Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ

УШЕДОМАСЬ

Глава 5

Адамонь юромонь поладыенза Ноень самс

1Тя азкссь Адамонь и сонь юромонь поладыензон колга. Мзярда Шкайсь тиезе ломанть, Сон тиезе сонь Эсь лацонза.2Сон тиезень синь алякс и авакс, бславазень синь и тиемстост макссь тейст лем – ломань.

3Мзярда Адамонди ульсь сяда колмогемонь киза, сонь шачсь цёрац – эсь лацонза и эсь кондямонза. Адам лемдезе сонь Сифокс.4Сифонь шачемдонза меле Адам эрясь кафкса сятт киза, и сонь нинге шачсть цёранза и стиренза.5Адам марнек эрясь вейхкса сятт колмогемонь киза, и меле кулось.

Сифонь юромонь поладыенза

6Мзярда Сифонди ульсь сяда вете киза, сонь шачсь Енос цёрац.7Еносонь шачемдонза меле Сиф эрясь кафкса сятт сисем киза, и сонь нинге шачсть цёранза и стиренза.8Сиф марнек эрясь вейхкса сятт кемгафтува киза, и меле кулось.

9Мзярда Еносонди ульсь вейхксогемонь киза, сонь шачсь Каинан цёрац.10Каинанонь шачемдонза меле Енос эрясь кафкса сятт кеветие киза, и сонь нинге шачсть цёранза и стиренза.11Енос марнек эрясь вейхкса сятт вете киза, и меле кулось.

12Мзярда Каинанонди ульсь сизьгемонь киза, сонь шачсь Малелеил цёрац.13Малелеилонь шачемдонза меле Каинан эрясь кафкса сятт нильгемонь киза, и сонь нинге шачсть цёранза и стиренза.14Каинан марнек эрясь вейхкса сятт кемонь киза, и меле кулось.

15Мзярда Малелеилонди ульсь кодгемонь вете киза, сонь шачсь Иаред цёрац.16Иаредонь шачемдонза меле Малелеил эрясь кафкса сятт колмогемонь киза, и сонь нинге шачсть цёранза и стиренза.17Малелеил марнек эрясь кафкса сятт вейхксогемонь вете киза, и меле кулось.

18Мзярда Иаредонди ульсь сяда кодгемонь кафта киза, сонь шачсь Енох цёрац.19Енохонь шачемдонза меле Иаред эрясь кафкса сятт киза, и сонь нинге шачсть цёранза и стиренза.20Иаред марнек эрясь вейхкса сятт кодгемонь кафта киза, и меле кулось.

21Мзярда Енохонди ульсь кодгемонь вете киза, сонь шачсь Мафусал цёрац.22Мафусалонь шачемдонза меле Енох эрясь нинге колма сятт киза, улемок кулхцондыкс Шкайти. Енохонь тага шачсть цёранза и стиренза.23Енох марнек эрясь колма сятт кодгемонь вете киза.24Сон ульсь кулхцондыкс Шкайти. Меле сон юмась ломаттнень ёткста, сяс мес Шкайсь сявозе сонь Эстейнза.

25Мзярда Мафусалонди ульсь сяда кафксогемонь сисем киза, сонь шачсь Ламех цёрац.26Ламехонь шачемдонза меле Мафусал эрясь сисем сятт кафксогемонь кафта киза, и сонь нинге шачсть цёранза и стиренза.27Мафусал марнек эрясь вейхкса сятт кодгемонь вейхкса киза, и меле кулось.

28Мзярда Ламехонди ульсь сяда кафксогемонь кафта киза, сонь шачсь цёрац.29Сон макссь тейнза лем – Ной*а и мярьгсь: «Сон ваймафтсамазь минь и тёждялгофтсы покодеманьконь, стака тевоньконь модать лангса, конань сюдозе Азорсь».30Ноень шачемдонза меле Ламех эрясь вете сятт вейхксогемонь вете киза, и сонь нинге шачсть цёранза и стиренза.31Ламех марнек эрясь сисем сятт сизьгемонь сисем киза, и меле кулось.

32Мзярда Ноенди ульсь вете сятт киза, сонь шачсть Сим, Хам и Иафет цёранза.

*а 5:29 Ной лемсь евреень кяльса канни смузь «ваймама», «ваймафтомс».

 Глава 5