Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 10

Ноень юромонь поладыенза

1Тя азкссь Ноень цёранзон колга: Симонь, Хамонь, Иафетонь и синь юромонь поладыснон колга. Шадода меле синь шачсть идьсна.

2Иафетонь цёранза ульсть: Гомер, Магог, Мадай, Иаван, Фувал, Мешех и Фирас.3Гомеронь цёранза ульсть: Аскеназ, Рифат и Фогарма.4Иаванонь цёранза ульсть: Елиса, Фарсис, Киттим и Доданим.5Синь эздост шачсть ломаньтналхт*а, конат тусть эряма оцюведень трватнень и усиятнень*б лангс; и эрть ульсь эсь модац, эсь кялец и эсь юромоц*в.

6Хамонь цёранза ульсть: Хуш, Мицраим, Фут и Ханаан.7Хушонь цёранза ульсть: Сева, Хавила, Савта, Раама и Савтеха. Раамань цёранза ульсть: Шева и Дедан.8Хушень тяфта жа ульсь цёрац Нимрод – масторлангса васенце вии и цебярь ушманць.9Сон ульсь вирьбаксянь жуватань пяк цебярь кундайкс Азорть инголе. Сяс ломаттнень ёткса корхневи: «Азорть инголе жуватань пяк цебярь кундай, прокс Нимродонь лаца».10Васенда Нимродонь оцязорксшинц ала ульсть: Вавилонць, Эрехсь, Аккадсь и Халнесь, кона Сеннаар модаса.11Тя модаста сон тусь Ассуру, коса стяфтозень-тиезень Ниневия, Реховор-ир и Калах ошнень,12и нинге Ресен ошть, кона ащи Ниневия и Калах ошнень ёткса. Калах ошсь ульсь оцюдонга оцю.13Мицраимонь эзда лиссть Лудим, Анамим, Легавим, Нафтухим,14Патрусим, Каслухим, коста лиссть филистимляттне, и Кафторим.

15Ханаанонь эзда шачсть Сидон – тя васень цёрась, Хет,16и тяфта жа иевусейхне, аморрейхне, гергесейхне,17евейхне, аркейхне, синейхне,18арвадейхне, цемарейхне и химафейхне. Меле Ханаанонь тя тналонза срадсть масторга,19и синь модасна таргавсть Сидонть эзда Герарть шири, Газать самс, а тоста Содомть, Гоморрать, Адмать и Цевоимть шири, Лашать самс.20Нят ульсть Хамонь цёранза, синь юромсна, кяльсна, модасна и ломаньтналсна.

21Симоньге, Иафетонь оцю брадонц, ульсть иденза. Сон ульсь атянь-атякс сембе Еверонь ломаттненди, лиякс мярьгомс, еврейхненди.22Симонь цёранза ульсть: Елам, Ассур, Арфаксад, Луд и Арам.23Арамонь цёранза ульсть: Уц, Хул, Гефер и Маш.24Арфаксадонь шачсь Сала цёрац, Салань шачсь Евер цёрац.25Еверонь шачсть кафта цёранза. Фкять лемоцоль Фалек*г, сяс мес сонь эряфонц пингста ломаттне явсть-срадсть масторть ланга; а брадонц лемоцоль Иоктан.26Иоктанонь шачсть цёранза: Алмодад, Шалеф, Хацармавеф, Иерах,27Гадорам, Узал, Дикла,28Овал, Авимаил, Шева,29Офир, Хавила и Иовав. Нят сембе Иоктанонь цёранза.30Синь эряма вастсна таргавсть Мешать эзда Сефар пандть самс, кона шинь стяма ширеса.31Нят Симонь цёранза, синь юромсна, кяльсна, модасна и ломаньтналсна.

32Нят ульсть Ноень цёранзон тналсна, эсь шачема юромснон и ломаньтналснон коряс. Синь эздост лиссть-шачсть масторлангонь ломаньтналхне шадода меле.

*а 10:5 ломаньтнал – народ, нация

*б 10:5 усия – остров

*в 10:5 юром – род, племя; родня

*г 10:25 Фалек лемть смузец «явома».

 Глава 10