Выбрать язык
Книги Ветхого Завета
Книги Нового Завета
с русским текстом1Авраам сявсь эстейнза нинге лия рьвя, конань лемоцоль Хеттура.2Сон шачфтозень Авраамонди Зимранонь, Иокшанонь, Меданонь, Мадианонь, Ишбаконь и Шуахонь.3Иокшанонь шачсть цёранза: Шева и Дедан. Деданонь цёранза ульсть: Ашурим, Летушим и Леюмим.4Мадианонь цёранза ульсть: Ефа, Ефер, Ханох, Авида и Елдага. Нят сембе Хеттурань цёранза.5Авраам максозе сембонц, мезец ульсь Исааконди.6А лия рьвятнень цёраснонды Авраам макссь казнет, и нинге шиса улемстонза кучезень синь Исаак цёранц эзда шинь стяма шири, шинь стяма модав.
7Авраам эрясь сяда сизьгемонь вете киза.8Сон кулось, мзярда ульсь пяк сире. Сон лац ётафтозе сире пингонц, и топодемс эрямда меле сон тусь эсь атянь-атянзонды.9Сонь цёранза Исаак и Измаил калмазь сонь Махпелань кевботмарса, кона ащи хеттеень Ефронть, Цохаронь цёранц, паксясонза, аф ичкозе Мамреть эзда.10Тя мода пяльксть Авраам рамазе хеттейхнень кядьста. Тоса калмафт Авраам и Сарра, сонь рьвац.11Авраамонь куломдонза меле Шкайсь бславазе сонь цёранц Исааконь. Исаак эрясь Беэр-лахай-роить маласа.
12Тя Измаилонь, Авраамонь цёранц, шачема юромоц, ся цёранц, конань Агарь, Саррань Египетонь аваурец, шачфтозе Авраамонди.13Нят Измаилонь цёранзон лемсна, шачема кизоснон коряс: Наваиоф, Измаилонь васень цёрац, мельганза шачсь Кедар, Адбеел, Мивсам,14Мишма, Дума, Масса,15Хадад, Фема, Иетур, Нафиш и Кедма.16Нят Измаилонь цёранза, кемгафтува юромснон кемгафтува оцюнясна, синь лемсна, и тяфта жа синь велеснон и лотксема вастснон лемсна.17Измаил эрясь сяда колмогемонь сисем киза. Меле сон кулось и тусь эсь атянь-атянзонды.18Измаилонь юромонь поладыенза эрясть Хавилать эзда сявомок Сурть самс, кона ащи Египетть эзда шинь стяма ширеса, мзярда молят Ассирияв. Синь эрясть сялондозь-тюрезь сембе брадснон мархта.
19Тя азкссь Исааконь, Авраамонь цёранц, и сонь юромонь поладыензон колга. Авраамонь шачсь Исаак цёрац.20Исааконди ульсь нильгемонь киза, мзярда сон сявозе рьвакс Ревеккань, кона ульсь Месопотамияса эряй арамеянь Вафуилть стирец и арамеянь Лаванть сазороц.21Исаак озондсь Азорти эсь рьванц инкса, сяс мес ся изь пекиякшне. Азорсь кулезе сонь, и Ревекка, сонь рьвац, пекиясь.22Но цёратне тюрсть фкя-фкянь мархта тядянь пекса, и Ревекка мярьгсь: «Мес тяфта лиссь мархтон?» И тусь кизефтемонза Азорть.23Азорсь мярьгсь тейнза:
«Кафта юропт тонь пексот,
кафта ломаньтналхт лисихть тонь эздот.
Фкя ломаньтналсь тиеви омбоцеть коряс сяда виикс,
оцюсь кармай покодема ёмлати».
24Мзярда сась сонь шачфтома пингоц, пексонза ульсть кафтасть.25Васенцесь лиссь якстерь и шяярю, кода пона кедь. Сонь лемдезь Исавкс*а.26Мельганза лиссь брадоц. Сонь кядняц кирдсь Исавонь кочкярянцты, и сонь лемдезь Иаковкс*б. Исааконди ульсь кодгемонь киза, мзярда синь шачсть.
27Иттне кассть. Исав арась вирьбаксянь жуватань цебярь кунцикс, вирень-паксянь ломанькс, а Иаков ульсь сятявкс, фалу эрьсесь кошса.28Исааконь мялезонзоль вирьбаксянь жуватань сивольста ярхцамбяльсь, и сяс сяда пяк кельгозе Исав цёранц, а Ревекка кельгозе Иаковонь.
29Весть, мзярда Иаков пидесь лям, Исав пяк сизефста сась паксяста30и мярьгсь Иаковонди: «Макста тейне ярхцамс тона якстерть эзда, якстерь лямда, сяс мес мон пяк сизень». Тяста и лемдезь сонь Едомкс*г.31Но Иаков мярьгсь: «Васенда мик тейне васень шачфокс улемацень».32Исав мярьгсь: «Ватт, мон кулома лангсан, мезенди тейне васень шачфокс улемазе?»33Иаков мярьгсь: «Инголи варак тейне». Сон варась инголенза, и мизе Иаковонди васень шачфокс улеманц.34Тяда меле Иаков макссь тейнза кши и якстерь снавонь лям. Сон ярхцась и симсь, а меле стясь и тусь. Исавонди сембе сяколь васень шачфокс улеманц лангс.
*а 25:25 Исав лемть смузец – «понав».
*б 25:26 Иаков лемть смузец – «кочкяря».
*в 25:27 Васенцекс шачф цёрати, алянц куломда меле, макссевсь сембода оцю пялькссь уликс-пароть эзда лия браттнень коряс; первородство.
*г 25:30 Едом лемть смузец – «якстерь».
Глава 25