Выбрать язык
Книги Ветхого Завета
Книги Нового Завета
с русским текстом1 Мыланем Господьын шомакше лийын:2 «Айдеме эрге! Чуриетым Сеир курык деке савыре да тудын ваштареш пророк шомакым ойло.3 Каласе тудлан: ”Тыге Господь Юмо ойла: Мый тыйын ӱмбакет толам, Сеир курык! Мый ӱмбакет кидем нӧлталам да тыйым еҥ илыдыме ошманурыш савырем.4 Мый тыйын олат-влакым шалатем, да тый ир мландыш савырнет. Тунам пален налат: Мый Господь улам.5 Израиль эрге-влак тыланет эре ужмышудымо лийыныт. Орлыкан жап годым, кунам нунылан мут кучаш жап шуын, тый ӱмбакышт кердым нӧлталынат.6 Тидлан кӧра, Шкем дене товатлем, – ойла Господь Юмо, – Мый тыйым шке вӱрешет йӱштылтем, тыйын вӱретым йоктараш тӱҥалыт. Тый вӱр йоктарымым йӧратенат, сандене тыйынат вӱретым йоктараш тӱҥалыт.7 Сеир курыкым Мый пӱтынек пустаҥдем, кӧ тудын гоч кая але тушко пӧртылеш – чылаштым пытарем.8 Мый тусо кӱкшака-влакым пуштмо кап дене темем. Тыйын чоҥгата ден лапверлаштет, чыла коремыштет керде дене пытарыме-влак кияш тӱҥалыт.9 Мый тыйым курымешлан пустаҥдем, олалаштет тетла илаш огыт тӱҥал. Тунам пален налыда: Мый Господь улам!
10 Тый ойленат: ’Нине кок калык да кок мланде мыйын лийыт, мый нуным сеҥен налам’ – а вет тушто Господь лийын!11 Мый Шкем дене товатлем, – ойла Господь Юмо, – израиль эрге-влакым ужмышудыметлан, нунылан сырыше да кӧраныше лийметлан Мый тыланет тидын денак пӧртылтем. Кунам тыйым судитлаш тӱҥалам, Мый нунылан Шкемым палдарем.12 Тунам пален налат: Мый, Господь, чыла мыскылыметым, могайым тый Израиль курык-влак нерген ойленат, колынам. Тый ойленат: ’Нуно пустаҥдыме улыт, ме нуным пӧжгенна!’13 Тый Мыйын ончылнем моктаненат, ваштарешем кугешнен ойленат – тидым Мый колынам.
14 Господь Юмо тыге ойла: кунам Мый тыйым пуста мландыш савырем, уло тӱня куана.15 Кунам Израиль калыкын мландыже пустаҥын, тый куаненат. Садлан Мый тый денет тидымак ыштем: Сеир курык, тый пустаҥдыме лият, тый денет пырля – пӱтынь Идумей! Тунам пален налыт: Мый Господь улам”».
Глава 35