
Книги Ветхого Завета
Книги Нового Завета
с русским текстом1Вагот Израилень цёранза, конат сембе юромнек састь Египету Иаковонь мархта:2Рувим, Симеон, Левий и Иуда,3Иссахар, Завулон и Вениамин,4Дан и Неффалим, Гад и Асир.5Иаковонь эзда шачфта марнек ульсь сизьгемонь ломань. Иосиф ся пингть ульсь ни Египетса.6Меле Иосиф кулось, тяфта жа кулость сембе сонь брадонза и марнек ся пингонь юромсна.7А Израилень ломаттне шачфнесть и пяк ламолгодсть. Синь лувкссна сяшкава кассь, нльне пяшкодезь ся масторть.
8Египетса кармась азорондама од оцязор, кона ашезе сода Иосифонь.9Сон мярьгсь эсь ломаньтналонцты: «Ванода, Израилень ломаньтналсь миндедонк оцю и вии.10Эрьда ёжуста тихтяма мархтост, лотказа касомда синь лувкссна. Афток, кда лиси тюрема, синь шоворихть каршек тюриеньконь мархта, врьгятихть лангозонк и туйхть масторстонк».11Сяс Израилень ломаттнень мельге ладясть ваныхть, конат пульзяфнезь синь стака покодемаса. Израилень ломаттне тиезь фараонти Пифом и Раамсес ошнень, конатнень эса ванфневсть кочкаф паршихне.12Но ков сяда люпштазь Израилень ломаньтналть, тов сон сяда ламолготкшнесь и сяда кассь, нльне кармасть пелема Израилень ломаттнень эзда.13Сяс египтяттне апак ужяльтть кошярязь Израилень ломаттнень покодема14и стакалгофнезь эряфснон пульзяфты покодемаса. Синь шорсесть сёвонь, тиендсть кирпицть, шавсть паксяса и лия эрь кодама тевса, конань тиендемс синь кошярязь вихца и прокс аф ужяльдезь.
15Египетонь оцязорсь макссь кошаркс евреень бокон соты аватненди, конатнень лемсна ульсь Шифра и Фуа,16мярьгомок: «Мзярда карматада лездома евреень авати шачфнема, ванода, кие шачи: шачендяряй цёра – шавость сонь, а кда стирь – ся катк эряй».17Но бокон соты аватне пельсть Шкайда и ашесть тиенде стане, кода кошардозень Египетонь оцязорсь. Синь кадондозь иднятнень шиса.18Эста Египетонь оцязорсь тердезень бокон соты аватнень и мярьгсь тейст: «Мес тяфта тиенттяда, мес кадондсасть цёрашабатнень шиса?»19Бокон соты аватне мярьгсть фараонти: «Евреень аватне аф египетоннетнень лацот, синь тазат. Мзярс бокон соты авась сашенды, синь ни шачфтыхть».20Тянкса Шкайсь ладязень бокон соты аватнень тевснон, и Израилень ломаньтналсь шиста шис ламолготкшнесь и вииякшнесь.21И сяс мес бокон соты аватне пельсть Шкайть эзда, Сон бславазень синь кудснон и макссь тейст итть.22Эста фараонць макссь кошаркс марнек ломаньтналонцты, мярьгомок: «Эрь шачф евреень цёранять ёрясть Нилу, а эрь стирть кадондость шиса».
*а 1:0 Лисемась – тя книгаса азондови Египетонь урексшиста Израилень ломаньтналть лисеманц колга
Глава 1