Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Ташта Соткс»Содержаниесловарь1-я книга Моисеева. Бытие2-я книга Моисеева. ИсходПритчиИона

Книги Нового Завета Выбрать книгупро «Од Соткс»СодержаниесловариОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

МОИСЕЕНЬ ВАСЕНЦЕ КНИГАЦ
УШЕДОМАСЬ

Глава 4

Каин и Авель

1Адам удось Евань, эсь рьванц, мархта, и ся пекиясь. Сон шачфтозе Каинонь и мярьгсь: «Азорть лездоманц вельде тейне максовсь ломань».2Меле сон шачфтозе Авелень, Каинонь брадонц. Авель ульсь учань ваныкс, а Каин модань сокайкс-видикс.

3Мзярошка пингонь ётазь Каин кандсь Азорти озксказне модань имошнень эзда.4Авелевок кандсь озксказне*а васень шачф учанзон эзда и синь куяснон эзда. Азорсь пара мяльса ванць Авелень и сонь озксказненц лангс,5а Каинонь и сонь озксказненц лангс Сон ашезь вана пара мяльса. Каин пяк кяжиясь, и сонь шамац равчкодсь кяжть эзда.6Азорсь мярьгсь тейнза: «Мес тон кяжиять? И мес равчкодсь тонь шамаце?7Кда тон тиендят видеста, дяряй эста тейть аф кеподеви шамаце? А кда тон тиендят аф видеста, эста ватт, пежесь*б ни кенкшцень ваксса, сон уски эсот эсь мельганза, но тейть эряви улемс азоркс лангсонза».

8Каин мярьгсь Авель брадонцты: «Аде паксяв». И мзярда синь паксясольхть, Каин врьгятсь Авель брадонц лангс и шавозе сонь.9Азорсь мярьгсь Каинонди: «Коса Авель брадце?» Сон мярьгсь: «Мон аф содаса, дяряй мон брадозень мельге ваныян?»10И Азорсь мярьгсь: «Мезе тон тиеть? Мон кульса, кода тонь брадцень вероц ювади Тейне модаста.11Тяни тон сюдофат, и улят паньф тя модаста, конань тон симдить брадцень вердонза.12Мзярда тон кармат сокамонза-видемонза модать, сон ни аф кармай андома эсот. Тон улят паньф ломанькс и юргикс-якайкс масторть ланга».13Каин мярьгсь Азорти: «Тя наказамась пяк стака, сон тейне аф кирдеви.14Тон панят эсон тя масторста, и тейне сави тумс Тонь шамаликцень ингольде. Мон улян паньф и юрги-якай ломанькс, и каршезон васенце молись шавсамань монь».15Азорсь мярьгсь тейнза: «Кие шавсы Каинонь, сянди ули пантф сисемксть». И Азорсь путсь Каинонь лангс тяштькс*в: кивок, мархтонза васедихнень эзда, афолезе шава сонь.16Каин тусь Азорть шамаликонц ингольде и лоткась эряма Нод модаса, кона Эдемть эзда шинь стяма ширеса.

Каинонь юромонь поладыенза

17Каин удось эсь рьванц мархта, ся пекиясь и шачфтозе Енохонь. Каин стяфтсь-тись ош и лемдезе ошть цёранц лемса – Енох.18Енох ульсь алякс Ирадонди; Ирад – Мехиаеленди; Мехиаель – Мафусалонди; Мафусал – Ламехонди.

19Ламех сявсь эстейнза кафта рьват: фкять лемоцоль Ада, а омбоцеть – Цилла.20Ада шачфтозе Иавалонь. Эздонза лиссть сят, кит эряйхть кошса и кирдихть жуватат.21Иавалонь брадонц лемоц – Иувал, и сонь эздонза лиссть арфаса и нюдиса морайхне.22Циллавок шачфтсь цёра – Тувалкаинонь, и сонь эздонза лиссть серень*г и кшнинь пиксыхне-шавихне. Тувалкаинонь сазороц ульсь Ноема.23Ламех мярьгсь эсь рьванзонды:
«Ада и Цилла, кулхцондомасть!
     Ламехонь рьванза, кулесть, мезе мон азан!
Алять мон шавине сянкса, мес сон сялгомань торса,
     од цёрать – сянкса, мес сон эрьхтемань.
24Кда Каинонь инкса пандови сисемксть,
     эста Ламехонь инкса пандови сизьгемонь сисемксть».

Сиф и Енос

25Адам тага удось рьванц мархта, и сон шачфтсь цёра. Ева макссь тейнза лем Сиф и мярьгсь: «Шкайсь макссь тейне тага фкя идь Авелень вастс, конань шавозе Каин».26Сифонь шачсь цёрац, и Сиф лемдезе сонь – Енос. Ся пингста ломаттне кармасть тернемонза Азорть лемонц.

*а 4:4 озксказне – жертва

*б 4:7 пеже – грех

*в 4:15 тяштькс – знак, знамение

*г 4:22 сере – медь или бронза

 Глава 4